Македонија
„Анима мунди“ бара раководство со програмата за бездомни кучиња и управување со стационарот „Вардариште“
Здружението за заштита на животни „Анима мунди“ се огласи по неколкудневното препукување на партиите за тоа кој е виновен за алармантната состојба со бездомните животни во град Скопје. Според нив, на овој начин само се креваат тензиите, но, како што велат, решение изостанува како по навика.
Оттаму бараат итно да се запре хајката врз бездомните кучиња кои деновиве масовно се ловат и ја нудат својата помош, односно знаење втемелено на соработка со најсилните меѓународни здруженија за заштита на животните.
„По стоти пат повторуваме – кучиња има и ќе има сè додека најтемелно не се дефинира одговорното сопствеништво, едуцираат и поттикнат граѓаните да вдомуваат, наместо да купуваат миленици и субвенционира стерилизација на домашните миленици; стерилизацијата да биде задолжителна (освен во случаи на регистрирана одгледувачница, т.е. доколку сакаат да се занимаваат со размножување и продавање да плаќаат данок), неконтролираното размножување и напуштање на животните да биде најстрого казнувано. ‘Анима мунди’ бара целосно раководство со програмата за контрола на бездомните кучиња и управување на стационарот „Вардариште“ при што суштински би ја унапредиле тамошната програма и напоредно преку низа мерки би дејствувале на коренот на проблемот, а не само на симптомите кои ако ги прикриваме добиваме само привид на каков било успех“, се наведува во соопштението.
Од „Анима мунди“ исто така додаваат дека суштински е да се знае дека со грубо отстранување и убивање на бездомни кучиња проблемот се продлабочува.
„Доколку заловеното куче не се стерилизира, вакцинира и врати таму каде што живеело, на негова територија веднаш се населува друго животно, нестерилизирано, непознато за околината, уплашено, недоверливо, што по автоматизам значи пораздразливо затоа што на новата локација се бори да преживее. Ние не можеме да ја стигнеме биолошката прогресија на животните. Новите нестерилизирани кучиња се размножуваат и проблемот станува драстично поголем затоа што за неколку месеци треба да се ‘бориме’ и со нивните поколенија, а не само со нив. Кучките со мали кутриња се оние кои штитат, глутници се создаваат само кога постои кучка во циклус, во спротивно стерилизираните животни не се агресивни затоа што имаат смирен хормонален статус и не се натпреваруваат. Во целиот процес залудно се вртиме во круг, во меѓувреме ја ставаме ја безбедноста на граѓаните на ризик и со убивањето губиме градски пари, собрани од данокот на граѓаните“, се вели во соопштението.
Од здружението наведуваат и дека „Вардариште“ во моментов е преполно со животни кои умираат од зарази и нестручно укажана ветеринарна интервенција, а, како што велат, создадена е и масовна хистерија.
„Бараме веднаш да се донесе забрана за заловување на мали кутриња кои таму само умираат од зарази, а не можат да бидат стерилизирани поради нивната возраст. Бараме стационарот да биде отворен за јавност најмалку 6 дена неделно, 8 часа дневно, затоа што основна негова компонента покрај стерилизациите е да овозможи вдомување. Бараме веднаш да се укине забраната за фотографирање на кучињата во ‘Вардариште%.Бараме да се овозможи граѓаните да си ги повлекуваат локалните, односно колективно чуваните миленици од стационарот, да можат ги вратат на територијата на која живеат, а и се охрабруваат граѓаните да бидат општествено одговорни, да ги донесат маалските миленици на бесплатна стерилизација во стационарот, без страв дека истите таму ќе бидат убиени“, апелираат од „Анима мунди“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Едукативен мото настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото настан од отворен карактер „Сите возиме, но некои знаат“.
На присутните од страна на лиценцирани инструктори, ќе им биде презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Низ дружење со претставници и членови од мото клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење на електрични превозни средства“, велат од општина Кисела Вода.
Македонија
Ќе се основа Медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.