Македонија
(Видео) Арсова: Кога се искачив на највисокиот врв на Антарктикот, температурата беше -40 степени
Алпинистката Илина Арсова на 27 декември го освои врвот Винсон на Антарктикот и со тоа стана првата Македонка што ги искачила седумте највисоки врвови на седумте континенти.
Врвот Винсон е последниот од седумте највисоки врвови што Арсова ги освоила: Аконкагва во Јужна Америка, Килиманџаро во Африка, Еверест во Азија, Елбрус во Европа, Денали во Северна Америка, Пунџак Џаја во Австралија и Океанија.
Со овој подвиг таа официјално стана вториот човек од Македонија што ги освоил седумте врвови по докторот Сашко Кедев, кој тоа го направи пред десетина години, а е трета што го посетила Антарктикот по Кедев и Јовица Угриновски.
Арсова вели дека е прекрасно што исполнувајќи ја таа своја лична цел, успела целата држава да се гордее со неа.
Антарктикот е најстудениот континент, па затоа таа за овој подвиг се подготвувала психички и физички – од март до ноември пливала во Охридското Езеро.
Таа во минатото кога искачувала врвови во екстремно ниски температури, добивала смрзнатини на лицето и прстите, но тоа овој пат не ѝ се случило.
Додека била на Антарктикот, температурата паѓала до минус 18 внатре во шаторите, а на врвот Винсон, според Арсова, температурата изнесувала минус 40 степени.
Експедицијата во која учествувала Арсова броела четворица алпинисти и еден водич.
Арсова, освен што е ликовен уметник и алпинист, е и активист за заштита на животната средина, па затоа истакна дека Антарктикот е најчистото место на планетата, каде што владеат строги правила за одржување на животната средина.
Таму зад себе не смее да се остави никаков смет, па затоа учесниците на експедицијата својот измет си го чувале во кеси и го вратиле назад во авионот за Чиле.
Арсова во 2013 година стана првата Македонка што го освоила Монт Еверест.
Искра Манојлоска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.