Македонија
(Видео) Анастасова: Градоначалникот се обиде да нè замолчи со „затворете ја веќе устата“
Со зборовите „затворете ја веќе устата” градоначалникот на општина Гази Баба, Борис Георгиевски, се обратил на претставничката на граѓанската „О2 иницијатива“ додека траела дебатата во општината во која невладините, граѓански организации бараат повлекување на огласот со кој во период од 99 години ќе биде дадено земјиштето на користење за тешка индустрија. Активистите реагираа на социјалните мрежи, а Георгиевски на својата фејсбук-страница напиша дека бил погрешно разбран и дека неговата добра намера за конструктивна дебата и наоѓање заедничко решение со „О2 коалицијата“, која побарала стопирање и поништување на јавниот оглас за давање земјиште на под закуп во делот на Железара, за детално објаснување на нејаснотиите, се претворила во напад против него.
Сепак, во негово име се извинила една од советничките, а за севкупната атмосфера на дебатата, за вербалниот инцидент, во „Макфакс“ зборувавме со Жаклина Мијалковиќ-Анастасова, активистка од граѓанската асоцијација „Го сакам Водно“.
Според неа, градоначалникот на дебатата често ги премолчувал прашањата што му ги поставувале активистите.
„Зачудувачки е градоначалникот да не знае за каква тешка индустрија станува збор или, пак, кому тоа земјиште ќе биде отстапено на цели 99 години. Ние зборувавме за здравјето на граѓаните и за чистиот воздух, а тој зборуваза бенефитот од вработувањата што би ги имале од таа индустрија. Најпрво рече дека ќе поминува некаква железничка пруга па потоа дека ќе се прави фабрика за производство на делови за железница. Кога една од активистките што бевме таму му постави сосема разумно прашање и изрази загриженост за штетите по загадувањето од оваа одлука, тој ѝ рече да ја затвори устата. Таа го праша дали навистина така рече и така мисли, на што тој потврдно одговори и не се извини. Во негово име неколкупати се извини една од советничките што беше присутна на дебатата“, вели Мијалковиќ-Анастасова.
Активистите од коалицијата за чист воздух „О2 иницијатива“ пак, на својата страница напишаа „ваква ароганција, агресија и подсмевање во комуникацијата со граѓаните, особено кон жени, во повеќегодишната активност во борбата за животна средина, до сега не сме посведочиле“.
Инаку, општиот заклучок е дека кај градоначалникот Борче Георгиевски не постои ниту желба, ниту намера за конструктивна дебата и наоѓање заедничко решение.
„Во текот на вчерашната дебата, тој ја потврди намерата да го спроведе јавниот повик и јавното наддавање закажано за 7 декември, доколку има пријавени заинтересирани компании до 5 декември. Градоначалникот не беше заинтересиран ниту за аргументи, ниту за законските пропусти кои неговата општина ги направила при донесување на ДУП-от во чии рамки е градеженото земјиште кое сака да го издаде на 99 години, и за кои пропусти поднесовме иницијатива пред Уставниот суд. Советниците имаа многу повеќе аргументи и очигледно зборуваа компетентно за темата , но градоначалникот беше исклучив и рече дека решението е донесено“, вели Мијалковиќ-Анастасова.
Борбата за чист воздух, според неа, ќе продолжи и со иницијативите за стопирање на изградбата на гасоводот што поминува низ Водно, и дека како трет најзагаден град во светот прашањата врзани за квалитетот на воздухот и за загадувачите треба да бидат приоритет на нашата држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Македонија
Пендаровски победи во три општини, а Таварари и Димитриевски само во општините кадешто се градоначалници
Кандидатите за претседател, Гордана Силјановска Давкова и Бујар Османи освоија најмногу гласови на претседателските избори по број на општини.
Според податоците на ДИК, Давкова на вчерашниот прв круг победи во 60 општини, а Османи во 15. Понатаму, Пендарвски освои најмногу гласови во три општини, а Арбен Таравари и Максим Димитриевски имаат победа во по една општина.
Со тоа, Силајовска има најмногу освоени гласови во Аеродром (51,48 %), Берово (54,92 %), Битола (48,44%), Богданци (49,59 %), Босилево (57,61 %), Брвеница (33,54 %), Бутел (43,91%), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77%), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),
Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).
Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)
Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).
Македонија
Македонскиот концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.