Македонија
(Видео) Заев: Договорот од Преспа е нужен влог за децата да ни живеат подобро
Премиерот Зоран Заев, денеска се обрати пред македонската јавност за ратификацијата на Договорот од Преспа кој вчера беше прифатен со потребното мнозинство во грчкиот парламент.
Својата изјава за овој настан, Заев ја даде на трибината со граѓаните на Велес со наслов „Силна економија – шанса со сите“, на која заедно со вицепремиерот задолжен за економски прашања, Кочо Анѓушев, ги презентираа економските политики за 2019 година.
„Почитувани граѓани, вие, заедно со граѓаните на нашиот пријател, Грција, со право можете да бидете горди. Вие сте генерацијата која стави крај на една епизода од незавршениот мир на Балканот“, рече Заев во обраќањето пред присутните.
Премиерот посочи дека со Договорот од Преспа, победници се граѓаните на двете земји, но и граѓаните од целиот регион.
„Победници се и оние кои се противеа на Договорот, бидејќи и за нив доаѓа време на просперитет, мир и пријателство, исто како и за прогресивните припадници на народите на двете земји.
Со гордост и со благодарност му честитам на мојот пријател, премиерот Алексис Ципрас, за победничкото гласање во парламентот за Преспанскиот договор“, порача Заев.
Тој упати и благодарност до членовите на парламентите на двете земји.
„Благодарност за сите храбри жени и мажи кои избраа заеднички да го дадат својот глас со кој победува иднината, глас со кој се стави крај на стравот којшто ни го прикажуваа како несовладлив. Разрешивме спор кој ни го прикажуваа како нерешлив“, рече премиерот.
Заев Договорот го оцени како нужен влог за децата и граѓаните да живеат подобро.
„Храбрите граѓани избраа да ги отфрлат сеништата од минатото, и на светот да му дадат Балкан од кој извираат можности и политичка стабилност, место со поврзани соседи и пријателство, зона на економски процут, модел за интеграција. На Европа и на светот им треба стабилност и соработка за решавање на глобалните проблеми кои се и наши проблеми. Еве ме, штотуку вратен од Давос, Швајцарија, каде заедно со вицепремиерот за економски прашања Анѓушев и со министерот за економија Бектеши, бевме да ги мотивираме инвеститорите на најголемиот Светски економски форум и да потврдиме дека сме подготвени за глобалниот демократски и економски свет“, истакна премиерот и додаде дека сите веќе знаат оти Република Македонија е фактор на стабилност и безбедност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.