Контакт

Македонија

Ѓуровски: Универзитетите тешко доаѓаат до средства за научни истражувања

Објавено пред

Денеска, на Техничкиот факултет при Универзитетот „Св. Климент Охридски“ во Битола, по повод Светскиот ден на науката, свечено беше отворена втората факултетска студентска конференција и прва универзитетска студентска конференција „Техниката и урбаниот развој“, на тема „ Технологијата и општествениот развој низ аголот на студентите“.

На конференцијата студентите од факултетските единици при Универзитетот „ Св. Климент Охридски“ – Битола, нивните професори и стручни соработници од производствените капацитети, ќе ги разменат своите знаења, научни истражувања и долгогодишни искуства во решавање на глобалните проблеми во урбаното општество.

„Истражувањето и науката не се високорангирани во приоритетите на државата. Буџетот што се издвојува за истражување и развој, изразен како процент од домашниот бруто-производ (БДП) изнесува под 0,4 %, што е минимален процент во споредба со буџетот што се издвојува во земји со слични карактеристики како нашата, како што е, на пример, Словенија, каде што издвојувањата за таа намена се околу 2,4 %. Да не ги земаме предвид високоразвиените земји кои силно се потпираат на науката и истражувањето во нивниот севкупен развој, кај кои издвојувањата се над 3 % (Израел, Шведска, Финска)“, нагласи во своето обраќање проректорот на УКЛО, Марјан Ѓуровски.

Тој оцени дека универзитетите и факултетите тешко доаѓаат до средства за свои истражувања.

„Универзитетите во нашата држава се главно државни и во согласност со тоа јасно е дека средствата добиени од државата се недоволни за некаква сериозна истражувачка работа. Улогата на државата во истражувањето и науката е јасна и таа е слаба“, кажа Ѓуровски.

Темите високо образование, научноистражувачка работа, техничко-технолошки развој, конечно, треба да станат доминантни и клучни теми во јавната дебата бидејќи тоа е единствената сфера што влијае на сите други сегменти во општеството, смета Ѓуровски. Според него, високото образование во изминатиот период ги преживува сите негативни тенденции во македонското општество зашто постои демотивација кај студентите и професорскиот кадар, сите треба да работиме на надминување на оваа состојба, оцени проректорот Ѓуровски во своето обраќање пред студентите.

На студенстската конференција другите соговорници нагласија дека денес е потребно да се промени перцепцијата за важноста на науката во општеството, што се прави и преку одржувањето вакви конференции, нејзината применливост, да се доближи универзитетот до младите, а младите да се мотивираат да имаат свои проекти, трудови, настапи како оратори, кои преку споделувањето научно-популарни говори ќе ја имплементираат науката во секојдневниот живот, во кој особено место зазема технолошкиот развој.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

460 нови случаи на Кoвид-19 и вкупно 12 починати

Објавено пред

Министерството за здравство информира дека во последните 24 часа направени се 2.424 тестирања, а регистрирани се 460 нови случаи на Ковид-19, и тоа од: Скопје – 185, Прилеп – 54, Битола – 45, Кавадарци -28, Берово – 20, Куманово – 15, Гевгелија – 11, Велес – 10, Тетово, Охрид, Радовиш и Делчево по 9, Кочани и Крива Паланка по 7, Кратово – 5, Неготино и Валандово по 4, Струга, Виница и Македонски Брод по 3, Струмица, Ресен, Крушево, Македонска Каменица, Пехчево и Дојран по 2 и по еден заразен од Гостивар, Штип, Кичево, Свети Николе, Дебар, Богданци, Демир Хисар и Демир Капија.

Во текот на изминатите 24 часа пријавени се и седум починати лица – 3 од Скопје (63, 67 и 83 години), две лица од Битола ( 66 и 83 години) и по едно починато лице од Куманово (79) и од Берово (69). Сите пријавени лица се починати во болнички услови.

