Контакт

Македонија

Јанкулоска и Јанакиески разговараат за „Монструм“: Аматерски е што „опелот“ не е запален или фрлен во ендек

Објавено пред

Дел од разговор меѓу Миле Јанакиески и Гордана Јанкулоска, кој е доказ во „Монстру“, а набавен од нелегално снимените разговори, беше цитиран од судијата Осман Шабани кога обвинетиот Фејзи Азири побара тој да биде коментиран од ексминистерката, која е сведок на денешното рочиште. Разговорот бил снимен на 16.4.2012 година. Адвокатот на обвинетите, Насер Рауфи, и се обрати на Јанкулоска велејќи и дека таа знаела какви ќе бидат резулатите од форензичкото вештачење на разговорот.

Од транскриптот на разговорот судијата Шабани цитира како Јанакиески ѝ коментира на Јанкулоска дека автомобилот можеби бил на некој плац, а потоа додава дека било аматерски бидејќи тој не бил запален или фрлен во ендек.

Дел од исчитаниот транскрипт:

Јанакиески: Абе мене ми дојде една идеја
Јанкулоска: Ајде кажи
Јанакиеск: Абе може да е глупост. Такви типови на коли (се мисли на „опел омегата“) имавме во одземен имот, да проверите да не е од таму. Да не ја изнел некој. Никој не ги контролира плацовите…
Јанкулоска: Абе ние ја имаме колата
Јанакиески: Ама претходно, Гоца
Јанкулоска: Не, не. Го најдовме претходниот сопственик. Мене ми треба некој ако ја видел како се движи, да се види дали полнел безнин, па да се провери дали платил со каричка, кеш
Јанакиески: Абе некој да не ја купил бе, Гоцо (се мисли на тоа откако била на плац како одземен имот)
Јанкулоска: Абе знаеме тоа. (сопственост на колата) Нас ни треба каде се движела. Таа кола е украдена
Јанакиески: Па тоа викам, Гоца
Јанкулоска: Тој од кого е купена пред да е украдена, не е тука
Јанакиески: Аха
Јанкулоска: Мислам дека колата е стара повеќе од десет години
Јанакиески: Нема внатре ништо траги?
Јанкулоска: Треба време за тоа, не можеш одма. Треба време…
Јанакиески: Многу е аматерски што ја оставиле така колата, можеле да ја изгорат
Јанкулоска: Не е аматерски
Јанакиески: Ама можеле да ја запалат
Јанкулоска: Е, можеле, ама мислеле нема да ни помогне
Јанакиески: Или да ја фрлат во некој ендек
Јанкулоска: Треба да се земат траги…

На судењето, прашана од обвинетиот Фејзи Азири, ексминистерката Јанкулоска како сведок кажа дека не негира таква комуникација.

„Факт е дека со Миле сме имале многу разговори на оваа тема. Не негирам дека имавме ваква комуникација со Миле. Ова што вие потсетивте е дел од подолг разговор. Ова се размислувања, негови размислувања, што ми посочува да испитаме, како да испитаме. Овој разговор го гледам како еден од многуте во кој се обидуваат луѓето да дадат придонес“, рече Јанкулоска запрашана да го коментира разговорот.

Во сведочењето Јанкулоска објасни дека доколку анализите од возилото не покажуваат дека биле кај Смилковското Езеро, тогаш ќе се добиеле такви извештаи.

Претходно, Горан Наќевски, родител на едно од убиените момчиња кај Смилковското Езеро, ја запраша Јанкулоска дали ‘опел омегата’ е во сопственост на МВР, а таа одговори дека тоа не е точно, што може да се види од списите чија сопственост е возилото бидејќи тоа е јавен податок што судот го има.

За време на сведочењето на Јанкулоска, на прашање од адвокатот Насер Рауфи, гласно реагира родителот Наќевски и му порача одговори да бара во ДУИ.

Македонија

StopKorona! – мобилна апликација за справување со Ковид-19

Објавено пред

Владата ја разгледа и усвои информацијата за StopKorona! – мобилна апликација за справување со Ковид-19 и го овласти министерот за здравство, Венко Филипче, да го потпише договорот за донација помеѓу Друштвото за информатичка технологија „Некстсенс“ ДОО како давател на донацијата и Министерството за здравство на Република Северна Македонија како примател на донацијата.

Користењето на оваа мобилна апликација е на доброволна основа од страна на граѓаните на Република Северна Македонија, а деталите за апликацијата ќе бидат презентирани на прес-конференција од страна на министерот за здравство и министерот за информатичко општество и администрација.

