Македонија
(Видео) Арсовски: Ниту Заев ниту брат му не ги негира обвинувањата за рекет на бизнисменот Тошевски
Да бевме правна држава, а не сме, тоа секој го гледа, Обвинителството уште кога се емитуваше јавната емисија на еден национален медиум, требаше по допрен глас да отвори случај за индициите дека Вице Заев, братот на премиерот Зоран Заев, вршел рекет врз бизнисменот Киро Тошевски, кој јавно тоа го кажа, изјави портпаролот на ВМРО-ДПМНЕ, Димче Арсовски.
„Јавното признание што беше посочено од страна на бизнисменот Тошевски во петокот на еден национален медиум говори дека тој лично бил цел на закани, уцени и навреди од страна на братот на премиерот, Вице Заев, со цел да му се обезвредни атрактивен имот и тој да биде купен за мала цена. Беше посочено дека бил повикуван на разговори во еден струмички угостителски објект, а дополнително му се јавил и самиот Зоран Заев. Ова е крајно скандалозно.
Бизнисменот говори дека со административни постапки во Општина Гази Баба, чиј градоначалник е од редовите на СДСМ, му бил континуирано обезвреднуван имотот со крајна цел тој да заврши во рацете на Заеви. Овие индиции ниту Зоран Заев ниту Вице Заев, ниту кој било друг повикан досега, не ги негира јавно, како што беа изнесени јавно. Се обидуваат ваков скандал да го скријат под тепих, како и многу други досега.
Да биде скандалот поголем, во емисијата беше посочено дека постои спрега помеѓу директорот на финансиската полиција, Муареми, фамилијата Заеви, Кирацовски, но и веќе обвинетите Катица Јанева и Боки 13, со што се врши притисок врз неколку бизнисмени во Република Македонија, состојба од која некој има дебела финансиска корист.
Кога ќе отворат истрага од Обвинителството на Јовевски за овој случај по допрен глас? Кога ќе ги повикаат сите инволвирани во овој случај на „Рекет“ да дадат своја изјава и да се доведе целиот случај до самиот крај?
Ова е веќе нов аспект на случајот „Рекет“, кој има свое продолжение во вид на урбанистички рекет, за што постојат и сериозни индиции и сериозни сомнежи, но и јавни наводи од страна на жртва. Обвинителството за ова молчи исто како што молчеше и за случајот „Рекет“ сè дури не излегоа доказите во медиумите.
Зоран Заев, по сè изгледа, е дебело загазен во криминалите што ги правеле Боки 13, Катица Јанева, но и со новите ликови од неговото блиско опкружување, со кои се шират приказните.
Криминалниот октопод, ако не сака ова Обвинителство на Русковска и Јовевски да го разобличи, ќе биде разобличено по 12 април кога ќе заврши политичкиот притисок што го врши Заев врз правосудството“, рече Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.