Македонија
Автобусите на ЈСП нема да возат од 21 до 6 часот
ЈСП информира дека од денеска, со оглед на одлуката на Влада на РСМ за забрана за движење на населението во период од 21-06 часот, јавниот превоз нема да сообраќа во посочениот период, а изменето работно време ќе имаат и билетарниците и центрите за персонализација.
Термини на последни поаѓања за денеска, недела (22.03.2020 година):
Линии на ЈСП Скопје:
Линија 2 19.55 ч од Автокоманда 19.39 ч од Сарај
Линија 4 19 ч од Хром 19.40 ч од 11 Октомври
Линија 5 19.35 ч од Ново Лисиче 19.25 ч од Дексион
Линија 7 19.22 ч од Горно Лисиче 19.39 ч од Карпош 3
Линија 9 19.46 ч од Клинички центар 19.53 ч од Скопје Север
Линија 15 19.25 ч од Ново Лисиче 19.20 ч од Карпош 4
Линија 16 19.31 ч од Пржино 19.06 ч од Железара
Линија 21 18.20 ч од Тр.центар 19.10 ч од Бардовци
Линија 24 19.50 ч од Тафталиџе 19.50 ч од Кисела Вода
Линија 27 19.32 ч од Вардарска 20.04 ч од Дом на печат
Линија 41 19.52 ч од Тр.центар 19.51 ч од Типо
Линија 50 20.05 ч од Клинички центар 20.05 ч од Хиподром
Линија 57 19.40 ч од Козле 19.50 ч од Радишани
Линија 59 18.15 ч од Карпош 19.05 ч од Кучевишка бара
Линија 65В 19.46 ч од Тр.центар 20 ч од Страчинци
Линија 31 18.40 ч од Тр.центар 19.15 ч од Долно Лисиче
Линија 47 18.50 ч од Тр.центар 19.35 ч од Љубанци
Линија 56 18.15 ч од Тр.центар 19.15 ч од Бојане
Линија 60 18.45 ч од Тр.центар 19.30 ч од Матка
Линија 65 18.30 ч од Тр.центар 19.30 ч од Раштак
Линија 65А 19.20 ч од Тр.центар 20 ч од Страчинци
Линија 66 18 ч од Тр.центар 19.05 ч од Бучинци
Линија 67 18.50 ч од Тр.центар 19.45 ч од Зелениково
Линија 68 18.35 ч од Тр.центар 19.50 ч од Сушица
Линија 70 18.45 ч од Тр.центар 19.25 ч од Батинци
Линија 71 19.30 ч од Тр.центар 18.40 ч од Бањани
Линија 74 20.30 ч од Драчево 17.20 ч од Количани
Линија 81 16 ч од Тр.центар 17 ч од Блаце
Линија 160 19.05 ч од Дексион 19.30 ч од Горна Матка
Линија 164 19.30 ч од Кучково 19.15 ч од Никиштани
Линии на приватни превозници:
Линија 9 20.03 ч од Клинички центар 20.13 од Скопје Север
Линија 11 19.20 ч од Транспортен центар 19.20 ч од Рашче
Линија 11а 19 ч од Транспортен центар /
Линија 12 19.55 ч од Шишево 19.55 ч од Скопски саем
Линија 19 20.12 ч од Карпош 4 20.12 ч од Шуто Оризари
Линија 20 20.20 ч од Транспортен центар 20.20 ч од Шуто Оризари
Линија 22 19.45 ч од Транспортен центар 19.45 ч од Лепенец
Линија 23 19.55 ч од Ченто 19.55 ч од Дом на печат
Линија 45 20 ч од Транспортен центар 20 ч од Ченто
Линија 55 19.15 ч од Арачиново 18.30 ч од Транспортен центар
Линија 61 19.10 ч од Транспортен центар 20 ч од Побожје
Линија 63 19.10 ч од Транспортен центар 20 ч од Мралино
Утре првите утрински поаѓања на сите линии ќе бидат оние од 6 часот. Комплетниот преглед на сите линии може да се види на веб страницата на ЈСП Скопје http://www.jsp.com.mk/PlanskiVozenRed.aspx.
На пример вообичаениот возен ред на линија 5 е од 5.05 часот, 5.30, 5.55, 6.15 часот, што значи дека во актуелнава ситуација, првиот автобус што ќе почне да сообраќа ќе биде тој во 6.15 часот.
Дополнителни информации во врска со возниот ред можат да се добијат во Диспечерски центар на 3173-224.
За последни поаѓања утре и први од задутре, корисниците на јавниот превоз ќе бидат информирани во текот на утрешниот ден.
