Македонија
Потпишан меморандум за соработка помеѓу Претседателот на Владата Христијан Мицкоски и Претседателот на ЗЕЛС Орце Ѓорѓиевски
Претседателот на Владата Христијан Мицкоски и Претседателот на ЗЕЛС, денес потпишаа меморандум за соработка и разбирање. Документот, кои единиците на локална самоуправа чекаа да се потпише 21 година, ги дефинира формите и начините на идната соработка и ги утврдува приоритетите и идните проекции на развојот на системот на локалната самоуправа во Република Македонија.
-Од името на ЗЕЛС и сите единици на локалната самоуправа, сакам да изразам длабока благодарност до Претседател на Владата Христијан Мицкоски за подадената рака и за неговата решеност да го исполни даденото ветување. Со потпишувањето на овој Меморандум за соработка, го отвораме новото поглавје во односите помеѓу локалната и централната власт, чекор кој го чекавме цели 21 година. Овој Меморандум е израз на новата посветеност и решителност да се одговори на долгогодишните предизвици кои стојат пред нашите општини.
Со овој документ, Владата и ЗЕЛС заеднички ја изразуваат својата согласност и определба да спроведат поголем обем на децентрализација на власта. Ова е политички процес кој треба да донесе пренесување на значајни надлежности од државните органи на управата на единиците на локалната самоуправа, кои со тоа ќе добијат засилена одговорност и независност во своето функционирање. Во текот на овој процес, ќе формираме работни тела и мешовити Комисии што ќе ни овозможи да примениме најдобри меѓународни практики за локална самоуправа и да осигуриме дека нашиот систем функционира успешно и ефикасно.
Согласни сме дека децентрализацијата мора да биде проследена со зголемен обем на директни дотации и изворни приходи за секоја единица на локалната самоуправа. За да обезбедиме транспарентност и одржливост, ќе организираме годишни буџетски преговори помеѓу ЗЕЛС и Министерството за финансии, каде ќе ги усогласиме ставовите, потребите и можностите на централната и локалната власт.
Исто така, се договоривме да воспоставиме пракса на редовни заеднички седници на Владата и Управниот одбор на ЗЕЛС, на кои ќе вршиме консултации за прогресот и тековните приоритетни прашања. На овој начин, ќе можеме поефективно да ги адресираме предизвиците со кои се соочуваат нашите општини. Сумарно, сметам дека денес потпишаниот Меморандум е почеток на една успешната соработка и на позитивните промени за нашите општини и за сите граѓани на Република Македонија-истакна Претседателот на ЗЕЛС Орце Ѓорѓиевски, додавајќи дека денешниот ден за општините во Македонија е историски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На УКИМ започнува вториот уписен рок за прв циклус студии, останати се слободни места на речиси сите факултети
На Универзитетот „Св. Кирил и Методиј“ во Скопје започнува вториот уписен рок за прв циклус студии за учебната 2024/2025, каде се останати слободни места на речиси сите факултети. Сите заинтересирани можат да аплицираат на 17 и 18 септември.
На Архитектонскиот факултет во првиот уписен рок се пополнети сите слободни места, додека на Градежен факултет се слободни 233, од кои 123 се наменети за редовни студенти кои се финансираат од Буџетот на Република Северна Македонија, а 110 за редовни студенти со школарина.
На Факултетот за електротехника и информациски технологии за редовни студенти во државна квота се слободни 194 места, додека за приватна квота се слободни 99 места.
На Факултет за информатички науки и компјутерско инженерство за редовни студенти кои се финансираат од Буџетот на РСМ слободни се 59 места, од кои најмногу – 41, на смерот компјутерско инженерство. За редовни студенти со школарина слободни се 254 места на ФИНКИ.
Четиристотини педесет и две места за редовни студенти во вториот уписен рок се слободни и на Машинскиот факултет, додека на Технолошко-металуршкиот факултет се слободни 238 места.
На Природно-математички факултет, за редовни студенти во државна квота слободни се 418 места, за студенти во приватна квота слободни се 324 места, додека за вонредни студенти слободни се 103 места.
На Економски факултет нема слободни места за студенти кои се финансираат од Буџетот на РСМ, додека за редовни студенти со школарина слободни се 89 места, а за редовни 49 места.
На Правниот факултет „Јустинијан Први“ , за редовни студенти кои се финансираат од Буџетот на РСМ слободни се 100 места, за студенти со школарина 323, додека за вонредни студенти се слободни 49 места.
Петстотини деведесет и две места за вториот уписен рок за прв циклус студии се слободни и на Филозофскиот факултет, додека на Филолошкиот факултет „Блаже Конески“ се слободни околу 300 места за сите смерови, за редовни и вонредни студенти.
На Педагошкиот факултет „Св. Климент Охридски“ за редовни студенти во државна квота се слободни 96 места, за студенти со школарина 150, додека за вонредни студенти со школарина се слободни 46 места.
На Факултетот за физичко образование, спорт и здравје нема слободни места за редовни студенти кои се финансираат од Буџетот на Република Северна Македонија, додека за редовни студенти со школарина се слободни 73 места, а за вонредни студенти 98 места.
