Македонија
(Видео) Журки со преполни локали ширум Македонија, казните не ги прекинуваат забавите
Викендов се случуваа ноќни забави на кои видливо се кршат протоколите за заштита од коронавирусот.
Забава до доцна во ноќта синоќа се случуваше во струмичкиот клуб „Аватар“, каде настапи српскиот пејач Девито. Капацитетите на објектот беа исполнети, а меѓу младите немаше дистанца.
Инспекторите на пазарната инспекција влегоа во струмичкиот клуб. Тие досега поднеле две кривични пријави, од кои, за едната има и пресуда од суд и е платена.
Забави во сред пандемија и пораст на бројот на заболени се организираат и во Битола. Со клубски светла и разиграни гости на трубофолк музика, помина вчерашната вечер во угостителскиот објект „Император“. И тука, интервенирал Пазарниот инспекторат, кој затекнал прекршување на протоколите.
Инспекторите ќе поднесат кривична пријава и против овој клуб, а судот ќе треба да одлучи колкава казна ќе треба да плати.
Клубот „Мош“ продолжи со забавите, каде две вечери по ред настапуваше пејачот Владо Георгиев, а протоколите не се почитуваа.
Претходно, од Пазарниот инспекторат најавија затворање на објектот поради пречекорување на работното време, но подоцна стана извесно дека локалот ќе биде затворен идната недела оти инспекторката која го работела предметот е во изолација.
Директорот на пазарниот инспекторат рече дека против овој скопски локал кривична пријава била поднесена уште минатата недела, а сега, на два пати, се воочени прекршувања на протоколите.
„Колку и да ги казнуваме операторите, тие ќе ја платат казната. Кога одат инспекторите им велат: ‘Треба да бидете седнати, не станати’, на што добиваат одговор: ‘Ти ќе ми кажеш мене, еве го столчето до мене, јас ќе си играм’. Тоа е крајно несвесно и некоректно. Операторите ги казнуваме и со по 4 илјади евра, но, некаде и кривичните пријави не помагаат. Јас не знам како им се исплаќа“, изјави вчера Пауновски.
Забава со преполн локал имаше и во Центарот на Скопје, во „Гнездо“ на Улица Македонија. Присутните се забавуваа до доцна во ноќта. Инспекторите интервенираа навремено, но казната не ја прекина забавата. Директорот Пауновски истакна дека за овој случај направен е записник за непочитување на протоколите.
Забавите се случуваат во време кога во Македонија два дена по ред се бележат рекордни бројки на новозаразени со коронавирус. Вчера, најмногу новозаразени имаше во Скопје (98) и во Струмица (21).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.