Македонија
Борисов: Задоволни сме од она што Стево Пендаровски го кажа за Гоце Делчев
Задоволни сме што вистината за нашата заедничка историја, вклучувајќи ја и за Гоце Делчев, почнува да се кажува јавно од политичари на највисоко ниво во Македонија, каков што е случајот со претседателот Стево Пендаровски, изјави бугарскиот премиер Бојко Борисов, пренесе бугарската новинска агенција „БГНЕС“.
„Земјите од Западен Балкан мора да вложат максимални напори за развој на добрососедски односи со своите соседи од Европската Унија. Несомнено, еден од најдобрите примери за тоа е потпишувањето на договорот за добрососедство меѓу Бугарија и Република Северна Македонија“, изјави Борисов по состанокот со македонскиот колега Зоран Заев, во рамките на Самитот на Берлинскиот процес. Двајцата премиери разговараа за достигнувањата и предизвиците во билатералните односи со Бугарија.
За време на разговорот, Бојко Борисов и Зоран Заев истакнаа дека потпишувањето на договорот за пријателство, добрососедство и соработка дал позитивен поттик во партнерството меѓу двете земји.
„Потпишувањето на договорот е нашиот најголем успех. Без вашето лидерство ова немаше да биде можно“, рече македонскиот премиер Зоран Заев и го покани Борисов заедно да ја прослават втората годишнина од потпишувањето на договорот за пријателство меѓу двете земји на 1 август и заедно да се поклонат пред споменикот на Гоце Делчев.
Бугарскиот премиер Бојко Борисов истакна дека во рамките на Самитот на шефовите на држави и влади на земјите учеснички во ПСЈИЕ во Сараево следната недела, ќе има разговор и со македонскиот претседател Стево Пендаровски.
„На ниво на премиери и министри за надворешни работи си имаме доверба, но сега треба да работиме за доверба помеѓу администрациите и комисиите, за да постигнеме реален резултат. Потребна е нова динамика во работата на Комисијата, што ќе доведе до брзи резултати до крајот на 2019 година, на теми како Илинденското востание, Гоце Делчев и други“, истакна премиерот Бојко Борисов.
Бугарија и Македонија се очекува да ја одбележат 1005-годишнината од смртта на цар Самуил на највисоко ниво во октомври. Во текот на разговорот двајцата премиери изразија мислење дека тоа ќе претставува доказ за ефикасно извршување на преземените обврски преку Протоколот од 10 јуни, потпишан за време на првата седница на Меѓувладината комисија, пренесе „БГНЕС“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.
Македонија
Велковски: Работничките права не се почитуваат, платите особено во здравството не се системски уредени
Министерот за труд и социјална политика, Ѓоко Велковски денеска оствари средба со претставници на повеќе грански синдикати, членови на Конфедерација на Синдикални Организации на Македонија (КСОМ) на која работна средба се разговараше за проблемите со кои се соочуваат синдикатите и вработените во областа на здравството, одбраната, полицијата, Македонски железници и рударството.
„Работничките права не се почитуваат, платите особено во здравството не се системски уредени а големи се и проблеми поврзани со функционирањето на синдикатите во последните неколку години. Ова се клучните работи кои беа истакнати од страна на претставниците на синдикатите“, вели министерот Велковски.
Министерството за труд и социјална политика ќе преземе активности во насока на системско решавање на настанатите состојби и воспоставување на вистински партнерски дијалог помеѓу МТСП и Синдикатите, нешто за што се заложи и министерот Ѓоко Велковски.
Македонија
Левицата: Бугари во Уставот е предавство, на денешен ден почна бугарската фашистичка окупација на Македонија
,,На 18 април 1941 година, со одборение на Хитлеровата врховна команда, единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија“, велат од Левица.
„Овој историски факт, под рефлекторите на денешното политичко препрочитување на историјата на Македонија, Бугарија настојува овој настан од историјата наместо окупација еуфемизирано да се третира како администрирање со Македонија. Но, историските факти говорат друго! Затоа во очи на претстојните парламентарни избори, направете го вистинскиот избор и гласајте за Левица, единствената партија која се залага за раскинување на договорот со Бугарија“, посочуваат оттаму и додаваат:
„Гласајте за Левица, затоа што Бугари во Устав е предавство!”, изјавија од Левица.