Само девет места се слободни на Медицинскиот факултет за студенти кои се финансираат од Буџетот на РСМ, додека за редовни студенти со школарина се слободни 106 места, а за вонредни 92 места.
На Фармацевтскиот факултет се слободни 71 место, додека на Стоматолошкиот факултет само 13 места.
Двесте деведесет и две места се слободни за редовни студенти во државна квота на Факултетот за земјоделски науки и храна, 120 за студенти со школарина и 83 за вонредни студенти.
На Факултетот за шумарски науки, пејзажна архитектура и екоинженеринг „Ханс Ем“ се слободни 161 место, на Факултетот за дизајн и технологии на мебел и ентериер се слободни 57 места, додека на Факултетот за ветеринарна медицина се слободни 52 места.
Само едно место е слободно на Факултетот за драмски уметности, додека на Факултетот за ликовна уметност, само седум места.
На Факултетот за музичка уметност се слободни вкупно 141 место за вториот уписен рок на прв циклус студии, од кои 52 за студенти во државна квота, а 89 за студенти во приватна квота.
Сите детални информации за уписите можете да ги најдете на официјалната веб-страна на УКИМ: http://www.ukim.edu.mk.
Македонија
Мицкоски ги излажа граѓаните, нема намалување на цените, вели Кузеска
Најавите дека дополнително ќе се одлага носењето некакви мерки за намалување на цените покажува дека владата на Мицкоски нема економски концепт и не се грижи за стандардот на граѓаните. Му е гајле на Мицкоски за граѓаните, вели портпаролката на СДСМ, Богданка Кузеска.
„Цените на храната растат неконтролирано и владата досега веќе требаше да излезе со мерки за намалување, а не да чека. Наместо да ги замрзне цените на производите, власта на Мицкоски ги замрзна платите, што е целосно погрешно.
Тоа не е случај со Владите од соседството кои на големо спроведуваат акции за намалување на цените, а платите продолжија да растат. Во Србија на пример, поевтинија над 700 производи.
Кај нас, Владата на Мицкоски доцни и мачка очи со цени на моливи и фломастери која исто така беше задоцнета мерка. Со вакви погрешни, катастрофални економски политики на Мицкоски стандардот на граѓаните само ќе опаѓа“, истакнува Кузеска.
Македонија
Од почит кон Бугарија, поради авионската несреќа, Муцунски не реагирал јавно во петокот за фотографирањето без македонското знаме
Пропуст и непочитување на договореното од страна на бугарскиот протокол e фотографирањето на македонската претседателка Гордана Сиљановска-Давкова со бугарскиот претседател Румен Радев, без македонското знаме, покрај знамињата на Бугарија и на Европската Унија, објаснија денес од Министерството за надворешни работи и надворешна трговија. Министерот Тимчо Муцунски, кој заедно со министерот за култура, Зоран Љутков, беше дел од делегацијата што ја придружуваше претседателката Сиљановска-Давква. Од Министерството за надворешни работи велат дека иако биле делегација од повеќемина, во работните простории на претседателот Радев, каде што била средбата, ѝ било дозволено да присуствува само на претседателката Сиљановска-Давкова. Другите членови на делегацијата како нејзина придружба биле сместени во посебна просторија.
„Фотографирањето беше на пат кон средбата меѓу претседателите. Македонскиот и бугарскиот протокол имаа координација пред средбата и јасно беше определено дека нема фотографирање. Ние сега бараме одговор на прашањето зошто бугарската страна отстапила од јасно договорениот протокол“, велат од Министерството за надворешни работи и нагласуваат дека по средбата, целата делегација заминала на заеднички ручек, на кој уверуваат дека имало и македонско знаме.
Иако можел веднаш да реагира на фотографирањето без македонско знаме, министерот Муцунски ја одложил реакцијата за првиот работен ден по посетата. Од Министерството објаснуваат дека министерот не реагирал од почит кон Бугарија поради авионската несреќа, во која загинаа двајца пилоти.
„Имаше консултации, но министерот не реагира јавно за време на посетата од почит оти фотографирањето беше само неколку часа по авионската несреќа во Бугарија, во која загинаа двајца пилоти. Беше оценето дека е несоодветно јавно да се реагира поради трагедијата“, уверуваат од Министерството за надворешни работи.
Од таму не објаснија зошто веднаш не реагирал македонскиот протокол, туку го дозволиле фотографирањето.
Денес, на состанок во Министерството е повикан бугарскиот амбасадор во Македонија, Желјазко Радуков, кому ќе му биде врачена протестна нота. Тоа нема да го направи министерот Муцунски, туку директорот на Инспекторатот за регионални инцијативи оти така било соодветно, објаснија од Министерството за надворешни работи.
Претседателката Сиљановска-Давкова и министрите Муцунски и Љутков во петокот имаа културно-дипломатска мисија во Бугарија. Отидоа за да го проследат настапот на Националната опера и Балет со операта „Набуко“ од Џузепе Верди, а настанот беше искористен и за средба на претседателката со бугарскиот претседател.
