Македонија
АУЕ – ФОН стана дел од балканската асоцијација на економски универзитети
Американскиот универзитет на Европа – ФОН стана дел од Балканската асоцијација на економски универзитети којашто беше основана во Високата школа за осигурување и финансии (ВУЗФ) во Софија, Република Бугарија. Асоцијацијата е формирана на иницијатива на ВУЗФ и обединува универзитети од Бугарија, Северна Македонија, Турција, Албанија, Црна Гора и Косово. За претседател на Управниот одбор на Балканската асоцијација е избран ректорот на ВУЗФ, проф. д-р на правни науки, Борис Велчев, а за потпретседател е избрана ректорката на Американскиот универзитет на Европа – ФОН, проф. д-р Билјана Пулеска Јанушевска.
Идејата на Балканската асоцијација на економски универзитети е да создаде услови за соработка и обединување на заедничките напори во обезбедување образовни услуги во областа на високото образование, науката и обуката. Главни цели и задачи на Балканската асоцијација ќе бидат синхронизација на економските програми со цел да се олесни меѓусебното признавање на дипломите и студиските периоди; мобилност на студенти, наставници и административен персонал во рамките на програмата Еразмус+, како и во рамките на други програми за мобилност; развој и воведување заеднички дипломски и магистерски програми, вклучително и преку изградба на меѓууниверзитетски конзорциуми; зајакната соработка во обуката на докторантите и во спроведувањето на процедурите за стекнување научен степен „Доктор на науки“; можности за заедничко научно и применети истражувања и дисеминација на резултатите од спроведените научни истражувања; соработка на европски проекти; организирање заеднички научни настани, конференции и слично.
„Верувам дека обединетите напори за создавање одржлива средина за високо образование, наука и академска размена ќе придонесат за економскиот развој на нашиот регион и особено за високото образование во областа на економијата“, изјави ректорот на ВУЗФ универзитетот проф. д-р на правни науки, Борис Велчев на основањето на Балканската асоцијација на економски универзитети.
Договорот за основање на Балканската асоцијација на економски универзитети го потпишаа ректорот на ВУЗФ, проф. д-р на правни науки Борис Велчев, проф. д-р Билјана Пулеска, ректор на АУЕ-ФОН, проф. д-р Павло Конго, ректор на Универзитет во Албанија, Тирана, проф. д-р Шемседин Вехапи, проректор на колеџот ААБ од Косово, проф. д-р Ерхан, претседател на Универзитетот Алтинбаш од Истанбул.
Меѓу првите активности на Балканската асоцијација на економски универзитети ќе биде заедничко организирање на меѓународна конференција „Економија на иднината“, којашто ќе се одржи во Софија од 19 до 21 април 2023 година.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.