Контакт

Македонија

Јавна дискусија за концептот едно општество: Образованието и медиумите имаат моќ да го искоренат национализмот

Објавено пред

Нацрт-текстот на Националната стратегија за развој на концептот за едно општество и интеркултурализмот во Република Северна Македонија, за која во изминатиот период се организираат јавни дискусии во повеќе градови, денеска беше претставен на Универзитетот „Мајка Тереза“ (УМТ) во Скопје на иницијатива и покажан интерес од академската заедница на оваа образовна институција.

Како што информираат од владината прес-служба, во рамките на повеќечасовната дискусија за Националната стратегија говореле заменик-министерот за образование и наука, Петар Атанасов, Фатмир Битиќи, посебен советник за спроведување на Рамковниот договор во канцеларијата на премиерот, пратеникот Рубин Земон и ректорот на УМТ, проф. д-р Азиз Положани.

Заменик-министерот Петар Атанасов, кој е координатор за кластер-образованието, во својот воведен говор се задржа на потребата од донесување на Стратегијата, која, како што рече, треба да ја одрази суштината на нашето живеење, а истовремено да ја истакне потребата од успешно и функционално општество еднакво за сите, кое со правилно посветување уште од најмала возраст кај децата од предучилишна возраст, но и кај наставниот кадар во основното и средното образование, ќе создадат почит кон социјалните, етничките, националните, верските, културните и секои други разлики.

„Изминатите месеци со колегите се посветивме на академскиот пристап при изработката на суштинските елементи на Националната стратегија и еве тука сме да чуеме што можеме да подобриме, да надградиме. Мултикултурализам е кога имаме ваков заеднички документ, почитуван од сите. Важно е да кажеме дека ја согледавме потребата од зголемување на комуникацијата и јакнење на интеркултурализмот во нашата држава, да ја истакнеме потребата од почитување на јазиците“, истакна заменик-министерот Атанасов.

За Стратегијата и нејзините компоненти, како еден од основните столбови на работата на Владата и составен дел на нејзината Програма, говореше посебниот советник Битиќи, кој истакна дека таа е донесена за да се надмине поделбата во општеството по разни основи.

„Концептот едно општество за сите е признавање на сите различности и обезбедување еднаквост за сите граѓани во општеството, без разлика на нивната социјална припадност, без разлика на сексуалната ориентација или родовиот идентитет“, рече Битиќи, кој оцени дека за доследно спроведување на Стратегијата потребни се унапредување на спроведувањето на нормативите и меѓусебна соработка на локално ниво.

Пратеникот Земон, кој е вклучен во подготовката на Стратегијата уште од почетокот, истакна дека основата на мултикултурализмот е дијалогот меѓу заедниците, имплементирање на законските решенија, надминување на национализмот и почитување на заедничките вредности.

Ректорот на Универзитетот, Положани, се осврна на потребата од вклучувањето на наставниот кадар и медиумите како влијателни индикатори за создавање едно толерантно и напредно општество, кое ќе ја исполни потребата од разбирање на другиот.

Настанот го модерира професорот Ризван Сулејмани, кој исто така потенцира дека образованието е една од клучните елементи од каде што ќе се влијае на свеста на децата, кои подоцна како возрасни граѓани лесно ќе ги надминуваат национализмот, нетолерантноста и ќе знаат за компромис и почитување на еднаквост на правата на сите.

Професорите и претставниците на академската заедница се вклучија во јавната расправа со давање меѓународни примери за создавање генерации, кои ќе учествуваат во градење општество, кое ја почитува културната, верската и јазичната разноликост, но и ќе ги осудуваат расната и националистичката поделеност. Некои од нив понудија помош преку учество во проекти кои ќе придонесат за поквалитетно имплементирање на Националната стратегија, со цел поуспешно справување со предизвиците во општеството.

Македонија

Во Пехчево двајца новозаразени, веќе не е град без активни случаи на коронавирус

Објавено пред

До денеска, Пехчево важеше за единствениот град во земјава, во кој нема активен случај на коронавирус.

Но ова се смени по објавувањето на дневната статистиката на Министерството за здравство, според која од 160 нови случаи, во изминатите 24 часа, два се од Пехчево.

