Македонија
(Видео) Богоевски: Вредностите над функцијата
Пратеникот Павле Богоевски кој денеска ја достави оставката до собраниските служби од собраниската говорница рече дека останува на ставот дека вредностите и каузата за кои се борел се над функцијата.
Тој во последниот говор како пратеник рече дека оставката ја донел од две причини. Прво дека не сакал да биде пречка за органите на прогонот да си ја вршат својата работа и ги повика да го истражат случајот со аудиоснимката во целост, но и да најдат кој ја направил снимката.
Втората причина за оставката била тоа што тој бил човек кој се залага за правото и правдината. Тој рече дека секогаш бил за вредностите над фотелјата.
„Вредностите на Шарената револуција се сè уште живи и се на сила и никој не може да ги помести од тежиштето“, рече Богоевски алудирајќи дека тој и понатаму останува шарен револуционер и борец за каузата за која што се борел.
Рече дека тој не е како Груевски кој е во бегство и кој, како што кажа, се крие зад диктатори. Богоевски ги повика колегите пратеници да дадат поддршка за престанок на мандатот на Груевски, а не, како што рече, да измислуваат смешни оправдувања и да штитат криминалец кој ѝ нанел огромна штета на државата.
„На крајот сакам да кажам: збогум Никола, јас ќе останам горд и достоинетвен, а ти овде ќе можеш да се вратиш само со лисици и да бидеш на местото каде што ќе треба да си ја отслужиш казната“, рече Богоевски.
Тој рече дека нема да делува институционално и дека ќе продолжи таму каде што застана, односно се враќа на активизмот.
„Не можам да бидам молчелив, ќе му се вратам на активизмот. Мојата борба продолжува, ама не институционално. Тоа ќе биде борба за вредности и правда. Не можам конкретно да кажам што ќе биде со Павле, но зад моите идеи на шарените останувам целосно посветен“, рече Богоевски.
На прашањето дали се кае што влегол во политика, Богоевски рече дека во политиката треба да се прават компромиси за одредени пивисоки цели, но не секогаш лично се согласувал со одлуките кои се носеле.
„Во полтиката треба постојано да се преиспитувате, затоа што политичката релност е нешто различно од активизмот. Најтешки ми беа одлуките кои се носеа за правото и правдината, за кои сум имал лични убедувања кои се коселе со моите принципи за правдата“, рече Богоевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.