Македонија
(Видео) Васев: Мицкоски да ги осуди протестите каде лекарите се нарекуваа „убијци“
Од ВМРО-ДПМНЕ и од Христијан Мицкоски во текот на целата пандемија со коронавирусот видовме само деструктивно, неодговорно однесување, прекршување на мерките, опструкции и поткопување на здравствениот систем, oбвини Стефан Васев од СДСМ.
„ВМРО-ДПМНЕ и Мицкоски наместо почитување на мерките, поддржуваа протести на кои здравствените работници, се наречени ‘убијци’.
Дали за Мицкоски убијци се докторите и медицинскиот персонал кои го лекуваа додека беше заразен со коронавирусот?
Дали за ВМРО-ДПМНЕ убијци се оние кои повеќе од 18 месеци пожртвувано се борат во првата линија против коронавирусот?
Го повикуваме Мицкоски да престане со лицемерно и неодговорно однесување, да ги осуди овие срамни и навредливи протести, да се огради од нив и да почне да се бори против коронавирусот, кој се победува со вакцинација.
А, сега откако мерките го предомислија антиваксерот Мицкоски да се вакцинира, редно е да ги повика и граѓаните на масовна имунизација.
Остана и неодговорено прашањето кога Мицкоски, кој се чувствувал ‘лимитиран’, ја примил вакцината, дали на почетокот на август, кога објави на фејсбук или на 31 август, кога кажа на телевизија.
Не е ништо необично за Мицкоски, политичарот без став, да се изгуби во сопствените лаги, да шири невистини.
Додека Мицкоски се однесува незрело и неодговорно и претставува опасност за здравјето на граѓаните одново ќе биде поразен на локалните избори“, изјави Васев од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Максим Димитриевски: Народот одлучува за иднината на Македонија
Народот одлучува за иднината на Македонија, порача кандидатот за претседател, Максим Димитриевски по гласањето.
„Jас го остварив своето право и гласав. Народот одлучува за иднината на Македонија! Посакувам демократски избори и можност граѓаните самостојно да одлучат!“, рече Димитриевски, споделувајќи фотографии од гласањето.
Македонија
Силјановска: Дојде време, дојде час, да си замине оваа власт
Дојде време, дојде час, да си замине оваа власт, порача кандидатката за претседател, Гордана Силјановска Давкова по гласањето во првиот круг од претседателските избори.
„Јас никогаш не агитирам за себе, граѓаните знаат за кого да гласаат, знаат да си го искористат избирачкото право. Генерации гинеле за негово користење! Споредете и направете го вистинскиот избор!“, додаде таа.
Македонија
(Видео) Османи: Овие избори се одлучувачки, граѓаните имаат две опции
Кандидатот за претседател Бујар Османи посака изборите да бидат слободни, фер и демократски.
„Граѓаните да излезат, масовно да гласаат, да гласаат според своето убедување, со цел и надеж за подобри денови на нашата држава во големата европска фамилија. Овие избори не се обични избори, туку се одлучувачки избори по однос на иднината на државата. Граѓаните се исправени пред две опции – изолација или интеграција, очекувам да ја донесат правата одлука“, кажа Османи.