Македонија
Асоцијацијата на дадилките: Не може несоодветни кадри од улица да работат со деца
Се случува негувателка да има вербален испад во градинка, се случува дете да биде изгризано, бидејќи го полазил инсект во градинка, се случува дете да е изгорено со кафе во градинка, се случува дете само да замине од градинка, се случува дете да остане заклучено во градинка… Се случува и ќе се случува. Сѐ додека не се свестиме и додека не признаеме дека системот за грижа и нега на децата ни е паднат на колена, на дното и дека всушност не постои систем, се вели во реакцијата на Македонска асоцијација на дадилките.
Според оваа асоцијација, ова ќе се случува сѐ додека секое чудо ни е за три дена, ќе го забошотиме, ќе се ставиме под тепих и ќе продолжиме понатаму. Ќе се случува сѐ додека немо набљудуваме и само коментираме на социјалните мрежи, а во себе се тешиме дека е добро што не се работи за нашето дете.
„Ќе се случува сѐ додека слушаме и прифаќаме оправдувања од типот: по дома со едно не можеме да се справиме, а не па тие во градинка со триесет деца. Ќе се случува сѐ додека ни е нормално: па мизерно се платени, што да прават. Ќе се случува сѐ додека: се зачленив во партија за да влезам во градинка. Ќе се случува сѐ додека секој еден дојден од улица со таканаречена лиценца може да работи со деца. Ќе се случува сѐ додека институциите молчат пред непобитната вистина дека уништуваме генерации од најмала возраст, дека несоодветни, неквалификувани, неодговорни лица без трошка совест работат со деца. Ќе се случува сѐ додека вработувањето во градинка ќе се користи како инструмент на краткорочна политика, а не како инструмент за градење и растење нови генерации“, се вели во соопштението до јавноста.
Според Асоцијацијата, место да дискутираме дали, на пример, програмата во градинка е усогласена со современите услови, развојот на општеството, дали децата се подготвуваат соодветно за училиште, ние расправаме дали употребата на непримерни зборови кон детето е прифатлива или не. И дури пронаоѓаме оправдувања за таквото однесување, и тоа во 21 век.
„Лиценцата за негувателка е прашалник од 20 прашања на заокружување, кој секоја личност со просечна интелигенција може да го реши. На лиценцата не ѝ претходат никаква едукација, обука, тренинг. За законот не е битно какво образование има негувателката. Може да е месар, пекар, козметичар, хемичар, оџачар, ама ако има лиценца, може да работи со деца. За секој нормален човек ова е невозможно, меѓутоа во реалноста се случува и тоа законски е легализирано. Платите на негувателките се несоодветни со работата што ја работат. Но, сепак се води борба до истребување кој ќе се вработи во градинка (државна). Ниската плата не може да биде оправдување за дивото однесување кон децата. Секој еден што влегува на работно место е свесен каква плата ќе ја има и какви работни задачи ќе извршува. Ако смета дека не е соодветно платен,
има избор да бара друго работно место. Сѐ додека е на место што со сопствената волја го
прифатил, должен е да ги извршува своите обврски совесно и професионално. Градинките се установи што по некоја логика треба да шират среќа, радост, живот. За жал, некои од нив работат во невозможни услови“, се наведува во соопштението.
Тие го повикуваат Министерството за труд и социјална политика по итна постапка да
го измени Законот за заштита на децата и да ја спречи катастрофата што доаѓа. Да не чека да се случи нешто уште пострашно за да разбереме дека не може секој да работи во градинка, ниту во домот на семејство со дете/деца додека не биде доцна.
„Уште еднаш ги повикуваме здруженијата на негувателки и здруженијата на воспитувачи да застанат во одбрана на своите права и да ја бранат својата професија. Да не молчат поради стравот од тоа дали ќе бидат избркани од работното место ако кренале глас за развој и почитување на професијата. Уште еднаш ги повикуваме и медиумите да се вклучат истражувачки во тематиката згрижување и нега на деца. Нивните статии и известувања да не завршуваат само на индивидуални случки, туку да ѝ помогнат на јавноста да се запознае со реалноста“, велат од Македонска асоцијација на дадилките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.