Со новите случаи, во овој град од почетокот на пандемијата регистрирани се вкупно 8, но шестмина веќе се излекувани.

Според најновите податоци, најмногу активни случаи има во Скопје (986), Штип (293), Гостивар (264), Куманово (243), Струга (169) и Тетово (156).

Во моментов бројот на активни случаи во земјата изнесува 2.950 и првпат по речиси два месеца е под 3.000.

Вкупната бројка на ковид-дијагностицирани во Македонија од почетокот на епидемијата изнесува 12.515, бројката на оздравени пациенти е 9.030, а на починати е 535.

Прикажи повеќе...

Македонија

Протест против поскапувањето на струјата: „Во криза им се помага на граѓаните, не на богатите капиталисти“

Објавено пред

Во Скопје вечерва се одржа протест против поскапувањето на струјата. Собирни места за граѓаните беа Жена парк и паркот во Чаир, од каде потоа се упатија пред зградата на Владата.

Организаторите на протестот порачаа дека во услови на пандемија, кога многу граѓани остануваат без работа, европските влади ја намалиле цената на струјата додека трае кризата.

„Кај нас ја поскапеа струјата бидејќи ЕВН, МЕПСО, ЕСМ трпеле поради кризата. Зарем граѓаните не трпат? Што е поважно? Профитите на капиталистите или животниот стандард на обичните граѓани“, запрашаа организаторите.

Тие повикаа на обединетост на сите граѓани, за да се спречи поскапувањето.

Другото барање се однесува на тоа Владата итно да го раскине договорот со ЕВН, како приватен дистрибутер на електрична енергија во земјава.

„ЕВН со години го злоупотребуваше монополот даден од Владата, бараме и простување на сите камати од сметките на ЕВН што граѓаните досега не ги платиле бидејќи сметаме дека високите сметки генерирани од ЕВН се главната причина за нивно неплаќање навреме“, истакнаа организаторите.

Протeстот го поддржуваат „Сакаме чист Чаир“, Социјалистичка зора, Конфeдeрацијата на синдикални организации (КСОМ), Fridays for Futurе и МО Црвeни.

Протести против поскапувањето на струјата денеска се одржаа и во Тетово, Гостивар, Дебар, Кичево и Струга.

Прикажи повеќе...

Македонија

Првпат по речиси два месеца бројот на активни случаи во земјава е под 3.000

Објавено пред

Институтот за јавно здравје денес регистрира намален број на активни случаи, односно вкупно 2.950 лица во моментов се заразени со Ковид-19.

„После подолг период, бројот на активни случаи е под 3.000. Последен пат под 3.000 активни случаи се регистрирани на 23 јуни. Поголемиот број на оздравени лица во споредба со новозаболените придонесува за намалување на бројот на активни случаи во континуитет во последниот период“, објаснуваат од Министерството за здравство.

Денеска се регистрирани и рекорден број на направени тестови на дневно ниво – 2.172, со што вкупната бројка на тестови во земјава достигна 123.122.

Потсетуваме, денес регистрирани беа 160 нови случаи на коронавирус, оздравени се 368 пациенти, а починаа 3 лица.

Од Министерството за здравство информираат дека мерките за заштита од Ковид-19 даваат резултати секаде каде што се почитуваат.

„Граѓаните сè повеќе се придржуваат до препораките на здравствените власти за спречување на ширење на коронавирусот, а пристапот на широко тестирање дава резултати во откривањето на асимптоматските случаи“, се наведува во соопштението.

Прикажи повеќе...

Најново

Македонија3 часа

Протест против поскапувањето на струјата: „Во криза им се помага на граѓаните, не на богатите капиталисти“

Во Скопје вечерва се одржа протест против поскапувањето на струјата. Собирни места за граѓаните беа Жена парк и паркот во...

Економија6 часа

Костовски за „Еуростандард банка“: Погрешивме со изборот на Управниот одбор, тие нè наместија

Бизнисменот Трифун Костовски, сопственик на „Еуростандард банка“ денеска ја обвини Народната банка и потесното раководство на Управниот одбор на банката...

Македонија7 часа

Регистрирани 160 нови случаи на коронавирус, оздравени се 368 пациенти, а починаа 3 лица

Во последните 24 часа се направени 2.172 тестирања, а регистрирани се 160 нови случаи на Ковид-19, и тоа во: Скопје...

