Македонија
Андоновска: Директорот на ФЗО нема слух за забелешките на докторите
Владата предводена од СДСМ и Зоран Заев секој ден сѐ повеќе го уништуваат здравство, изјави Марија Андоновска од ВМРО-ДПМНЕ. Опозицијата обвинува дека никој од надлежните не мисли на здравството, а тоа го покажува и последниот, како што рече, дрзок однос на Фондот за здравствено осигурување кон стоматолозите и матичните доктори.
„Министерот за здравство, Венко Филипче, како да не е министер за здравство, туку министер за лаги и манипулации на граѓаните и здравствените работници. Директорот на Фондот за здравствено осигурување, Ден Дончев, треба да се засрами од договорите што им ги нуди на матичните стоматолози и доктори. Дали немањето слух за многуте забелешки што ги имаат докторите е директна порака од страна на Ден Дончев, која буквално би значела – прифати го договорот или затвори ја ординацијата“, рече Андоновска.
Таа додаде дека односот на директорот на Фондот е непрофесионален, некоректен и не придонесува за унапредување на здравството и здравствената фела.
Исто како и на матичните лекари, вели Андоновска, така и на стоматолозите им се понудени најлоши услови за работа со Фондот за здравствено осигурување. Со екстремната казнена полититика кон стоматолозите се удира и врз граѓаните, односно пациентите.
„СДСМ и Заев во изборната програма ветуваа реформи што здравствените работници посакуваа да бидат реалност. Но, за жал, реалноста, која е резултат на нивното владеење, е сосема спротивна од она што го ветуваа. Само лаги и неспособност од нивна страна! На стоматолозите им ветија зголемување на капитацијата од пациент од 40 на 70 денари. Нудеа основни бесплатни стоматолошки пакети за секој матичен пациент.
Ветуваа дека ќе најдат решение за хиперпродукција на кадарот, ветуваа проширување на мрежата. И не толку одамна слушнавме ветување дека пациентите ќе може да се евидентираат на име на ординација, а не на име на доктор.
Замислете, ветија зголемување на финансискиот надоместок во секундарната специјалистичка стоматологија по примерот на секундарната медицина“, заклучи Андоновска од ВМРО-ДПМЕ.
Опозицијата апелира до надлежните институции да не бидат незаинтересирани за актуелните барања и потреби на здравствената фела, да повикаат претставници на разговор за да ги прифатат и имплементираат нивните барања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.