Контакт

Македонија

ЈСП: Доколку се потврди дека на Александар не му било дозволено да влезе со куче во автобус, ќе има санкции

Објавено пред

Доколку се потврди дека возачот не го пуштил Александар со Бен да влезе во автобус од нему познати причини, ќе биде соодветно санкциониран, реагираат од ЈСП по објавата на Александар Велески на „Фејсбук“, во која напиша дека во автобус со број 7 не му било дозволено да влезе со неговото куче придружник.

„Добро бе, нешто функционира ли во државата????? ЈСП „7“ не ме пушти со Бен“, напиша Александар.

Од ЈСП велат дека за случајот дознале од социјалните мрежи и дека му се јавиле на Александар, но не добиле одговор.

„Ве информираме дека ЈСП ‘Скопје’ преку социјалните медиуми дозна за случајот со Александар и неговото куче придружник, кој преку ‘Фејсбук’ информира дека не му бил дозволен влез во автобус и покрај неодамнешната одлука на раководството за слободен пристап/влез на кучињата придружници на лицата со инвалидитет. Веднаш преку порака стапиме во контакт со Александар да ни објасни за случката, но сè уште ни нема одговорено. Во меѓувреме, телефонски стапивме во контакт и со татко му, кој немаше никаква информација за настанот. Поради работни обврски, ни рече дека во текот на попладнево ќе ни се јави.
Што точно се случило истражуваме и преку нашата внатрешна контрола“, велат од ЈСП.

Од таму пред три дена соопштија дека лицата со посебни потреби ќе може да се возат со куче придружник во автобусите на ЈСП, како и во кабините на жичницата на Водно.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Царовска: Време е за 50-50, за силни жени кои рамноправно учествуваат во создавање на силно општество

Објавено пред

Потпретседателката на СДСМ и носителка на кандидатската листа на ИЕ 1 Мила Царовска заедно со Форумот на жени и женската младина на СДСМ на прес-конференција ги повика сите жени во државата да гласаат за коалицијата „Можеме“.

„Почитувани сограѓанки, сега ви се обраќам директно вам. Ветувам дека во Собранието ќе продолжувам силно да се борам за поголема застапеност на жените во сите важни одлуки на сите нивоа во државата. Ќе се борам во име на секоја од вас, за заедно да напредуваме. Ги повикувам сите жени во нашата држава, независно за која политичка партија гласале во минатото на овие избори, на 15 јули да го дадат нивниот глас за партијата којашто во минатите 2 и пол години најправи најмногу за враќање на достоинството на жената и за унапредување на правото на жените. Време е за 50-50, за силни жени кои рамноправно учествуваат во создавањето на силно општество.

Жени заокружете три. За женска солидарност, за обединетост, за наша подобра иднина. Сите ние заедно можеме да направиме уште повеќе и уште подобро” рече Царовска.

Царовска истакна дека родовата еднаквост беше обврска и приоритет минатите години. Донесен е нов Закон за прекинување на бременоста, со кој го враќаме правото на секоја жена да решава за своето тело. Ратификувана е Истанбулската конвенција.

„Со носење на нов закон за спречување и заштита од насилство врз жените се трудиме насилството да биде казнето во секој чекор. Но, не застануваме тука. Ние рушевме стереотипи и препреки и се боревме за еднакво учество на жените секаде кај што се носат важни одлуки.

Имаме најголем број на министерки во Владата од нашата независност до денес. Имаме највисок процент на учество на жени во Парламентот и имаме во речиси сите структури на нашата партија одличен процент на жени, повисок од 40%. Дали е ова доволно? Не. Во следниот мандат продолжуваме да се бориме за еднакви права за жените и мажите, еднакви плати за жените и мажите и еднакви обврски за жените и мажите. Тоа го можеме!”, рече Царовска.

Царовска за идниот мандат најави за до 40% повисока минимална плата.

„Ова директно ги засега околу 90.000 наши сограѓани од кои најголем дел се жени. Токму нив ВМРО-ДПМНЕ им се заканува дека платите ќе им ги намали за 1.500 денари. Тоа не смееме да го дозволиме. Нудиме стратегии за директна поддршка на женското претприемништво, како и на младинското претприемништво преку форма на грантови во висина од 5 000 до 15 000 евра за почеток на сопствен и нов бизнис. За 20% зголемување на поддршката за жените земјоделки”, рече Царовска.

Царовска истакна дека се воведува родова еднаквост во спортот – 30% жени во органи на управување почнувајќи од 2020 година, а 50% до 2024 година како и 40% застапеност на жени на сите извршни функции кои се именуваат од страна на Владата.

