Македонија
(Видео) Заев- Мускат: Малта целосна ја поддржува Република Македонија во евро-интегративните процеси
Премиерот Зоран Заев се сретна со премиерот на Малта, Џозеф Мускат во палатата Кастиља, каде ги информираше домаќините за интересот на Република Македонија да отвори можност за конзуларни услуги во Валета со цел да им се олесни комуникацијата на големиот број граѓани на Македонија кои работат во Малта.
Пренесен е и ставот на македонската влада доколку после извесен период работата на конзуларното претставништво добие на интензитет, истото да прерасне во генерален конзулат.
Заев беше придружуван од Министерот за здравство Венко Филипче, од државниот секретар во МНР Виктор Димовски, како и од Посебниот советник за надворешна политика Дане Талески.
Во делегацијата на премиерот Џозеф Мускат на средбите беа присутни и Крис Ферни, Заменик претседател на влада и министер за здравство, Хелена Дали, Министер за европски прашања и еднаквост, како и Министерката за надворешни работи и трговија, Хон КАрмело Абела.
По завршувањето на билатералната среба, премиерите Заев и Мускат потпишаа Договор за заемно признавање на дипломите и сертификатите од високото образование меѓу Република Малта и Република Македонија.
Државниот секретар на Министерството за надворешни работи, Виктор Димовски и неговите колеги Антони Вела од Министерството за образование и Фиона Формоса од Министерството за надворешни работи на Малта, ги потпишаа документите Рамката за билатерална соработка помеѓу Република Македонија и Малта, како и Меморандум за разбирање за заемна соработка меѓу Медитеранската академија за дипломатски студии при Универзитетот на Малта и Директоратот на дипломатската академија на Министерството за надворешни работи на Република Македонија.
Владата на Малта како земја членка на Европската унија изрази целосна подршка за Република Македонија во насока на забрзување на евро-интегративните процеси, потенцирајќи го значењето на реформите кои ги спроведе владата во последната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: седум имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.