Македонија7 часа

Според ДУИ, албанската опозиција ги поткопува позициите оти не се појавиле на средбата со Ахмети

ДУИ ја обвини опозицијата дека го напуштила Сојузот на албанските парламентарни партии, кој бил основан по парламентарните избори од 11...

Македонија9 часа

Aлијансата и Алтернативата: Сѐ уште не сме во преговори со Заев

Коалицијата „Алијанса за Албанците – Алтернатива“ на прес-конференција рече дека засега немале средби со СДСМ и лидерот Заев за евентуалното коалирање....

Македонија10 часа

Србија воведе задолжителен ПЦР-тест за македонските граѓани

Странците што доаѓаат во Србија од одредени земји ќе мора да имаат негативен ПЦР-тест не постар од 48 часа, одлучи...

Топ11 час

Воз удри во „ситроен“ во Тетово, две лица се повредени

Две лица се тешко повредени кога воз удрил во „ситроен“ пред влезот на железничката станица во Тетово. Како што информира...

Топ12 часа

Убиство во Инџиково – му барале пари, па го застрелале пред сопругата

Четириесет и деветгодишен жител на скопското село Инџиково синоќа бил убиен во својот дом. Според информациите на полицијата, зад убиството...

Македонија13 часа

Апасиев најавува предлог-мерки за реформа на банкарскиот сектор, ќе бара и канцеларија во Собранието

Пратеникот од Левицата, Димитар Апасиев, најави дека партијата набгру ќе предложи мерки за реформа на банкарскиот сектор по случувањата со...

Македонија13 часа

Црна Гора ги отвора границите за македонските граѓани

Директорот на Институтот за јавно здравје, Бобан Мугоша, изјави дека Црна Гора од утре ќе ги отвори своите граници за...

Топ13 часа

Уапсен тетовец, кој запалил две возила на ЕВН

Пожарникарите во Тетово во текот на ноќта интервенирале на две запалени возила, сопственост на компанијата „ЕВН Македонија“, на две одвоени...

Свет14 часа

Германка заразена со Ковид-19 ќе плати глоба од 10 илјади евра бидејќи го напуштила карантинот

Судот во Австрија казни жена со 10.800 евра бидејќи го напуштила карантинот додека била заразена со коронавирус. Регионалниот суд во...

Свет14 часа

СЗО: Руската вакцина не е меѓу деветте кои се во напредна фаза на тестирање

Светската здравствена организација соопшти дека вакцината одобрена од Русија оваа недела не е меѓу деветте, за кои се смета дека...

Свет17 часа

Поради поплаките на Трамп, се менува стандардот за тушевите

Кога американскиот претседател, Доналд Трамп, повеќепати се пожали дека не му се допаѓа начинот на кој работат тушевите, американските власти...

Свет1 ден

(Видео) Маж спасен во последната секунда, му се заглавила инвалидската количка во пругата додека доаѓал воз

Камера од опремата на полицајка во Калифорнија сними неверојатно спасување во последен миг на лице со попреченост, чијашто инвалидска количка...

Свет1 ден

Израел и Обединетите Арапски Емирати постигнаа историски договор со посредство на Трамп

Претседателот на САД, Доналд Трамп соопшти дека телефонски разговарал со лидерите на Израел и Обединетите Арапски Емирати и дека е постигнат...

Европа1 ден

Белгија воведува пилот програма за брзо тестирање на Ковид-19 во домашни услови

Илјадници студенти од белгискиот Универзитет во Лијеж од септември секоја недела дома ќе собираат примерок од плунката за брз тест...

Македонија1 ден

Пендаровски: Заев ќе го врати мандатот ако не обезбеди мнозинство

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе...

Македонија1 ден

Заев и Ахмети по средбата: Постојат добри основи за напредок

Попладнево заврши работната средба меѓу СДСМ и коалицијата “Можеме” и ДУИ на која учествуваа претседателите Зоран Заев и Али Ахмети...

Македонија1 ден

ВМРО-ДПМНЕ ги замрзнува односите со Пендаровски

ВМРО-ДПМНЕ донесе заклучок дека од овој момент ги замрзнува односите и комуникацијата со претседателот Стево Пендаровски и ќе ги преиспита...

Досие