Од почит кон Бугарија, поради авионската несреќа, Муцунски не реагирал јавно во петокот за фотографирањето без македонското знаме
Пропуст и непочитување на договореното од страна на бугарскиот протокол e фотографирањето на македонската претседателка Гордана Сиљановска-Давкова со бугарскиот претседател...
„Арсовска е промашена инвестиција“- Таравари цени дека не треба да се остави простор политичари да разрешуваат градоначалници
Според министерот за здравство, Арбен Таравари, скопската градоначалничка Данела Арсовска е промашена инвестиција, но, како што вели, не смее да...
„Македонија ова е за тебе“ – Иџе победи на Европскиот шампионат на ридски патеки во групата 1
Летечкиот Македонец, Игор Стефановски со победа ја заокружи својата тркачка сезона за оваа година. Тој викендов во Хрватска ја возеше...
Мицкоски за фотографирањето без македонското знаме: Денеска ќе биде врачена протестна нота на амбасадорот на Бугарија
Премиерот Христијан Мицкоски го коментира неистакнувањето на македонското знаме за време на посетата на Сиљановска-Давкова во Софија при средбата со...
Ако државник од соседната земја доаѓа да пие кафе во Бугарија, треба ли да го истакнеме неговото знаме, вели советникот на Радев
„Посетата на претседателот на Република Северна Македонија на нашата земја беше по повод културен настан – не беше ниту државен...
Бајден: Осомничениот за инцидентот во голф-клубот на Трамп е во притвор, нема место за насилство
Американскиот претседател Џозеф Бајден изјави дека му олеснало што поранешниот американски претседател и републикански кандидат Доналд Трамп бил неповреден во...
Трамп: Пукаа во моја близина, никогаш нема да се предадам
Доналд Трамп синоќа излезе со соопштение во кое изјави дека „никогаш нема да се предаде“. Тоа беше негова изјава откако...
Експлозија во Келн, полициска акција во тек, јавуваат медиуми
Во центарот на Келн дошло до експлозија, а следела и полициска акција, јавуваат германските медиуми. Според повеќе медиуми, утринава дошло...
Oд денеска девет нови лека на позитивната листа, според Владата, ова проширување е само почеток
За само 2 месеци од мандатот, Владата, Министерството за здравство и ФЗО ја проширија позитивната листа на лекови. По една...
Од здравствен аспект седиме на буре барут: Даниловски алармира дека има постојан ризик од морбили, ковид и епидемиско ширење одделни болести
Со децении превентивно-медицинскиот сегмент на здравството е на последно место на листата на здравствени приоритети. Иако е законска обврска сите...
Поради обилните врнежи во Виена, до некои згради може да се стигне само со брод
Во Австрија, која е зафатена од обилните дождови што циклонот Борис ги донесе во Централна и Источна Европа, најтешка е...
(Видео) Поплави во Европа: Во Полска пукна брана, настрада едно лице
Циклонот Борис предизвика поројни поплави низ Европа, а ситуацијата сега е на критично ниво. Браната во југозападна Полска попушти под...
(Видео) Критично во Австрија: Поплавен автопат, улиците во Виена под вода, спасувачите на терен
Поради поплави предизвикани од обилните дождови, илјадници луѓе денеска се евакуирани во Чешка, Полска и долна Австрија, која е прогласена...
Кузеска: Бугарија избришa под со државата и македонските граѓани
Сoцијалдемократскиот сојуз на Македонија смета дека ВМРО-ДПМНЕ ги поткопува, како што велат, стабилните меѓународни позиции што ги изградило претходното раководство....
(Видео) Стојаноски: Контролите констатирале голем број нерегуларности при јавни набавки на многу клиники и здравствени домови, одговорност ќе има
Контролите кои се спроведени од страна на институциите во ЈЗУ и клиниките ставаат на површина факти дека СДСM и ДУИ...
Обид за убиство на паркинг во Кочани, убиецот му влегол во автомобилот и почнал да го боде со нож
Обвинителството гони 24-годишник поради сомнеж за обид за убиство што се случило пред два дена, на 13 септември. Според информациите...
Шолц: Не и’ даваме моќни ракети на Украина дури и ако тоа го направат другите земји
Германскиот канцелар Олаф Шолц ја отфрли можноста за испорака на прецизно оружје со долг дострел на Украина во иднина, без...
Променливо облачно време со силен ветер во југозападните делови
Времето денес ќе биде посвежо, преку денот променливо облачно со локални врнежи од дожд особено во западните и северните делови....
Формирано одделение за сериозен и сложен криминал во ОЈО
Во координација со Јавниот обвинител на Република Северна Македонија, Основниот јавен обвинител на Основното јавно обвинителство Скопје донесе дополнување на...
Кабинетот на Сиљановска ќе побара објаснување од Радев за знамето
Реакции во земјава предизвика вчерашната фотографија од средбата меѓу претседателката Гордана Сиљановска-Давкова и бугарскиот претседател, Румен Радев, во Софија, каде...
