Македонија
(Видео) Бачев во Прилеп: Време е да се ослободиме од двете партии кои 30 години ја растураат државата
Нашата програма предвидува десет стратешки определби со кои што си ја враќаме државата назад, рече во Прилеп, лидерот на Единствена Македонија, Јанко Бачев.
„Се заветуваме дека нема да отстапиме од овие определби, да ги поништиме антимакедонските договори со Грција со кои се брише името, идентитетот, историјата на македонскиот народ, поништување на договорот со Бугарија со кој се бришат Македонците во Пиринска Македонија, поништување на законот за двојазичност, Македонија национална држава на македонскиот народ со гарантирана положба на сите малцинства. Службен јазик македонскиот и неговото кирилско писмо“, објасни Бачев дел од програмските опредлби на неговата партија која е дел од коалицијата „Никогаш северна, само Македонија“.
Исто така Бачев кажа дека веќе неодложно е спроведувањето на реален попис.
„Мора најпосле да се преброиме и да ја видиме реалната бројка на населението, бидејќи пописот од 2002 ге фалсификуван и со тој попис албанците лажно беа прикажани дека се 25,17 отсто“, рече претседателот на Единствена Македонија.
Во однос на економијата кажа дека генерална определба е ревизија и одземање на украденото во криминалната приватизација и пост приватизација.
„30 години имаме две партии ДПМНЕ и СДС кои што само крадат, лажат и ја растураат државата. Во суштина тоа не се две партии, тоа е една партија ‘Погреб за Македонија’ која што работи на уништување на државата. Затоа народот мора да одговори“, порача Бачев.
Додаде дека на 15 јули ќе победи народот и ги повика прилепчани да ја поддржат коалицијата „Никогаш северна, само Македонија” предводена од неговата партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.