Македонија
(Видео) Арсовски: Кичевски членови на СДСМ преку ЕЛЕМ добиваат над милион и пол денари месечно
Заев го урнисува државниот систем. Паралелно додека ги распродава националните и државните интереси, грубо ја партизира државата, обвини денеска на прес-конференција портпаролот на ВМРО-ДПМНЕ, Димче Арсовски.
Како што истакна партискиот портпарол, Зоран Заев е човекот кој ја заробил Република Македонија.
„Вчера објавивме скандал каде јасно се гледа дека Заев преку кафеанските списоци на СДСМ вработил 46 луѓе од СДСМ од Кичево во државната институција ЕЛЕМ односно во РЕК Осломеј. Луѓето од списоците за вработување во РЕК Осломеј составени на 7-ми април, веќе се на своите позиции и земаат плата на грбот на граѓаните. Секој месец граѓаните ги исплаќаат партиските членови на СДСМ, на кои Заев им должи од пред изборите“, обвини Арсовски.
Тој јавно запраша дали РЕК Осломеј и ЕЛЕМ за овие 46 партиски вработувања месечно исплаќаат 1.815.076 денари.
„Дали секој месец граѓаните кои Зоран Заев и СДСМ ги уништија и ги фрлија во сиромаштија, плаќаат од нивниот џеб 1.815.076 денари за плати на овие луѓе кои се вработувани директно од кафеаните низ Кичево. Ова ли е животот кој што го ветуваа СДСМ пред изборите“, праша портпаролот на опозициската партија, кој повика СДСМ и Зоран Заев да не ги избегнуваат одговорите.
„Очигледно живот дојде само за членовите на СДСМ. Очигледно во Владата на Заев не е потребна никаква професионалност, никакво образование и искуство за да бидеш вработен било каде. Впрочем таквите примери се неговите советници кои исто така живеат на грбот на граѓаните и земаат огромни паушали. Наместо 500 евра плата за сите граѓани, наместо 100.000 денари плата за докторите, наместо живот за сите како што ветуваа, СДСМ вработува само членови и луѓе на кои што им должи од пред изборите“, заклучи Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: Во програмата „Платформа 1198“ за Битола предвидено е изградба на обиколница што ќе ја поврзува со Грција
Битола и битолчани ќе бидат во фокусот на идната влада предводена од ВМРО-ДПМНЕ.
За Битола се предвидени многу инфраструктурни проекти. Во новата програма „Платформа 1198“ за Битола е предвидено да се изгради обиколница што ќе ја поврзува со Грција. Предвидено е да се изгради автопат кој што ќе поврзува Битола со Прилеп, а исто така предвидено е да се изгради патот Градско-Прилеп, со тоа што Битола ќе биде поврзана инфраструктурно и ќе има добра можност за економски развој, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Исто така, додаде Сајкоски, предвидено е реконструкција и рехабилитација на патот Кичево-Охрид, подобрување на патната инфраструктура кон Ресен, а во програмата на ВМРО-ДПМНЕ „Платформа 1198“ предвидено е подобрување на железничката инфраструктура.
Како што рече Сајкоски, со ова, Битола ќе добие можност за економски раст и развој, можност за подобра иднина на сите, и за младите и за возрасните.
– Битола ќе го добие процутот онаков каков што треба да го има низ годините. Битола ќе биде економски центар во регионот, рече Сајкоски.
Македонија
Ковачки: Со Платформата 1198 ќе го развиваме истокот на Македонија, изградба на Клиничката болница и обиколница во Штип како и поврзување со Струмица
Полека се враќа ентузијазмот кај нашите граѓани, сите се приклучуваат на идејата за Твоја Македонија и сите ни се приклучуваат на ВМРО-ДПМНЕ. Со Платформата 1198 планираме да го развиваме истокот на Република Македонија, планираме изградба на Клиничката болница во Штип, планираме обиколница околу нашиот Штип и секако планираме физибилити студија, изработка на проект за поврзување на Штип со Струмица. Како што работи успешно нашиот градоначалник во Штип, така планираме да работиме и ние на централно ниво, рече Драган Ковачки, член на ИК на ВМРО-ДПМНЕ и носител на Изборна единица 3.
– Ги повикувам сите граѓани масовно да ни се приклучат на 24 април да го дадат својот глас за број 2 за Гордана Силјановска Давкова да биде претседател на Македонија, а потоа на 8 мај за Христијан Мицкоски и во Изборна единица 3 да освоиме една голема победа за ВМРО-ДПМНЕ и за Република Македонија, рече Ковачки на средба со граѓаните.
Македонија
ДУИ: Мицкоски сака враќање на државата пред 2001 година, Македонија без Албанци
Мицкоски и ВМРО јавно бараат Македонија без Албанци. Тој дури отворено ги повикува сите Македонци да се обединат против Али Ахмети и ДУИ, се вели во партиското соопштение од ДУИ.
– Мицковски на митингот во Кратово побара обединување на сите Македонци за Албанците да не добијат ниту еден пратеник во третата изборна зона. Вокабуларот на Мицкоски не е само против Договорот од Преспа и Договорот за добрососедство со Бугарија, туку и против Охридскиот рамковен договор, барајќи конкретно враќање на државата пред 23 години, се вели во соопштението.
Во соопштението се додава дека „ДУИ и Европскиот фронт изразуваат длабока загриженост за националистичкиот и антиевропскиот речник на ВРМО, кој чувствувајќи го поразот на 24 април и 8 мај, поттикнува меѓуетничка и антиевропска омраза во Северна Македонија“.
Исто така, тие ја повикаа албанската опозиција „да се вразуми и да не стане алатка на руската агенда што ја прокламира ВМРО и нивните гласноговорници“.