Македонија
Велородео и велопикник викендов во Скопје
Придобивките од возењето велосипед, вештото возење, велосипедските трки и промоцијата на формите на транспорт кои влијаат на ублажување на климатските промени ќе бидат во фокусот на последните два дена од Европската недела на мобилност 2019, на 21 и на 22 септември.
Активностите на Европската недела на мобилност 2019 се организираат под мотото „Пешачи со нас“.
Во текот на утрешниот ден (21.09.2019 година, сабота) ќе се организираат следниве активности:
ВЕЛОРОДЕО
Градски парк
11:00-14:15 часот
Преку препознатливата мрежа на училишта наречена „Велоучилишта“ се организира овој настан со осмислена програма: поставување велосипедски полигон за деца со 15 вежби, квизови на тема екологија и велосипедизам, социјални игри, веломеморија, музички точки и забава.
На самиот настан ќе бидат реализирани следните активности:
– Велополигон (бавна трка, баланс, безбедност, вештини, сигнализација, контрола, тргнување, итн.)
– Едукативни игри: Веломеморија; Не лути се човече (во реална големина); Екоквиз и Сложувалка
– Работилница за поправка на велосипед
– Креативна работилница
– „Чисто како дома исто“, кампања на Делегацијата на Европската Унија во Република Северна Македонија
– Други изненадувања за најмладите.
Настанот е од отворен карактер и право на учество имаат сите ученици кои имаат желба да возат велосипед, како и активно и едукативно да се забавуваат. На тој начин, учениците ќе ја пренесат пораката за придобивките од возењето велосипед.
PUMPTRUCK PARK ЗА ОНИЕ ШТО ЗНААТ
Новиот памптрак пред Олимпискиот базен на булеварот Кочо Рацин
18:00-19:30 часот
Забавна содржина за граѓаните и љубителите на адреналинското рекреирање со велосипеди, скејтборди и ролери. Целовечерна забава со настап на обучени бајкери.
BIKE4CLIMATE (Да бидеме генерации што ќе ја сочуваат иднината)
Градски парк
19:00-21:30 часот
Потребно е да размислуваме како да го приспособиме секторот транспорт на екстремните временски услови и во истовреме да влијаеме на ублажување на климатските промени преку фаворизирање форми на транспорт со низок јаглероден отпечаток, како на пример повеќе велосипедски и пешачки зони во градот со функционално зеленило да се олесни движењето во услови на високи температури, автопати за велосипеди кои ќе ги поврзуваат градовите и слично.
Во рамки на Неделата на климатски промени, предвидено е собирање на Градскиот плоштад, возење со велосипед покрај Владата и доаѓање до Школка во Градскиот парк, каде што е организирано кино под отворено небо и проекција на филм за климатските промени. Секој велосипед носи соодветна порака.
За недела (22.09.2019 година) се планирани следниве активности:
ДА ГО РАЗМРДАМЕ КАЛЕ
Подножје на Скопската тврдина и околните улици во центарот на градот
Велоекспо 10:00-13:00 часот
Велопикник 10:00 – 11:00 часот
Традиционална трка на Велосипедската федерација 11:00-13:00 часот
Учесниците на целодневниот настан ќе пристигнат на велосипед или пеш. Ќе биде организирана промоција на индустрии поврзани со велокултурата (продавници, сервиси, тури, клубови, водичи, групи), како и изложба на велосипеди олдтајмери. Настанот ќе биде придружен со музичка и сценска програма.
Во првиот дел од настанот ќе возат деца и аматери, а во вториот ќе се натпреваруваат професионални велосипедисти.
16.09. – 22.09.2019
Вирална кампања #WalkWithUs
Тагни и покани пет личности со наведениот хаштаг, за користење одржлив транспорт до своето работно место. Означените личности треба да објават фотографија или видео со нивното омилено превозно средство. Петте објави со најмногу лајкови ќе добијат награди, од кои првата ќе добие велосипед на расклопување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски од Струмица: Управните служби ќе издаваат лични документи и во сабота
Министерот за внатрешни работи Панче Тошковски денеска беше во посета на струмичкиот крај каде оствари работни посети на Секторот за внатрешни работи Струмица, Отсекот за управни работи Струмица и канцеларијата за управни работи во Ново Село. Министерот Тошковски од страна на раководството на СВР Струмица беше брифиран дека генерално безбедносната состојба на подрачјето кое го покриваат е стабилна и не се забележува позначајно зголемување на бројот на извршени кривични дела, а во тој поглед имаат солиден процент на реализација. Како проблем на чие решавање треба да се работи што поскоро беше истакната слабата кадровска пополнетост, односно недостиг на човечки ресурси за работа.