Прикажи повеќе...

Македонија

Вработените во јавниот сектор, кои се ослободени од работа, нема да имаат лански одмор

Објавено пред

На оваа седница Владата ја донесе уредбата со законска сила за примена на Законот за вработените во јавниот сектор за време на вонредна состојба во согласност со која вработените во јавниот сектор, кои работно се ангажирани за времетраење на привремените мерки за заштита од ширење и превенција од коронавирусот Ковид-19, неискористениот дел од годишниот одмор од календарската 2019 година може да го искористат до 31 мај 2020 година во согласност со потребите на работниот процес и врз основа на одобрение на раководното лице на институцијата.

Уредбата утврдува дека на вработените во јавниот сектор, кои се ослободени од извршување работа и работни задачи, во согласност со мерките за заштита од ширење и превенција од коронавирусот Ковид-19, неискористениот дел од годишниот одмор од календарската 2019 година им се смета за искористен.

По исклучок од оваа уредба, за работниците во Министерството за внатрешни работи, Министерството за здравство, Министерството за одбрана – Армијата на Република Северна Македонија, јавните здравствени установи во Република Северна Македонија, царинските службеници, единиците за противпожарна територијална заштита, во инспекциските служби, како и лицата што работат во старските домови, неискористениот дел од годишниот одмор од календарската 2019 година и делот од годишниот одмор за 2020 година, кој мора да се искористи во траење од две непрекинати работни недели, да го искористат до 31 декември 2020 година во согласност со потребите на работниот процес и врз основа на одобрение на раководното лице во Министерството.

Прикажи повеќе...

Македонија

Државниот санитарен и здравствен инспекторат извршил 91 надзор

Објавено пред

Министерот за здравство, доц. д-р Венко Филипче, на денешната редовна прес-конференција информира дека Државниот здравствен и санитарен инспекторат бил на увид на терен во повеќе јавноздравствени установи во изминатиот период во согласност со одлуката и препораката, односно задолжувањето од централниот штаб во Владата.

„Од 30 март до 5 април направени се вкупно 91 инспекциски надзор: 79 во јавноздравствени установи, 12 во приватни. Направен е увид во однос на опременоста, количината заштитни маски, ракавици, капи, мантили за еднократна употреба, визири и калоши, сè што се користи за пристап кон пациенти на соодветно ниво на здравствена заштита. Констатирани се доволни количини, како и средства за дезинфекција на работни површини и дезинфициенци за рацете“, потенцира министерот Филипче.

Министерот Филипче им го честита денешниот Светски ден на здравјето на сите колеги здравствени работници, кои, како што истакна, во овие услови на светска здравствена криза, во услови на пандемија на коронавирусот, го даваат својот максимум за спасување човечки животи.

„Здравствените работници се на првата борбена линија и даваат сè од себе во лекувањето и третманот на пациентите, а со тоа спасуваат човечки животи. Во овие моменти тие се столбот на државата и нашата најголема надеж. Апелирам до моите колеги – да го чуваат своето здравје, да се штитат на работното место, но и надвор од работното место. Во името на сите здравствени работници сакам да упатам апел до граѓаните да се придржуваат до мерките, да даваат точни и прецизни одговори на прашањата на медицинскиот персонал затоа што така се штитат медицинските работници, така го одржуваме здравствениот систем“, рече министерот Филипче.

Тој апелира до граѓаните сите да бидат одговорни кон себе и кон своите најблиски, кон сограѓаните. Да се придржуваат кон мерките, да ги почитуваат, со цел да се стави крај на патот на ширење на вирусот. Со оглед на тоа што веќе има над еден милион случаи во светот, а речиси 70.000 починати, Светската здравствена организација во текот на денешниот ден ги предупреди земјите што планираат да ги ублажат мерките, да размислат, заради тоа што мислат дека има одредени мислења оти сè уште е рано.

„Ние воведовме рестриктивни мерки за кои верувам дека ќе има целосно разбирање заради тоа што само такви мерки може да доведат до дефинитивно спречување на вирусот. Не е едноставно да се донесат такви мерки, меѓутоа тоа е нешто што мора да го направиме за да го намалиме ризикот за сопственото и за колективното здравје“, додаде Филипче.

Прикажи повеќе...

Најново

Македонија4 часа

Вработените во јавниот сектор, кои се ослободени од работа, нема да имаат лански одмор

На оваа седница Владата ја донесе уредбата со законска сила за примена на Законот за вработените во јавниот сектор за...

