Македонија
Јосифовска од СЈО сведочеше за „Рекет“

Обвинителката од СЈО, Елизабета Јосифовска, била повикана во Јавното обвинителство за гонење на организиран криминал и корупција да даде исказ за случајот „Рекет“.
Јосифоска неодамна потврди дека била потпишана на документот за враќање на пасошот на бизнисменот Јордан Камчев, еден од првоосомничените во случајот „Империја“. Тогаш таа истакна дека одлуката за пасошот ја донела обвинителката Катица Јанева и како нејзина заменичка била должна да ја потпише.
Јосифовска нагласи и дека немала никакви сознанија за моќни криминални дејствија околу враќањето на пасошот на Камчев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Кривични за вработени во Бирото за метрологија поради злоупотреба на службената положба

Надворешната канцеларија за криминалистички работи Кичево поднесе кривична пријава против Н.П(39), М.Т.(54) и И.Т.(51), сите од Скопје, вработени во Бирото за метрологија, поради постоење основи на сомнение за сторено кривично дело злоупотреба на службена положба и овластување.
„Н.П. изготвил и потпишал потврда за отворање на постапка за идентификација, со која на жител од Кичево му потврдил статус „државјани на РСМ кои се враќаат од странство“, а која се однесувала за товарно возило кое не гo исполнувало законски предвидениот ЕУРО стандард, по што внел податоци од негов колега, без негово знаење и согласност. М.Т., како раководител во Бирото за метрологија, ја потпишал изготвената потврда, без да се увери дека нема потпис од изготвувачот и дека копијата од странската сообраќајна дозвола не била заверена на нотар“, информираат од Министерството за внатрешни работи.
Како што додаваат од МВР, И.Т., во својство на помошник раководител во Бирото, нелегалната потврда ја потпишал и ја заверил со службен печат од Бирото за метеорологија.
Македонија
СДСМ: Мицкоски призна дека ВМРО-ДПМНЕ има незаконски долг од 400.000 евра

„Портпаролот на Никола Груевски, Христијан Мицкоски денеска конечно призна дека неговата ВМРО-ДПНЕ има незаконски долг од 400.000 евра за кампањата на Гордана Сиљановска“, велат од СДСМ преку соопштение.
„Спротивно на членот 71 од Изборниот законик каде што јасно стои дека сите трошоци за кампањата исклучиво ќе се покријат од средствата на таа сметка. Сметката е затворена а незаконскиот долг од 400.000 евра не може да се врати од друга сметка. Прашање е зошто тие фирми молчеле за овој долг и тоа е нова димензија на оваа афера. Скандалот, најновата афера во ВМРО ДПМНЕ мора да се расчити, особено што е поврзан и со фирми на Орце Камчев, осомничен во предмети на СЈО“, велат од СДСМ.
Владејачката партија додава дека Мицкоски признал оти ВМРО-ДПМНЕ продолжува со старите криминални навики, сметки за изборни кампањи полни со долгови, исто како во времето на Груевски и дупката од 3.5 милиони евра.
„Сега, Мицкоски треба да се охрабри и да одговори што финансирале фирми на Орце Камчев за ВМРО ДПМНЕ? Дали долгот има врска со рекет во самата ВМРО ДПМНЕ? Со секој нов ден на виделина испливуваат лагите на Мицкоски и ВМРО-ДПМНЕ. Таков е случајот и со Законот за употреба на јазици со кој Мицкоски и ВМРО-ДПМНЕ со месеци ги плашеа граѓаните. Денес, се покажа дека никој нема да плаќа казни ако не знае албански, дека никој никој не е принуден да учи албански или каков било друг јазик, дека институциите не се блокирани заради Законот за употребата на јазиците, како што со месеци лажеа Мицкоски и ВМРО-ДПМНЕ“, смета СДСМ.
Од владејачката партија додаваат дека граѓаните на 12 април ќе ги поразат политиките на ВМРО-ДПМНЕ.
Македонија
Мицкоски: Ако не се одржат предвремените избори ќе ги преиспитаме односите со Пендаровски

Одложувањето на предвремените парламентари избори кои беа договорени да се одржат на 12 април, според ВМРО-ДПМНЕ ќе ја втурнат државата во нова политичка криза. Тие потенцираат дека доколку дојде до вакво одложување, тогаш тие не се сигурни дека во иднина ќе соработуваат со Пендаровски. Лидерот Христијан Мицкоски тврди дека друга алтернатива, освен избори на 12 април нема да има.
„Пендаровски продолжува да се однесува како гласноговорник на СДСМ и Зоран Заев, се обидува да изнајде одредено алиби за катастрофата да не се случи во април туку во друг период. Од друга страна, му остава простор на СДСМ за маневри, односно за тие со збунувачки изјави поврзани со Законот за јазици, да ги става на преговарачка маса со коалиционите партнери при евентуално одложување на предвремените парламентарни избори“, рече Мицкоски.
Првиот човек на ВМРО-ДПМНЕ смета дека Пендаровски е свесен за последиците ако договрените избори на 12-април не се одржат.
„Доколку Пендаровски не е сигурен за тоа што е договорено во негова организација, а тоа се предвремени парламентарни избори на 12 април, тогаш ВМРО-ДПМНЕ и коалицијата навистина ќе ги преразгледа односите кои ги има со Пендаровски и во такви околности, ние сме сигурни дека соработката на Коалицијата за подобра Македонија и претседателот ќе функционира како до сега. Јас сум убеден дека тие се свесни за последниците ако го напуштат договореното, свесни се за политичката криза во која ќе ја втурнат Македонија“, додаде Мицкоски.
Реакцијата на опозицијата следува откако Пендаровски во изјава кажа дека не е убеден дека изборите ќе се одржат на 12 април, бидејќи тоа не зависело од него.
- Топ3 месеци
Газда полеан со бензин, а неговиот џип запален во Кисела Вода
- Забава3 месеци
Дошла на преглед поради постојан замор, а докторите ѝ рекле дека ќе умре за 72 часа
- Култура3 месеци
„Болка и слава“ на Алмодовар го отвора фестивалот „Браќа Манаки“, кинематограферот Алкаине гостин во Битола
- Книги2 месеци
Промоција на „Небо во кафез“ од Д.А. Лори
- Црна хроника2 месеци
Се урна тераса во Скопје – повредени татко и неговите три малолетни деца
- Hitech3 месеци
(Видео) Возач и совозач во „тесла“ спијат додека автомобилот вози со 100 на час
- Култура1 месец
Десет најчести прашања и одговори за програмата „Креативна Европа медиа“ на „Синедејс“
- Црна хроника3 месеци
Деветнаесетгодишник со автомобил удрил во девојче во Кавадарци