Македонија
Алексовски: Телефонот ми е дома, не е точно дека е пронајден кај Смилковско Езеро
Синиша Алексоски, советникот за национална безбедноста на експретседателот Ѓорге Иванов, е вториот сведок во „Монструм”, по Сашо Мијалков, кој дава исказ во судница. Тој сега е вработен во Агенцијата за разузнавање и на самиот почеток кажа дека не познава никој од обвинетите. Тој кажа дека со тогашната министерка на МВР, ескдиректорот на УБК Сашо Мијалков и ексдиректорот на БЈБ Љупчо Тодоровски, комуницирал само службено.
Пред да се случи настанот, Алексовски не добил во писмена форма податок дека ќе се случи нешто на критичниот ден кога беа убиени петте лица кај Смилковско Езеро. Но, усно бил известен за наводно присутна вооружена група во планини која ќе нападнела полициска станица.
„Секогаш пред верски празник се следат стандардните оперативни процедури. Се собираат податоци за намери за терористички упади од екстремисти кои можат да извршат напади на верски објекти, каде има голема фреквенција на луѓе. Во тие планови се опфаќа и движењето на претседателот. Стигаа известувања од полициски службеници, воени лица, овластени лица во УБК. Во еден од тие имав полициска дојава на податок, односно интерпретација на податок од страна на полицискиот службеник Зоран Трајковски, кој кажал дека има група која се движела по планините и може да изврши напад на полициска станица. Јас се видов со него и го прашав дали е изворен податок или интерпретација на податок, како и дали напишал оперативна информација. Ме извести дека со податокот ги известил припадниците на воената служба и припадниците на регионалното одделение на УБК во Куманово. Неговото барање беше доколку јас имам податоци, да ги споделиме и размениме, а јас му напомнав дека секоја година има дојава на полуинформации”, рече Алексовски.
По настанот, сите се јавувале и сите се знаеле, рече Алексовски, кој напомена дека добивал пораки, меѓу другото и од Зоран Трајковски.
„Може да станува збор за поранешен полициски службеник Башким Бајрами, а според местото на настанот, тој живее на сто метри од местото на убиството. Во тој момент тој беше во бегство, па кажа дека дека доколку тој се враќал дома, би го користел тој пат”, додаде Алексовски.
Алексовски рече дека имал официјлни средби со семејствата на убиените деца, а се среќавале и неофицијално во домот на службеник кој бил задолжен за безбедноста на семејството Иванови.
„Првата средба со семејствата на жртвите беше во кабинетот на претседателот на државата, по нивно барање, за да ги презентираат оние материјали и разговори кои ги добиле од лидерот на СДСМ. Тоа беше официјална средба, каде беа изнесени одредени сомневања во однос на институциите и како тие постапувале со случајот, особено во делот на заштитата со класифицираност на одредени документи во предметот. На средбата беа и Ѓорге Иванов, записничар, генералниот секретар. Тие побараа дали имаме допис од странски претставници во врска со овој случај, за да им помогнеме. Неофицијални средби имавме во домот на Оливер Наќевски, кој беше личен службеник задолжен за безбедноста на семејството на државата и близок роднина на едно од убиените деца”, рече Алексовски.
Наќевски го известил Алексовски што било разговарано на средбата со лидерот на СДСМ, Зоран Заев. Алексовски обвини дека Заев изнел невистини за него, кога посочил на семејствата дека кај Смилковско Езеро е најден неговиот телефонски апарат. Истото на Алексовски му го кажал и адвокатот Насер Рауфи.
„Наќевски ме извести за средбата со лидерот на СДСМ, на којашто тој упатил сериозни сомневања за инволвираност на високи полициски службеници во случајот со пасивно или активно однесување, инволвирајќи ме и мене, дека наводно некој мој телефон бил паднат кај езерото. Лидерот на СДСМ изнесува невистини и клевети. Тој посочи и дека има сомневања за потеклото на возилото ‘опел омега’, за коешто лидерот на СДСМ посочил, цитирајќи одредби во пресудата, можно е да биде сопственост на МВР, а користено од единицата Алфи”, образложи Алексовски.
Синиша Алексовски остварил две средби со Зоран Заев , потврди сведокот, а биле во Владата и кабинетот на Иванов.
„Првата беше по мое барање, а втората по негово барање. На средбата беше соочен со извештаите кои првпат ги гледаше и баравме појаснување за тоа што го кажал на семејствата на жртвите и адвокатот Насер Рауфи. Заев негирал дека го споменал Алексовски, а кажа дека до него стигнувале секакви информации. Му кажав и на него дека во возниот парк на МВР нема возило ‘опел омега’. Неколку пати го прашав кој е изворот кој кажува лаги, но тој не ми одговори. Од него побарав да прекине да ми го злоупотребува името, на што одговори потврдно”, рече Алексовски.
Тој негираше дека го изгубил телефонот и кажа дека му е дома заедно со службената СИМ-картичка која тогаш ја користел.
„Јас јасно одговорив дека сè уште го користам телефонот ‘Нокиа Е6’, со целата содржина, сите разговори, како и СИМ-картичката која е службена од МВР, која, пак, ако сум ја изгубил ќе требало да направи дупликат, што не се случило. Во однос на возилото, кажав дека додека јас бев командант, а тоа е едно 30 месеци пред да се случи настанот, во возниот парк имало ‘опер вектр’”. За тоа возило имам потпишано налози за користење од службеници, за тоа има и податоци. По ноември 2009 не знам. Ова лесно може да се провери и отфрли како невистина. Во однос на прашањето дали имам други податоци зо случајот, ја објаснив мојата улога во кабинетот на експретседателот”, рече Алексовски кој потоа кажа дека со Наќевски имал и трета средба.
На последната средба, Алексовски рече дека Наќевски бил загрижен дали предметот ќе биде завршен, односно дали ќе останат истите обвинители или ќе има нови. Тој не одговорил на прашањата, а средбата била откако предметот бил во рацете на СЈО. Семејствата барале од Алексовски да побара информации од УБК, МВР и другите институции кои би им ги соопштил.
„Сè она што ние ќе добиеме, тие во соодветен начин ќе бидат известени”, рече Алексовски. За убиството кај Смилковско Езеро дознал од телохранителот на Маја Иванова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.