РАБОТНО ВРЕМЕ НА БИЛЕТАРНИЦИ И ЦЕНТРИ ЗА ПЕРСОНАЛИЗАЦИЈА
Од утре билетарниците и центрите за персонализација ќе почнуваат со работа од 7.30 часот.
Воопшто нема да работат билетарниците кај Транспортен центар (на излез), таа кај Пошта, а затворени во наредниов период ќе бидат и билетарниците во населбите Радишани, Карпош 4 и Железара.
До 13 часот од понеделник до сабота, ќе работат билетарниците во Бутел (кај поранешното кино), Кисела Вода, Лисиче и билетарницата во населба Даме Груев.
До 17 часот од понеделник до сабота ќе работат билетарниците во ГТЦ, Аеродром, Ѓорче Петров, Ново Лисиче, Буњаковец, Зелен пазар, Бутел (кај пазарот), а истото работно време ќе важи и за билетарниците во Маџари, Драчево, кај дирекција на ЈСП Скопје, Сарај и Дом на печат.
Во недела, до 13 часот ќе работат билетарниците во Ѓорче Петров, кај Зелен пазар и таа на излез кај Транспортен центар.
Центри за персонализација
Времено затворени ќе бидат четири центри за персонализација, оној во Автокоманда (кај Шумарски факултет), во Аеродром, Влае и центарот за персонализација во просториите на ЈСП Турс.
Центрите во Карпош 2, на Бит пазар и Транспортен центар ќе работат од понеделник до сабота до 17 часот. Во недела ќе бидат затворени.
Услугите на ЈСП Скопје можат да се купат и во над сто маркети и трафики дел од секундарната продажна мрежа (прегледот на локации е достапен на фејсбук страната на ЈСП Скопје https://www.facebook.com/jspskopjee/ ), чие работно време зависи од одлуката на сопствениците на субјектите.
И во наредниот период продолжуваат да важат одлуките за времено укинување на бесплатните годишни средношколски и студентски билети, а и натаму укината е одлуката за бесплатен превоз за возрасни лица во вторник, петок, сабота и недела.
Времено и во наредниот период, не сообраќа туристичката линија, трите линии до Водно, а не работи ниту Жичарницата.
„Апелираме до сите граѓани, рационално да го користат јавниот превоз, притоа да носат заштитна маска и ракавици и да се однесуваат во возилата согласно препораките за превенција од ширење на коронавирусот“, соопшти ЈСП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Донесено упатство за радиодифузерите за претседателските и парламентарните избори
Агенцијата за аудио и аудиовизуелни медиумски услуги, со цел појаснување на начинот на примена на правилата од Изборниот законик донесе Упатство за радиодифузерите за Претседателските и Парламентарни избори 2024.
Со Упатството се опфатени правилата за лимитите за платеното политичко рекламирање (ППР), означувањето на нарачателот на рекламирањето, распределбатата на времето во вести кај Јавниот сервис, бесплатното политичко претставување на Собранискиот канал, обезбедувањето пристапност на содржините за изборниот процес за лицата со попреченост, правилата за известување во деновите на изборниот молк особено за периодот на преклопување на двата изборни процеси.
За време на изборната кампања за Претседателските избори, во првиот круг на гласање, радиодифузерите може да емитуваат вкупно девет минути и триесет секунди дополнително време за рекламирање на реален час емитувана програма, исклучиво наменети за ППР. Во Упатството е точно утврдена распределбата на овие минути меѓу седумте подносители на листи/кандидатите за претседател. Во вториот круг на гласање вкупното време за ППР ќе зависи од времето за ППР што го користат подносителите на листи/кандидатите за претседател кои ќе ја продолжат изборната кампања во вториот круг.
За време на изборната кампања за Парламентарните избори, радиодифузерите имаат право на дополнителни девет минути и триесет секунди за рекламирање на реален час, исклучиво наменети за ППР. По потврдувањето на поднесените листи на кандидати за пратеници од страна на Државната изборна комисија, Агенцијата соодветно ќе го дополни Упатството за радиодифузерите за Претседателските и Парламентарни избори 2024.
За време на изборниот молк за Претседателските избори, на 23 и на 24 април (до 19 часот) 2024 година, продолжува изборната кампања за Парламентарните избори, но запира медиумското покривање во вестите и во посебните-информативни емисии на учесниците во изборните кампањи за двата изборни процеси.
Јавниот сервис и телевизиите на државно ниво што ќе објавуваат платено политичко рекламирање, треба да емитуваат содржини поврзани со изборниот процес во формат пристапен за лицата со попреченост.
Упатството за радиодифузерите за Претседателските и Парламентарни избори 2024 е достапно на веб страницата www.avmu.mk.
