Македонија
(Видео) Арсовски: Молкот на СДСМ за Јованоски од Прилеп е потврда за криминалот што го сторил
И самата партија и раководството на СДСМ се свесни дека имало сериозни криминалии помеѓу нивните градоначалници и нивните функционери. Свесни биле и тогаш кога градоначалниците правеле криминал и имале аминување од нивна страна за криминалот, но најинтересно во моментот е што гледаме дека нема никаква реакција од СДСМ за сите наши тврдења и докази што ги изнесуваме во јавност за криминалот што го правеле нивните градоначалници, туку, напротив, или ги оставаат сами да се бранат или воопшто не ги ни бранат. Ниту збор не кажаа да демантираат, ги пуштија низ вода нивните кадри, кои правеа криминал за нив и сега воопшто не им е гајле за нивните поранешни градоначалници, изјави на денешната прес конференција Димче Арсовски, портпарол на ВМРО-ДПМНЕ.
Арсовски истакна дека вчера обелодениле дека Илија Јованоски, градоначалникот на Прилеп, наместо да прогласи за ништовно решение за градба во Прилеп, тој направил кривично дело и практично аминувал да се изгради на истото место дивоградба по промена на инвеститорот.
Се работи за станбено-деловна зграда, која, според одобрение од 2005 година, требало да се почне со градба за 6 месеци, не се почнало и на сомнителен начин било одземено одобрението и незаконски е сменет инвеститорот.
Оттука, новиот инвеститор што доаѓа си продолжува да гради со амин на Илија Јовановски на истото место, кој, нормално, неколкупати тековно го крши законот, а градежните инспектори од Општината установиле кај новиот инвеститор со записник дека градбата е нелегална, односно надвор од проектот што е првично поднесен за таа станбено-деловна зграда.
Ова кривично дело на злоупотреба на службена должност е повеќе од евидентно.
Арсовски додава дека СДСМ повеќе од 5 години владее на принцип на криминал, корупција и работи единствено за свој личен интерес, а не за интерес на граѓаните.
Кадрите на СДСМ работат единствено по словото на криминалот и корупцијата и работат за нивниот личен интерес и личен џеб. Повторно ќе потенцирам, не за интересот на граѓаните.
ВМРО-ДПМНЕ уште еднаш јавно упатува апел до Јавното обвинителство и до антикорупциската да не спијат бидејќи со штитењето на криминалот тие се соучесници во него.
Државата е поважна од СДСМ бидејќи тие земаат плата од граѓаните, а не од СДСМ, кој покажа и докажа дека е криминална партија, изјави Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК објави упатство за гласање на претседателските избори
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство за гласање.
УПАТСТВО ЗА ГЛАСАЊЕ ЗА ПРЕТСЕДАТЕЛСКИ ИЗБОРИ
1. Гласањето се врши лично на гласачките места во Република Северна Македонија и во ДКП/КК.
2. Избирачкиот одбор на гласачите им го објаснува начинот на гласање и им овозможува да гласаат.
3. Гласачот може само еднаш да се појави на гласачкото место за остварување на своето избирачко право.
4. Гласачот го приложува документот за лична идентификација – важечка лична карта или патна исправа, односно лична
карта или патна исправа чија важност истекла во периодот од 24 јули 2023 до 24 април 2024 година.
5. Гласачот става отпечаток од показалецот од десната рака на уредот за биометриска идентификација, а доколку
гласачот нема десен показалец се зема отпечаток од показалецот од левата рака или во случај на гласачот да му
недостигаат овие два прста се зема отпечаток од наредниот прст од десната рака.
6. Доколку гласачот нема две раце гласачот се внесува во техничката опрема со пребарување преку неговиот единствен
матичен број (ЕМБГ).
7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во
електронскиот избирачки список, гласачот се внесува во УБИГ преку отчитување на личниот документ на МРЗ скенерот
или преку внесување на единствениот матичен број (ЕМБГ), а потоа гласачот става отпечаток од прст на УБИГ.
8. По потврдувањето на идентитетот, гласачот го става својот потпис во изводот од Избирачкиот список.
9. Гласачкото ливче се откинува од кочанот по нумерички редослед, му задолжително се става печат на предната страна
на местото определено за печат и потоа му се дава на гласачот.
10. Гласачот добива едно гласачко ливче.
11. Гласачот гласа сам, тајно зад гласачки параван.
12. Гласачот гласањето го врши на тој начин што го заокружува редниот број пред називот/името на листата со хемиско
пенкало со мастило во сина боја.
13. Превитканото гласачко ливче гласачот го става во гласачката кутија.
14. Гласачот го подигнува документот за лична идентификација.
15. Гласач кој има физички недостаток или е неписмен и поради тоа не може да гласа на начин утврден со Изборниот
законик, со себе има право да доведе лице кое ќе му помогне при гласањето. Ако не доведе со себе лице кое ќе му
помогне при гласањето, тогаш избирачкиот одбор ќе определи друго лице од редот на гласачите. Лицето не смее да
влијае врз одлуката на гласачот.
16. Забрането е семејното и групното гласање, како и гласањето за друго лице.
17. Забрането е фотографирање на гласачкото ливче со мобилен телефон или апарат за фотографирање.
18. Забрането е носење оружје на гласачкото место.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.