Македонија
Бочварски: Рехабилитиран транзитот низ Штип, дополнително потпишани договори за реконструкција на четири улици во градот
Преку проектот за локални патишта обезбедивме дополнителни 30 милиони денари за реконструкција на три улици во општина Штип и дополнително изградба на уште една улица во населбата Света Недела, истакна министерот Благој Бочварски при денешната посета на општина Штип.
Потпишани се договори за реконструкција на улиците: „5 Конгрес“, „Солидарност” и улица „Браќа Даневи” инвестиција од 28,8 милиони денари. Исто така преку буџетот на Министерството за транспорт и врски во рамки на Декадата на Ромите, обезбедени се 1,1 милион денари за изградба на улица во населбата Света Недела.
Денешната посета на општина Штип заедно со директорот на ЈП за одржување на регионални и магистрални патишта Костадин Ацевски, ја искористија да извршат увид во рехабилитираниот транзит низ Штип, патен павец за кој Владата инвестираше 50 милиони денари.
„Преку 120 милиони денари Владата преку Министерството за транспорт и врски инвестира за подобрување на улиците во општина Штип. Завршивме комплетно со рехабилитација на транзитот на Штип и со тоа ја заокруживме комплетно целата патна инфраструктура во државна надлежност. Но денеска со задоволство сакам да ги информирам граѓаните на Штип дека ги потпишав договорите за реконструкција на три улици во населбата Автокоманда во Штип. Претходно инвестиравме 10 милиони денари за реконструкција на улицата Панче Караѓозов, исто така инвестиравме и 12 милиони денари за реконструкција на раскрсницата Сењак. Друга важна работа што сакам да најавам е изградбата на улицата број 1 во населбата Света Недела. Тоа е влогот на Владата и Министерството за транспорт за Штип и граѓаните на Штип, за подобрување на условите за живот, за урбаниот и економскиот развој на градот”, изјави Благој Бочварски, министер за транспорт и врски.
Директорот на ЈП за одржување на магистралните патишта Ацевски, најави дека претпријатието се подготвува за новата програма за следната година и реконструкција на најкритичните патни правци.
„Почнавме август, завршивме во септември. Ја завршивме комплетно реконструкција од околу 4 километри за што инвестиравме 50 милиони денари. Со тоа ја исцрпивме програмата за овој регион, а со ЈП за државни патишта веќе почнуваме да ја изготвуваме програмата за инвестиционо одржување за следната година, така што ќе бидат рехабилитирани сите критични правци”, истакна Костадин Ацевски, директор на ЈП за одржување на регионални и магистрални патишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.