Македонија
Анкета на „Тим институт“: Најголемиот број од испитаниците би гласале за СДСМ
За коалицијата предводена од СДСМ би гласале 24,4 од испитаниците, додека за коалицијата предводена од ВМРО-ДПМНЕ би гласале 21,1 отсто. Вакви се резултатите од анкетата спроведена од страна на „Тим институт“, што беше реализирана за потребите на СДСМ.
Поголем дел од испитаниците (26,6 проценти) сметаат дека Коалицијата предводена од СДСМ ќе победи на следните избори, додека 23,9 отсто веруваат дека победата ќе ја понесе опозициската ВМРО-ДПМНЕ.
На прашањето „Дали ќе гласате на наредните избори?“ – 50,4 проценти од испитаниците одговориле дека сигурно ќе гласаат, веројатно ќе гласаат 23,1 осто, сигурно нема да гласаат 8,5 проценти од испитаниците, додека 7,9 проценти одговориле дека не знаат дали ќе го остварат своето право на глас.
Испитаниците биле и прашани дали сметаат дека Владата заслужува повторно да биде избрана, на што 45,2 отсто дале целосна или делумна поддршка, додека 43,8 проценти не сметаат дека Владата треба да биде реизбрана.
Анкетата го третира и прашањето дали опозицијата заслужува или не да биде на местото на сегашната власт, на што според резултатите 29,1 осто се изјасниле дека делумно или целосно треба да биде така, додека против се изјасниле 56,8 проценти од испитаниците.
Во однос на главните приоритети, истражувањето покажа дека на граѓаните важни им се економијата, правдата, корупцијата и здравството. Одговарајќи на прашањето кој е најважниот проблем со кој Македонија се соочува во моментов, 25 проценти ги посочиле економијата и вработеноста, по што следат криминалот и корупцијата. Најмал е процентот на оние кои алармираат на иселувањето и меѓуетничките осноси.
Согласно резултатите и понатаму останува висока поддршката на граѓаните за влез на земјава во ЕУ и НАТО.
Во однос на преспанскиот договор испитаниците се со поделени ставови. 32,7 проценти се изјасниле дека го поддржуваат, додека 32,1 отсто одговориле дека целосно се спротивставуваат на преспанскиот договор. Не е мал ни процентот (24,9 проценти) на оние кои одговориле дека не им се допаѓа договорот, но сметаат дека бил неопходен.
Анкетата била спроведена од 10 до 20 јули оваа година врз 1.024 испитаници на возраст над 18 години кои имале прв следен роденден во домаќинството. Опфатени се осумте региони во земјава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.