Дополнително, во согласност со регистарот на починати со дијагноза Ковид-19 од „Мој термин“, пријавени се пет починати лица во периодот од 2 октомври до 27 ноември. Починатите лица се од Скопје (двајца) и по едно од Битола, Велес и од Прилеп. Починатите лица се на возраст од 70 до 88 години. Сите пријавени се починати во домашни услови.

Во изминатото деноноќие регистрирани сe и 543 оздравени пациенти, и тоа од: Скопје – 234, Битола – 54, Прилеп – 31, Куманово – 25, Кавадарци – 23, Штип и Охрид по 20, Кочани – 15, Велес – 14, Струмица – 13, Гевгелија и Ресен  по 12, Тетово – 9, Радовиш, Берово и Делчево по 7, Неготино и Демир Хисар по 6, Крива Паланка и Кратово по 5, Кичево и Богданци по 4, Струга – 3, Виница – 2 и по еден оздравен од Свети Николе, Пробиштип, Крушево, Македонски Брод и Дојран.

Направените 2.424 теста се преку: ИЈЗ – 332, ЦЈЗ Скопје – 77, ЦЈЗ Битола – 65, ЦЈЗ Прилеп – 39, ЦЈЗ Тетово – 11, ЦЈЗ Куманово – 62, лабораторија во болницата во Козле – 19, УК Пулмологија со алергологија – 2, Институт за микробиологија – 3, „Жан Митрев“ („Филип Втори“) – 69, „Авицена“ – 151, „Биотек“ – 164, „Систина“ – 81, лабораторија „Лаор“ – 69, „Синлаб“ – 28, „Ремедика“ – 30, „Плодност“ – 40, „Генеа“ – 13, „Никоб лаб“ – 217, „ВФВ медикал“ – 25, „Ели медика“ – 22, „Ројал медика“ – 9, „Спектра-ММ“ – 12, „Рапид лаб“ – 1, „Жан Митрев Струмица“ – 9, „Нова лаб дијагностика“ – 5, ЈЗУ и ПЗУ (рапид-тест) – вкупно 869.

Досега во земјата се направени вкупно 1.471.420 тестирања на Ковид-19. Вкупната бројка на ковид-дијагностицирани од почетокот на епидемијата изнесува 215.585, бројот на оздравени пациенти е 200.003, на починати е 7.581, а бројот на активни случаи изнесува 8.001.

Според епидемиолошките анализи, во моментот дистрибуцијата по градови е следна:

Скопје 94.288, Активни 3.797
Куманово 12.870, Активни 241
Тетово 11.31.9, Активни 150
Прилеп 10.210, Активни 423
Битола 8.654, Активни 623
Гостивар 8.060, Активни 30
Велес 7.286, Активни 326
Кавадарци 6.956, Активни 305
Штип 6.564, Активни 158
Охрид 6.444, Активни 284
Струмица 6.091, Активни 148
Кичево 4.222, Активни 78
Кочани 3.989, Активни 173
Струга 3.903, Активни 65
Гевгелија 2.792, Активни 128
Неготино 2.557, Активни 58
Свети Николе 2.113, Активни 81
Крива Паланка 1.884, Активни 135
Ресен 1.736, Активни 97
Радовиш 1.720, Активни 63
Дебар 1456, Активни 2
Берово 1.442, Активни 94
Делчево 1.391, Активни 135
Виница 1.154, Активни 43
Пробиштип 1.110, Активни 23
Валандово 930, Активни 54
Кратово 765, Активни 45
Богданци 643, Активни 37
Демир Хисар 609, Активни 73
Крушево 584, Активни 30
Македонски Брод 493, Активни 12
Демир Капија 424, Активни 7
Македонска Каменица 414, Активни 69
Пехчево 349, Активни 11
Дојран 163, Активни 3

Прикажи повеќе...

