Македонија
Анета од Радовиш со недобитен инстант-лоз ЕКОСКУТЕР доби 150.000 денари бонус
Задоволство ни е да vи ја претставиме Анета Спасојева од Радовиш – првата учесничка во бонус играта „Заврти eкоскутер тркало“ која ги „одмери силите“ со тркалото на среќата и си замина дома со 150.000 денари бонус на нејзината трансакциска сметка.
Со Анета се дружевме во ТВ-студиото на Лото 7 откако беше извлечена по електронски пат со помош на генератор во 88. коло. Пред камерите ни раскажа дека редовно се забавува со игрите на среќа на Државна лотарија, а особено се израдувала на новата бонус игра „Заврти екоскутер тркало“ затоа што со недобитните инстант-лозови, играчите добиваат втора шанса за добивка.
Ве потсетуваме, „Заврти екоскутер тркало“ е бонус игра за забава и добивки наменета за сите љубители за инстант-лозот екоскутер.
Сè што треба да направите е да се регистрирате/најавите на веб-страницата на Државна лотарија, www.loto.mk, да го запишете 11-цифрениот сериски број (баркод) кој се наоѓа на задната страна на лозот, но исто така го запишувате и 8-цифрениот контролен број (баркод) кој се наоѓа под полето прекриено со заштитен слој на кое пишува „НЕ ГРЕБИ“.
Можноста за учество веќе започна, а ќе трае заклучно со 23.3.2022 година. Во тек на овој период, секоја седмица, во лото-емисијата, се извлекува по еден од онлајн учесниците којшто ќе биде поканет да биде специјален гостин во телевизиското студио на Лото 7. Гостинот, во живо, ќе врти тркало на среќата со можност да освои парична добивка со вредност од 50 000, 100 000 или 150 000 денари. Согласно правилата на бонус играта, гостинот не може да си замине дома без добивка или со добивка помала од 50 00 денари.
Во тек на бонус играта секој којшто учествува ќе добие еднаква шанса да биде извлечен, а неговото учество ќе му дари единствено искуство да биде специјален гостин во судиото на Лото 7, да го заврти тркалото на среќата и да добие 50 000, 100 000 или 150 000 денари.
Но, изненадувањата со Државна лотарија никогаш не престануваат. Сите недобитни регистрирани инстант лозови екоскутер влегуваат во игра за два автомобила БМВ Х1, и тоа со две извлекувања по електронски пат:
· Првото извлекување ќе се одржи на 8.1.2022 година, а ќе учествуваат сите лозови кои претходно не биле извлечени за парична добивка од 1. до 10. коло.
· Второто извлекување за автомобил БМВ Х1 ќе се одржи на 19.03.2022 година. Ќе учествуваат сите регистрирани инстант-лозови кои претходно не биле извлечени за парична добивка и тоа од 11. до 20. коло.
Ве покануваме на уште една авантура преку www.loto.mk која може да ве одведе до прекрасен автомобил БМВ Х1. Билет до возбудливата авантура „Заврти екоскутер тркало“ е недобитен лоз екоскутер. Воедно, со купување пакет 5 + 1 екоскутер, давате ваш придонес во општественоодговорни цели и заедничката акција на Црвен крст и Државна лотарија под име „Круг на среќата и солидарноста наменета за поддршка на најнемоќната категорија граѓани во борба против Ковид-19.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.