„Ќе донесеме нов Закон за вознемирување на работното место (мобинг) кој ќе овозможи вистинска и ефикасна заштита на работниците од мобинг. Ќе воведеме мобилни гинеколошки клиники во руралните средини и помалите општини во кои нема гинеколози. Задолжителен бесплатен здравствен пакет за жени над 35 години кој вклучува гинеколошки преглед и мамографија.

Ќе набавиме дополнителни мамографи и мобилен мамограф за да се подобри стапката на детекција на ракот на дојката во најраната можна фаза.

До крајот на 2023 ќе обезбедиме најмалку 7.500 места за деца во градинките. Градинката ќе биде бесплатна за сите деца од семејства со ниски приходи. Со згрижување на децата во предучилишно образование не само што вложуваме во нив, туку и овозможуваме да жените се вклучат на пазарот на трудот”, рече Царовска.

Прикажи повеќе...

Македонија

Здружението за лица со мултипла склероза: Им доставивме прашања на сите партии, одговори добивме само од една

Објавено пред

Во пресрет на вонредните парламентарни избори Националното здружение за помош и поддршка на лица со мултипла склероза се обратило до политичките партии со цел да ги дознае нивните ставови и програмски активности кои би ги превзеле, како потенцијални креатори на политиките, а кои се однесуваат на унапредување на квалитетот на живот на лицата со мултипла склероза.

Од Здружението велат дека прашањата ги упатиле до 12 политички партии, а одговор добиле само од една.

Тие ги испратиле следниве прашања до: СДСМ, ВМРО-ДПМНЕ, Граѓанска демократска унија, Движење Беса, Демократски сојуз, ДОМ, Левица, Интегра, ЛДП, НСДП, ДПА и ДУИ.

1. Дали сметате дека идната Влада и Собрание треба да ги земе предвид потребите и предлозите кои потекнуваат од пациентските здруженија при носењето на суштествени одлуки и прописи, посебно на тие кои се однесуваат токму на лицата со мултипла склероза и попреченост?
2. Дали сметате дека здравствената грижа за лицата со мултипла склероза вклучувајќи ги и лицата со попреченост е на задоволително ниво кај нас?
3. Дали сметате дека социјалната грижа за лицата со мултипла склероза вклучително и лицата со попреченост е на задоволително ниво?
4. Кои конкретни мерки и активности ќе ги превземете со цел унапредување на здравствената и социјалната грижа за лицата со мултипла склероза?
5. Дали доколку вашата партија ја добие довербата од граѓаните имате во план да предвидите правна рамка (решенија) со цел стимулирање и вклучување на оваа категорија на лица во работниот процес?
6. Како планирате да го подобрите квалитетот на живот на пациентите со мултипла склероза?
7. Дали и како планирате да обезбедите систематско финансирање на невладините организации кои се грижат за лицата со мултипла склероза?
8. Дали и како планирате да ја ре-организирате дијагностиката, третманот и контролите на пациентите со мултипла склероза во пост-КОВИД периодот?

Сепак, како што наведуваат од Здружението, и покрај официјалното обраќање, испратениот потсетник и дадениот доволен временски рок, од 12 политички партии само една партија (8,3%), Зелената партија ДОМ, им испратила одговор.

„Зелената партија ДОМ ја препознава потребата од заштита и унапредување на правата и потребите на пациентите со мултипла склероза и високо ги цени активностите кои ги превзема Националното здружение за помош и поддршка на лицата со мултипла склероза. Уверени сме дека во следниот период, во заедничка соработка, земајќи ги предвид потребите и предлозите на Националното здружение за помош и поддршка на лицата со МС, ќе успееме да придонесеме за унапредување на здравствената и социјалната грижа на лицата со мултипла склероза“, одговорила Маја Морачанин од Зелената партија ДОМ.

Од Националното здружение за помош и поддршка на лица со мултипла склероза велат дека ќе продолжат да работат континуирано и посветено чекор по чекор во исполнување на нивната мисија и визија.

Прикажи повеќе...

Македонија

Павле Трајанов е реизбран за претседател на Демократскиот сојуз

Објавено пред

Со учество на 350 делегати и гости денес пред „Хотелот Белви“ во Скопје, Демократскиот сојуз го одржа Шестиот конгрес, на кој ги презентираше своите програмски приоритети под мотото „За Европска Македонија“ и учеството на претстојните парламентарни избори.

Павле Трајанов е повторно избран за претседател на партијата, а истовремено е избран и нов Централен совет на Демократскиот сојуз.

Конгресот се одржа во духот на одбележувањето 20 години од формирањето на партијата, за што зборуваше Трајанов.

„Демократскиот сојуз повеќе од дваесет години опстојува на политичката сцена, препознатлив е по своите принципиелни ставови, објективност и искреност. Ние ниту едно значајно прашање не премолчуваме, за се имаме свој став и тој им го соопштуваме на граѓаните“, рече Трајанов.

