Македонија
Амети предлага воведување пар-непар учество на возила во сообраќајот
Степеност на смртност на годишно ниво е производ на високата загаденост на воздухот, смета шефот на делегацијата на Европската унија во Македонија, Самуел Жбогар, кој заедно со министерот за животна средина и просторно планирања Башким Амети и Анти-Веико Каутонен, аташе на министерството за надворешни работи на Финска, во четвртокк го актуелизираа проблемот со големото загадување на воздухот во Скопје и во Македонија, на завршната церемонија на Твининг проектот за проблемите во областа на квалитетот на воздухот.
„Степеност на смртност на годишно ниво е во голема мера производ на високата загаденост на воздухот. Овој проект им помага на централните и локални власти да го подобрат квалитетот на воздухот. Во врска со проблемот на загаденоста на воздухот, суштински е овој проект да заземе приритетно место кај македонските централни и локални власти. Патот до почист возду во земјата е во рацете на секој граѓанин“, рече Жбогар.
Според него, загадувањето на воздухот и понатаму предизвикува сериозен ризик врз човековото здравје во земјава и рече дека Европската Унија повеќе од десет години го поддржува јакнењето на националните капацитети за управувањето на квалитетот на воздухот.
Сите констатираа дека концентрацијата на ПМ10 и ПМ2.5 честиците многу често ги надминуваат утврдените граници на нормалност, а најчест извор на зголеменото присуство на овие токсични честички се јавуваат во металуршката индустрија, при затоплувањето на домовите и производството на енергија, додека во Скопје најголем удел има сообраќајот, согорувањето на биомаса и индустријата.
„Последните денови предлагаме до владата да преземе мерки за загадувањето на воздухот со тоа што Министерството за внатрешни работи ќе воведе регулиран сообраќај по принципот пар-непар. Ние како министерство ги преполовивме службените возила со што сакаме да придонесеме кон решавање на овој проблем, а истото го предложивме да го направат и останатите министерства од владата. Ова ќе можеме да го постигнеме само со заеднички напори и одговорност за да се обезбеди здрава средина за идните генерации“ – рече Башким Амети, министер за животна средина и просторно планирање
Главна цел на овој проект е да се зајакнат административните капацитети во областа на управување со квалитетот на воздухот и оценка на влијанието на загадувањето врз здравјето на луѓето со спроведување на соодветното законодавство на ЕУ./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.