Македонија

Арсовска на средби со градоначалниците на главните градови од Балканот

Објавено пред

Градоначалничката на град Скопје, Данела Арсовска, денеска оствари билатерални средби со градоначалникот на Истанбул, Екрем Имамоглу, како и со градоначалниците на главните градови: Атина – Костас Бакојанис, Подгорица – Иван Вуковиќ, Белград – Зоран Радојичиќ и Сараево – Бенјамина Кариќ, во рамките на самитот во Истанбул, каде што вчера се основа Б40-мрежата на балкански градови.

На средбите се разговарало за проекти што се приоритетни за Град Скопје, како и за позитивни искуства, кои може да се приспособат и имплементираат во нашиот главен град.

Градоначалничката воедно денеска ја потпиша декларација за соработка на градови од Балканот со заедничка визија за реализација на проекти како би се воспоставила плодна соработка во области од заеднички интерес и изнаоѓање решенија на локално и регионално ниво.

Со декларацијата сите градоначалници се обврзуваат на транспарентно и инклузивно локално управување, засновано на податоци и споделени знаења. Исто така, договорено е веднаш да се направат работни тела меѓу градовите, да се почне со планирање проекти и работни активности, што ќе придонесат за зајакнување на локалната демократија и добрососедските односи во регионот.

Формирањето на мрежата и потпишувањето на декларацијата ќе им помогне на градовите да ги проценат тешкотиите и проблемите со кои се среќаваат и преку споделување решенија и добри практики да се олесни носењето одлуки.

Прикажи повеќе...

Македонија

Марко Бислимоски реизбран за претседател на бордот на регулатори

Објавено пред

Претседателот на Регулаторната комисија за енергетика (РКЕ), Марко Бислимоски, е реизбран за претседател на Одборот на регулатори на енергетската заедница (Energy Community Regulatory Board – ECRB), со што практично доби втор мандат во извршување на оваа должност.

Гласањето се реализира на 50. јубилеен состанок, што се одржува во Атина.

„Добивањето доверба за уште еден мандат, освен што ја потврдува лидерската улога на РКЕ во спроведување на реформите во енергетскиот сектор, дополнително реизборот е и признание на активната улога на РКЕ во креирањето решенија во време на енергетска криза“, посочи Бислимоски по завршување на состанокот.

„Предизвик е да се претседава со бордот на регулатори во време на енергетска криза, но лидерството се кристализира во нудење решенија во тешки моменти, а не во изговори како алиби“, додаде тој.

На состанокот што се одржа учествуваа регулаторите од Албанија, Босна и Херцеговина, Грузија, Косово, Молдавија, Црна Гора, Северна Македонија, Србија и од Украина, како и претставници од Европската комисија и Агенцијата за соработка на eнергетските регулатори на Европската Унија (Agency for the Cooperation of Energy Regulators – ACER).

Прикажи повеќе...

Најново

Македонија23 минути

460 нови случаи на Кoвид-19 и вкупно 12 починати

Министерството за здравство информира дека во последните 24 часа направени се 2.424 тестирања, а регистрирани се 460 нови случаи на...

Топ1 час

Родители од Скопје го принудувале детето да дава сексуални услуги

По претходно донесена наредба за истрага од страна на Јавното обвинителство за гонење организиран криминал и корупција, на 29 ноември...

Македонија2 часа

Бугарската министерка Комитова: Патот „Струма“ има недостатоци, но тие не се причина за пожарот во автобусот

Заштитната ограда во која удри автобусот е според стандардите што важеле во 2002 година кога се реконструирал патот, а денеска...

Европа4 часа

ЕМА: Вакцини против омикрон може да се одобрат за три месеци

Европскиот медицински регулатор денеска објави дека може да одобри вакцини приспособени за заштита од омикрон-варијантата на коронавирусот за три до...

Европа4 часа

(Видео) Австрискиот државен врв затекнат на журка, без маски, најавени кривични пријави

Партијата на слободата на Австрија (ФПО) поднесе жалба против австрискиот канцелар, како и други политичари, за забава по учеството во...