Во своето обраќање Трајанов истакна дека приемот во НАТО е од огромна важност за стабилноста на државата, владеењето на правото и економскиот развој, а одлуката на ЕУ за започнување на пристапните преговори ќе ги забрза демократските процеси и севкупниот развој на Македонија. Промената на името на Република Македонија е најтешката и најризичната одлука за која следните генерации од историска дистанца ќе можат да дадат објективен суд дали ја зајакнале независноста и отвориле перспективи на Македонија.

„На сите ни е јасно дека без договорите со Грција и Бугарија далеку ќе бевме и од НАТО и од ЕУ, и затоа сум против ретроградните идеи со кои се најавува ревизија на договорите, судење за велепредавство и сл. Тоа е манипулација со чувствата на граѓаните“, истакна Трајанов.

Врвен приоритет во дејствувањето на ДС ќе бидат младите, со реални системски решенија и конкретни проекти. Ќе се формира посебен фонд со кој младите ќе управуваат за отворање нови бизниси и ќе можат да ги реализираат своите идеи.

Демократскиот сојуз во парламентот ќе предложи нов Закон за борба против организираниот криминал, со конфискација на криминално стекнатиот имот и забрана за политичко дјествување. Трајанов најави и уставни промени за прецизно дефинирање на одговорноста на судиите и обвинителите, но и други системски промени околу можноста за распуштање на парламентот, импичмент на претседателот на државата, преиспитување на Бандетеровото мнозинство и други решенија со кои ќе се јакне граѓанскиот концепт на државата.

Натамошната соработка со другите партии, според Трајанов, ќе зависи дали ќе останат на предизборниот договор, после изборите, во рок од три месеци да се прифатат предлозите на Демократскиот сојуз, Македонија да биде една изборна единица, за да се создадат еднакви услови и шанси за сите партии, и да се сруши монополот на ВМРО-ДПМНЕ и СДСМ, кои 30 години се менуваат на власт, но државата стагнира.

На конгресот свое обраќање имаше и Зоран Димитровски, генерален секретар на ДС, кој ги презентираше програмските приоритети на партијата во наредниот четиригодишен мандат. Според Димитровски, со предлозите на ДС за уставни и системски промени ќе почне да се враќа правдата и довербата во системот. Тој зборуваше и за потребните реформи во здравството и образованието и медиумската област.

„Предлагаме обврска дипломираните лекари да останат да работат најмалку 10 години во Македонија, но државата да им понуди плата од 2000-3000 евра, а парите ќе ги обезбедиме откако ќе ги скратиме бројот на министрите, агенциите и владините советници.
Програмата на ДС предвидува воведување предмети медиумска писменост и критичко размислување во основните и средните училишта, како и зајакнување на слободните и критички медиуми преку создавање посебен Фонд за проверка на фактите и истражувачко новинарство од 1,5 милиони евра годишно.

Потпретседателот на Демократскиот сојуз Зоран Петров зборуваше за 20 годишниот јубилеј на партијата, при што истакна:

„Несоборлив факт е дека обемот и квалитетот на новите идеи, планови и предлози е граничникот кој ги раздвојува големите од малите партии, а не бројот на членството, бројот на општински организации, бројот на партиски возила, бројот на вработени во големиот број партиски подружници и слично. Демократскиот сојуз посветено се придржуваше до ова начело во изминатите 20 години, поставувајќи пред себе високи критериуми и стандарди во политичкиот натпревар. Демократскиот сојуз го стави својот потпис врз цела серија проекти, што е во функција на неговиот имиџ на сериозна, динамична и современа политичка партија“, рече Петров.

Свое обраќање на конгресот имаше и потпретседателката на Демократскиот сојуз, Весна Стоименовска Атанасов, која зборуваше за неправилностите во системот поради кои изминатите години се воочени многу неправди како резултат на политичкото самоволие.

„Програмски приоритет на Демократскиот сојуз е воспоставување на систем на одговорно и чесно владеење, што е пак многу тесно поврзано со постоење на правна држава, ефикасни и непристрасни институции и неселективна борба против организираниот криминал и корупцијата.
Од Конгресот, Демократскиот сојуз упати повик до сите граѓани да излезат масовно и да ги поддржат европските вредности, да гласаат за кандидатите на коалицијата „Можеме“ под реден број 3.

Прикажи повеќе...

Најново

Македонија1 час

Заев и Филипче го посетија Иван, на кој му беше трансплантирано срце

Претседателот на СДСМ, Зоран Заев и претседателот на Комисијата за здравство на СДСМ Венко Филипче, утрово беа во посета на...

Македонија3 часа

Уште два дена кампања

Уште два дена ќе трае предизборната кампања за парламентарните избори кои ќе се одржат в среда. Денеска и утре политичките...

