Македонија
Без струја повеќе делови на Скопје
Поради технички зафати во дистрибутивната електромрежа, утре (четврток) без електрична енергија ќе останат следните корисници:
Во време од 8:40 до 12:00 часот дел од ул. Трубарево кај црквата, ул. 1 и ул. 2, дел од ул. Благоја Стефановски кај црквата и дел од ул. Вера Јоциќ кај Црквата (о. Гази Баба);
Од 16:30 до 21:00 часот корисниците околу кружен ток кај кафулето Круг, ул. Орце Николов од бр. 93 до 99, Хелсиншки комитет на ул. Наум Наумовски Борче, ул. Антоние Грубишиќ (од ул. Мирослав Крлежа до Ленинова), ул. Коле Неделковски (од ул. Мирослав Крлежа до ул. Орце Николов), детска градинка на ул. Наум Наумовски Борче, ул. Наум Наумовски Борче (од Ленинова до Илинденска) и Министерство за култура на ул. Мирослав Крлежа (о. Центар);
Од 5:30 до 12:30 часот цела индустриска зона покрај автопатот (Сатра, Ролопласт, Каз груп па сè до Вичишки комерц), цел регион од Сатра до склад Макпетрол по должина на автопатот, хотел „Белви“ (од 5:30 до 6:00 часот, па потоа од 12:00 до 12:30 часот) (о. Илинден);
Од 13:00 до 16:00 часот објектот на HANTERSLIFE – дом за живот на стари лица, дел од с. Катланово, кој се напојува од ТС Младинска населба Катланово (о. Петровец);
Од 9:00 до 16:00 часот дел од ул.Петар Ацев (о. Аеродром);
Од 9:00 до 14:00 часот ул. Димо Хаџи Димов куќни броеви непарни од 45 до 55, ул. Димо Хаџи Димов куќни броеви парни од 42 до 68 (о. Кисела Вода) ;
Од 9:00 до 11:00 часот дел од с. Ракотинци (помеѓу зградата на о.Сопиште и ОУ во с. Ракотинци) (о. Сопиште);
Од 6:00 до 7:30 часот дел од ул. Анастас Митрев, дел од ул. Венјамин Мачуковски, во близина на ЗУР маркет (о. Аеродром);
Од 10:00 до 12:00 часот Брњарци, трафостаниците што ќе останат без напон: ТС Брњарци 1 и 2, ТС Обиколница 1 и 2, ТС Давос, ТС Жик Краварство, ТС АРС Комерц, дел од обиколницата која се напојува од ТС Обиколница 1 и ТС Обиколница 2, цело село Брњарци — нас. Синѓелиќ, дел од ул.
Методија Андонов Ченто, Лукоил Б. Пумпа, Мерцедес бенц, Дизел техник, Беса компани и фирмите во околина (о. Гази Баба) и
Во време од 9:00 до 14:00 часот дел од ул. Франце Прешерн (о. Карпош).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Инспекторатот ќе контролира дали рабодавачите ја почитуваат владината одлука за неработен ден
Државниот пазарен инспекторат им укажува на сите работодавачи дека согласно Заклучокот на Техничката Влада деновите на изборите – 24 април 2024 година (среда) и 8 мај 2024 година (среда) се неработни денови за сите граѓани.
„Работодавачите во наведените денови не треба да извршуваат дејност со исклучок на оние работодавачи каде работните процесите заради својата природа не можат да се прекинат“, порачаа од инспекторатот.
За наведените денови, Државниот пазарен инспекторат ќе воведе дежурства и преку државните пазарни инспектори ќе контролира дали Заклучокот на Техничката Влада се почитува од страна на работодавачите.
Македонија
ДИК објави упатство за гласање на претседателските избори
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство за гласање.
УПАТСТВО ЗА ГЛАСАЊЕ ЗА ПРЕТСЕДАТЕЛСКИ ИЗБОРИ
1. Гласањето се врши лично на гласачките места во Република Северна Македонија и во ДКП/КК.
2. Избирачкиот одбор на гласачите им го објаснува начинот на гласање и им овозможува да гласаат.
3. Гласачот може само еднаш да се појави на гласачкото место за остварување на своето избирачко право.
4. Гласачот го приложува документот за лична идентификација – важечка лична карта или патна исправа, односно лична
карта или патна исправа чија важност истекла во периодот од 24 јули 2023 до 24 април 2024 година.
5. Гласачот става отпечаток од показалецот од десната рака на уредот за биометриска идентификација, а доколку
гласачот нема десен показалец се зема отпечаток од показалецот од левата рака или во случај на гласачот да му
недостигаат овие два прста се зема отпечаток од наредниот прст од десната рака.
6. Доколку гласачот нема две раце гласачот се внесува во техничката опрема со пребарување преку неговиот единствен
матичен број (ЕМБГ).
7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во
електронскиот избирачки список, гласачот се внесува во УБИГ преку отчитување на личниот документ на МРЗ скенерот
или преку внесување на единствениот матичен број (ЕМБГ), а потоа гласачот става отпечаток од прст на УБИГ.
8. По потврдувањето на идентитетот, гласачот го става својот потпис во изводот од Избирачкиот список.
9. Гласачкото ливче се откинува од кочанот по нумерички редослед, му задолжително се става печат на предната страна
на местото определено за печат и потоа му се дава на гласачот.
10. Гласачот добива едно гласачко ливче.
11. Гласачот гласа сам, тајно зад гласачки параван.
12. Гласачот гласањето го врши на тој начин што го заокружува редниот број пред називот/името на листата со хемиско
пенкало со мастило во сина боја.
13. Превитканото гласачко ливче гласачот го става во гласачката кутија.
14. Гласачот го подигнува документот за лична идентификација.
15. Гласач кој има физички недостаток или е неписмен и поради тоа не може да гласа на начин утврден со Изборниот
законик, со себе има право да доведе лице кое ќе му помогне при гласањето. Ако не доведе со себе лице кое ќе му
помогне при гласањето, тогаш избирачкиот одбор ќе определи друго лице од редот на гласачите. Лицето не смее да
влијае врз одлуката на гласачот.
16. Забрането е семејното и групното гласање, како и гласањето за друго лице.
17. Забрането е фотографирање на гласачкото ливче со мобилен телефон или апарат за фотографирање.
18. Забрането е носење оружје на гласачкото место.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.