Македонија
(Видео) Арсовски: Ќе си даде ли Заев оставка сега кога ќе ги изгуби изборите?
Портпаролот на ВМРО-ДПМНЕ, Димче Арсовски, на прес-конференција го повика Зоран Заев да излезе на понудената можност за дебата на телевизијата „Алфа“. Тој го праша Заев да одговори дали на 12 април, кога, како што рече, ќе ги изгуби изборите, ќе поднесе оставка.
„Заев е еден истрошен политичар. Свесен е дека рејтингот му е во слободен пад и затоа избегнува лидерско соочување со претседателот на ВМРО-ДПМНЕ, Христијан Мицкоски. На секое соочување јавноста има можност да види колку Заев е инфериорен или, пак, да чуе некоја негова нова лага.
Затоа, го повикуваме да се охрабри и да излезе на понудената можност за дебата на телевизијата „Алфа“, која е една од 5-те национални телевизии. Тоа што бега не значи дека ќе успее да побегне од судот на граѓаните кој му следува на 12 април. Јавно прашуваме – она што ги интересира граѓаните, но и сите нас, тоа е веднаш да одговори Зоран Заев дали сега на 12 април, кога ќе ги изгуби изборите, ќе си поднесе оставка?
И ако каже дека ќе си поднесе оставка, очекуваме барем еднаш, барем овој пат да си додржи до зборот и на тој начин да го ослободи СДСМ, но и Република Македонија, од своето штетно политичко дејствување. Доволно граѓаните се заложници на лудоста, криминалот, лицемерството, лагите и коруптивноста на Зоран Заев и неговата криминогена фамилија“, рече Арсовски.
Во врска со отфрлената кривична пријава што ја поднесе ВМРО-ДПМНЕ за нерегуларностите на референдумот во 2018 година, Арсовски вели дека тоа е уште еден показател и доказ дека Зоран Заев управува со правосудните органи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.