Македонија3 часа

Свети Николе станува ново жариште на коронавирусот, двете фабрики се затворени

Во Свети Николе вчера беа регистрирани 29 новозаразени од ковид-19, за првпат во овој град, кој станува ново жариште на...

Македонија4 часа

Рекорден број на заразени и излечени во земјава за едно деноноќие

Во Македонија вчера беше регистриран рекорден број на новозаразени и излечени пациенти во последните 24 часа. Како што информира Министерството...

Македонија4 часа

Дел од болницата „8-ми Септември“ ќе се пренамени за пациенти кои не се заболени од ковид

Во наредните десетина дена почнуваат подготовки за ослободување на дел од капацитетите во ГОБ „8ми Септември“, најави министерот за здравство,...

Македонија4 часа

Заев од централната трибина во Скопје: Мора да продолжиме по правиот пат, од вас зависи

Мора да продолжиме по правиот пат, не смееме да скршнеме од него, тоа е наша заедничка задача, порача синоќа претседателот...

Македонија4 часа

Филипче: Тестираме масовно и ги откриваме и асимптоматските случаи за прекин на ланецот на ширење

Тестираме масовно и ги откриваме и асимптоматските случаи за прекин на ланецот на ширење, истакна министерот за здравство, Венко Филипче,...

Регион15 часа

(Видео) Не престануваат протестите во Србија – еден демонстрант повреден со нож, има и уапсени

Четврт ден по ред насилни протести во Белград, но и во повеќе градови во Србија, наспроти забраната за собирања на...

Свет17 часа

СЗО: Сè уште можеме пандемијата да ја ставиме под контрола

Директорот на Светската здравствена организација порача дека денес сè уште е можно да се стави епидемијата на Ковид-19 под контрола,...

Аја Софија, Истанбул Аја Софија, Истанбул
Регион19 часа

„Аја Софија“ повторно стана џамија

Турскиот претседател, Реџеп Таип Ердоган, денеска потпиша декрет со кој музејот „Аја Софија“ во Истанбул повторно станува џамија. Ова следи...

Македонија21 час

Излекуван пациент кај кого коронавирусот предизвикал воспаление на мозокот

Во ГОБ „8 Септември“ е излекуван пациент кај кого коронавирусот предизвикал воспаление на мозокот, соопшти министерот за здравство, Венко Филипче....

Македонија22 часа

Патниците од регионот не треба да приложуваат негативни тестови ако само транзитираат низ земјава

Главниот координативен кризен штаб ги објави насоките и пропозициите врз основа на кои државјаните на Србија, Косово, Црна Гора и...

Македонија22 часа

Шест смртни случаи и 205 новозаболени од коронавирус во Македонија

Во последните 24 часа во Македонија се регистрирани шест смртни случаи и 205 новозаболени од коронавирус. Оздравени се 336 заболени....

Македонија23 часа

Затворени две текстилни фабрики во Свети Николе, пријавени се случаи на коронавирус

Двете фабрики на конфекцијата „Мода“ во Свети Николе ги затворија погоните по појавата на случаи на коронавирус, соопшти градоначалникот на...

Македонија23 часа

Петровска за случајот во Штип: Не станува збор за поткуп на гласачи, туку за економски криминал

„Очајници прават очајнички потези“, напиша заменик-министерката за внатрешни работи, Славјанка Петровска, во врска со објавата на министерот Наќе Чулев за...

Македонија24 часа

(Видео) Јанушев: Очекуваме победа и ќе коалицираме со оние што ќе ја прифатат нашата програма

Опозициската ВМРО-ДПМНЕ очекува победнички изборен резултат и мандат за формирање влада, изјави генералниот секретар на партијата, Игор Јанушев, во интервју...

Свет1 ден

Казахстан ги негира кинеските тврдења дека во земјата има пневмонија поопасна од Кoвид-19

Министерството за здравство на Казахстан ги отфрли кинеските тврдења дека во земјата циркулира непозната пневмонија, која е посмртоносна од коронавирусот....

Топ1 ден

Пронајдени 26 украдени велосипеди, приведени крадци во Скопје

Три лица се приведени под сомнение дека краделе велосипеди од подруми и станови во Скопје. Е. М. (24) и А....

Топ1 ден

Сопственик на продавница им ветувал на купувачите дека ќе им ги прости долговите ако гласаат за СДСМ

Сопственик на продавница во Штип ветувал дека ќе им избрише долг на неколку лица ако на изборите гласаат за СДСМ,...

Регион1 ден

(Видео) Протестите во Белград поминаа мирно, се играше и оро

Во Србија се одржаа нови протести против мерките воведени поради епидемијата на коронавирус и против владата на Александар Вучиќ. По...

Досие