„Во делот на управните служби би сакал да потенцирам дека во интерес на струмичани, повторно ќе започне процес на издавање на лични документи и во сабота (од наредната), а работиме на тоа да се издаваат лични документи и во текот на работната недела после 16 часот, со цел луѓето после завршување на работните обврски да можат да си ги подигнат готовите документи“, нагласи министерот Тошковски.
Што се однесува до канцеларијата за управни работи во Ново Село и покрај опструкциите на Владата со поништувањето на наредбата на колешката која доброволно прифати да помогне во овој дел, како што потенцираше Тошковски, со почетокот на континуираното функционирање на базната станица, истата опслужува граѓани од поширокото подрачје на Струмица и бројот на фотографирања на оваа територија се зголеми за 32%.
Македонија
(Видео) Јавното обвинителство се координира со другите институции за обезбедување фер и демократски изборен процес
Координација на активностите за успешно спроведување на претстојните избори, со поддршка од сите институции што се дел од овој процес, беше тема на денешниот состанок на јавниот обвинител на Република Северна Македонија, Љупчо Коцевски, со претседателот на Владата на Република Северна Македонија, Талат Џафери. На средбата присуствуваше и јавниот обвинител Џељаљ Бајрами, претседател на Комисијата во Јавното обвинителство за следење евентуални изборни нерегуларности поврзани со извршување кривични дела од Глава шеснаесет – кривични дела против изборите и гласањето од Кривичниот законик и други кривични дела што би биле сторени при организирањето и спроведувањето на изборите.
На средбата заеднички се констатира дека двојните избори во државава се од исклучителна важност во рамките на очекувањата за напредок на Република Северна Македонија во евроинтеграцискиот процес и во таа насока се потенцира улогата на сите надлежни институции и потребата од ефикасно дејствување со цел спроведување фер и демократски изборни процеси. Се нагласи и очекувањето од двете страни дека сите учесници во изборите го согледуваат својот дел од одговорноста и ќе придонесат во поттикнувањето и одржувањето атмосфера на конструктивност.
Во Јавното обвинителство на Република Северна Македонија, денеска, јавниот обвинител Бајрами и членови на Комисијата остварија работна средба со членовите на Државната изборна комисија, на која двете институции меѓусебно се информираа за текот на подготовките за организација и следење на изборниот процес, како и потенцијалните ризици. Привремената комисија во Јавното обвинителство непосредно ќе комуницира со членовите на ДИК во текот на спроведувањето на изборниот процес и особено на денот на гласањето за да се информира за сите евентуални изборни нерегуларности што би можеле да бидат предмет на кривична одговорност за сторителите.
Македонија
Склучен меморандум за соработка помеѓу Економскиот факултет – Скопје и „Кроација осигурување“ АД, Друштво за неживотно осигурување Скопје
Денес во просториите на Економскиот факултет – Скопје, деканот проф. д-р Предраг Трпески одржа состанок со г-дин Александар Манев-генерален директор на Кроација осигурување АД, Друштво за неживотно осигурување Скопје и со претставници од истата институција.
Во рамки на остварената средба, се одвиваше плодна дискусија во насока на унапредување и продлабочување на меѓусебната соработка помеѓу двете институции како и обезбедување достапност на професионална размена на искуства заради остварување на заеднички цели. Во таа насока, состанокот се заокружи со потпишување на Меморандум за соработка помеѓу двете страни со кој се официјализираше соработоката помеѓу Економскиот факултет – Скопје и Кроација осигурување АД, Друштво за неживотно осигурување Скопје.
Со ова, двете институции се согласија да соработуваат во реализација на широк спектар на активности и иницијативи од взаемен интерес за едукација и подобрување на знаењето и стручноста преку најразлични активности и проекти од взаемен и општествен интерес, реализирање на практична настава за студентите од Факултетот, презентирање на практични проблеми, решенија, предизвици и можности за студентите на Факултетот, организирање работилници и конференции, и други активности.
За време на посетата, генералниот директор, г-дин Александар Манев и останатите претставници, во придружба на деканот и продеканите на Економскиот факултет – Скопје, ги разгледаа капацитетите со кои располага Економскиот факултет – Скопје.
ПР