Регион4 часа

Грција со казни за невакцинираните, 100 евра ќе платат повозрасните што не примиле ниту една доза

Грција денеска соопшти дека со 100 евра ќе ги казни лицата на возраст од 60 години, како и постарите што...

Европа5 часа

Блинкен: Потребно е поголемо присуство на ЕУ и САД на Балканот

Австрискиот министер за надворешни работи, Мајкл Линхарт, и министерот за надворешни работи на САД, Антони Блинкен, сметаат дека е потребно...

Македонија19 часа

Повреден возач кога македонски камион се превртел на автопат во Хрватска

Камион со платформа за превоз на други возила се превртел на 130-тиот километар од јужната страна на автопатот А3 Брегана...

Македонија21 час

Сопственикот на „Беса транс“: Си велам зошто не бев и јас во автобусот

Сопственикот на туристичката агенција „Беса транс“, Беким Хаџиу, првпат по стравотната несреќа на автопатот „Струма“ во Бугарија, во интервју за...

Македонија22 часа

Заев – Гаши: Постигната начелна согласност за можна соработка, во тек се консултации за кадровски решенија

Претседателот на Владата на Република Северна Македонија, Зоран Заев, и претседателот на политичката партија Алтернатива, Африм Гаши, имаа работна средба...

Македонија1 ден

22 починати и 118 нови случаи на Ковид-19

Министерството за здравство информира, согласно податоците од Институтот за јавно здравје,дека во последните 24 часа: Направени се 1.245 тестирања, а...

Македонија1 ден

Филипче: Нема потреба од рестрикции поради новиот сој

Минитестерот за здравство, Венко Филипче, смета дека нема потреба од рестрикции поради појавата на новиот сој омикрон. Вели дека епидемиолошката...

Македонија1 ден

Гаши: Не е одговорно да бараме од СДСМ кој ќе биде мандатар

За нас е битно да се договориме кој е концептот, а не да ги принудуваме политичките партии на решенија, вели...

Европа1 ден

Владимир Гушчин: Постојните вакцини штитат и од сојот омикрон

Постоечките вакцини против коронавирус ќе обезбедат заштита од потешки форми на Ковид-19, како што е и новиот сој омикрон, изјави...

Македонија1 ден

Бурим Сејдини реизбран за претседател на Управен суд

На денешната седница Судскиот совет го избра судијата Бурим Сејдини за претседател на Управен суд. Во соопштението за седницата се...

Европа1 ден

Германски имунолог: Омикрон варијантата можеби потекнува од пациенти со ХИВ

Изненадувачки големиот број на мутации откриени на шилестиот протеин кај новата варијанта на коронавирусот, наречена омикрон, може да укажува дека...

Свет1 ден

СЗО со конкретно соопштение: Mожни се сериозни последици од новооткриената варијанта омикрон

Ризикот од новооткриената варијанта на коронавирусот т.н. омикрон е висок, објави Светската здравствена организација (СЗО). Во своето утринско соопштение, СЗО...

Македонија2 дена

Имаме мнозинство и очекуваме дополнително да се зголеми, рече Османи

Има мнозинство во парламентот кое очекуваме дополнително да се зголеми, изјави министерот за надворешни работи, Бујар Османи одговарајќи на новинарски...

Свет2 дена

Светската медицинска асоцијација: Можеби вакцината против Ковид ќе треба да се дава секоја година

Дополнителна доза од вакцината против коронавирусот веројатно ќе биде потребна секоја година, смета претседателот на Светската медицинска асоцијација, Франк Улрих...

Македонија2 дена

Кои се луѓето кои го следат секој мој потег, прашува Аријанит Хоџа по објавената фотографија од средбата со Муса Џафери

Министерот во оставка од Движењето Беса, Аријанит Хоџа ја искоментира фотографијата што се појави на социјалните мрежи, а на која...

Досие