Македонија
МТЕЛ со нова понуда за стриминг-платформата Move TV, корисниците одсега имаат избор од над 250 канали
Неспоредливо забавно патување со Move TV, стриминг платформа со најголем број на ТВ канали во Македонија
Подгответе се да се нурнете во свет на бескрајни можности за забава бидејќи стриминг платформата на МТЕЛ, Move TV отсега е со најголем број ТВ канали понудени од кој било телеком провајдер во Македонија. На и досега широкиот избор од ТВ канали компанијата додава бесплатно нови ТВ канали.
Со ова корисниците добиваат избор од над 250 канали вклучени во претплатата кои опфаќаат различни жанрови, јазици и култури, избор што може да воодушеви секој.
„МТЕЛ како компанија не само што го редефинира уживањето во квалитетната телевизиска понуда, тука на самиот корисник му даваме моќ да ја преземете контролата врз своето искуството со стриминг платформата. Без разлика дали сте спортски ентузијаст, љубител на филмови или љубители на ТВ серии, нашата разновидна палета на понуди гарантира дека има по нешто за секого. Во три различни пакети по особено поволни цени за корисници во Македонија се вклучени Арена спорт каналите, ХБО, Суперстар, Еуроспорт, БлицТВ“, велат од компанијата.
Покрај изборот од над 250 ТВ канали, МОVE TV нуди и видеотека со над 10 000 филмови и серии, можност за слушање на најдобрите домашни и регионални радио-станици. МОVE TV може да се користи на телевизиски уред (обичен со MOVE Android Box или смарт телевизор), на телефон и таблет.
Една од главните придобивки за корисниците е можноста за паузирање и премотување сите телевизиските канали во реално време, до 7 дена наназад. Освен тоа, со МОVE Android Box секој телевизиски уред станува паметен, а МOVE TV може да се користи на 5 уреди истовремено во зависност од избраниот пакет. А, сите ваши активности на платформата се синхронизираат на различните уреди на кои ја користите. Повеќе информации може да добиете на телефонскиот број 15010 или на mtel.mk.
ПР
Македонија
Мицкоски: Коалицијата на ВМРО-ДПМНЕ „Твоја Македонија“ застанува зад бранот промени за стабилна и силна Македонија
Денес потпишавме Повелба за стратешко коалицирање и утврдување на принципите на идна работа на Коалицијата предводена од ВМРО-ДПМНЕ наречена „Твоја Македонија“. Коалицијата на ВМРО-ДПМНЕ „Твоја Македонија“ е најбројната досега коалиција составена од 24 политички субјекти и организации кои застануваат зад бранот на промени кои треба да обезбедат стабилна и силна Македонија, истакна лидерот на ВМРО-ДПМНЕ Христијан Мицкоски.
„Коалицијата „Твоја Македонија“ се обврзува дека при реализацијата на програмата за претседателските и парламентарните избори во 2024-тата година, целосно и недвосмислено ќе се водиме од принципите на одговорност и транспарентност во политичкото дејствување. Свесни за девастирачкиот карактер на политиките на неодговорната владејачка клика, обзнануваме дека развојот на економијата, економскиот раст, домашните и странски инвестиции, како услов за отворање на нови работни места и подобар живот на граѓаните, се врвни приоритети на партиите – членки на коалицијата „Твоја Македонија“. Недвосмислена и цврста борба против корупцијата и намалување на обемната бирократијата се наш носечки предизвик бидејќи цврсто веруваме дека праведноста во општеството е основен предуслов за вкупен развој на татковината. Оттаму, длабоко свесни за истакнатото, коалицијата „Твоја Македонија“ се обврзува дека жестоко, праведно и принципиелно ќе иницираме и ќе поддржиме акции на правната држава кои треба да ја вратат разнишаната доверба на граѓаните во институциите на државната власт“, нагласи Мицкоски.
Според него, основниот концепт за развој на приватната иницијатива е почитување на економската слобода и развој на креативноста на личноста.
„Нагласувајќи го разорното дејство на криминалот и корупцијата на актуелната владејачка клика, остануваме посветени на економската модернизација на татковината. Во таа насока се обврзуваме дека ќе генерираме нови политики во функција на финансирање на изградба на меѓународните и локалните патишта, железничките коридори, електраните, гасоводните системи, далноводите, училиштата, болниците како и други инфраструктурни проекти. Манифестираме јасна, непоколеблива и цврста решеност да реализираме реформи кои ќе обезбедат долгорочен економски раст и напредок на Македонија бидејќи цврсто веруваме дека борбата за подобри економски постигнувања значи борба за подобар живот и подобар стандард на македонските граѓани“, нагласи лидерот на ВМРО-ДПМНЕ.
Апелира да има масовна излезеност на овие избори бидејќи, како што рече, неизлегувањето на овие избори подразбира поддршка на неодговорната и криминална власт.