Македонија4 часа

45-годишен скопјанец почина од коронавирус на пат кон болница

Четириесет и петгодишен пациент од Скопје заболен од коронавирус починал на пат кон болницата „8 Септември“. Според информација од Институтот...

Економија5 часа

Македонската банкарска асоцијација апелира: Плаќајте преку интернет, користете картички место кеш

Македонската банкарска асоцијација информира дека банките и штедилниците интензивно преземаат активности за заштита на здравјето на клиентите. „Апелираме до граѓаните,...

Економија6 часа

ССМ: Поради солидарност, старите одмори да ги искористат сите вработени во приватниот сектор

Сојузот на синдикатите на Македонија и Државниот инспекторат за труд не ја толкуваат исто уредбата за користење на годишните одмори...

Свет6 часа

Крај на блокадата, Вухан отворен по 76 дена изолација

Кинеските власти ја укинаа блокадата на Вухан и ги одблокираа сите излези од градот кој беше жариште на епидемијата од...

Македонија7 часа

Коронавирусот и кај нас ќе се лекува со крвна плазма од оздравени пациенти

Изготвен е протоколот за лекување заболени од коронавирус со крвна плазма од излекувани пациенти, информира министерот за здравство, Венко Филипче....

Македонија8 часа

Филипче: Се влошува состојбата на родилката од Куманово

Се влошува состојбата на родилката од Куманово, која е заболена од коронавирусот, а чие бебе е негативно на Ковид-19, информира...

Македонија9 часа

Пендаровски-Столтенберг: Со здружени сили за справување со пандемијата на коронавирусот

Претседателот Стево Пендаровски оствари телефонски разговор со генералниот секретар на НАТО, Јенс Столтенберг. Во телефонскиот разговор претседателот Пендаровски му се...

Македонија9 часа

Некои возови нема да сообраќаат, други ќе возат по нов распоред

Новонастанатата ситуација со полицискиот час, кој ќе почне од утре во 16 часот, а за време на викендот ќе трае...

Македонија10 часа

Адеми: Се разгледува одложување или укинување на државната матура

Министерот за образование, Арбер Адеми, изјави дека се разгледува и дискутира за тоа дали ќе се спроведе државната матура оваа...

Македонија10 часа

Интернет-картички за учениците од социјално загрозени семејства за онлајн настава

Над 18 илјади картички за мобилен интернет ќе овозможат околу 30 илјади семејства да имаат пристап до интернет за децата...

Македонија11 час

За еден ден во земјава регистрирани пет смртни случаи од коронавирус

Министерството за здравство информира дека на Клиниката за инфективни болести изминатите 24 часа починале четворица пациенти заболени од коронавирус. Станува...

Свет11 час

Во Русија почнаа клинички испитувања на три препарати против Ковид-19

Во Русија почнаа клиничките испитувања на три препарати за лечење на пациентите заразени со Ковид-19, мефлохин, хидроксихлорикин и калидавир, соопшти...

Регион12 часа

Сите заразени со корона во Србија ќе мора да бидат хоспитализирани

Пациентите во Србија кај кои е потврдено дека се позитивни на Ковид-19 веќе нема да можат да се лечат во...

Македонија13 часа

Долги редови пред банките во Куманово, се чека и по два часа

Метеж во сообраќајот, долги редици пред банките, маркетите и аптеките, оваа е сликата во Куманово веќе втор ден, по полицискиот...

Топ14 часа

Штипјанец загина при работа во каменолом

Педесет и двегодишен маж од Штип загинал, откако паднал при работа во каменолом. Тој бил донесен во Клиничката болница Штип,...

Македонија14 часа

Апаратите за вода и кафематите можен преносител на коронавирус

Трудовиот инспекторат забранил за употреба 215 кафемати на бензински пумпи и повеќе други локации по градовите, соопшти претседателка на инспекциски...

Македонија14 часа

Бухова: Докторите професионално ги следат сите протоколи, граѓаните да им веруваат

Директорката на Државниот санитарен и здравствен инспекторат, Ирина Бухова, апелира до сите граѓани да им веруваат на медицинските лица. Според...

Топ15 часа

Полицискиот час синоќа го прекршиле 41 лице

Во текот на изминатото деноноќие, според статистиката на МВР, 41 лице го прекршиле полицискиот час, односно забраната за движење, при...

Европа16 часа

Објавени детали за здравствената состојба на британскиот премиер

Британскиот премиер, Борис Џонсон, ја мина ноќта во одделение за интензивна нега во лондонската болница „Свети Томас“ и неговата состојба...

Досие