Контакт

Македонија

(Видео) Заев се обрати на дијалогот на лидерите: Интензивно сме посветени на подготовките за членство во ЕУ

Објавено пред

Заев се обрати на дијалогот на лидерите на самитот за целите за одржлив развој: Наша примарна одговорност е да го обезбедиме својот пат за остварување на целите за одржлив развој

dobivaj vesti na viber

Премиерот Зоран Заев денеска се обрати на дијалогот на лидерите во рамките на форумот на највисоко ниво на самитот за целите за одржлив развој како дел од програмата на 74-тото Генерално собрание на ОН. Во своето обраќање премиерот Заев потенцира дека усвојувањето и имплементацијата на универзалната и трансформативна агенда за одржлив развој е од исклучително значење во свет на промени толку длабоки и брзи што ниту една земја не може да застане сама.

„Агендата за одржлив развој од 2030 година го препознава ова и обезбедува корисна универзална рамка за зајакнување на колективното дејствување кон заедничките цели и предизвици. Заедничкиот просперитет и исполнувањето на нашите меѓугенерациски одговорности може да се постигне само преку заедничко партнерство, кое ги вклучува сите земји и сите засегнати страни“, истакна Заев во својот говор посветен на целите за одржлив развој 2030 на Обединетите нации и го информира форумот на кој присуствуваа голем број шефови на влади и лидери дека Владата преку националниот совет за одржлив развој ја потврди заложбата за спроведување на агендата на Обединетите нации 2030 и ја истакна важноста на доследна интеграција на целите за одржлив развој во националните стратешки документи и локалните планови.

Премиерот Заев во обраќањето ги запозна лидерите на форумот дека Владата за периодот 2018-2020 година идентификува пет приоритетни цели за одржлив развој: SDG 1 – без сиромаштија, SDG4 – квалитетно образование, SDG8 – пристојна работа и економски раст, SDG 13 – климатска акција и SDG16 – силни институции за мир и правда, кои истовремено се и приоритетните активности и мерки дефинирани во програмата на Владата.

Тој нагласи дека во наредниот период Република Северна Македонија ќе биде интензивно посветена на процесот за пристапување во членство во ЕУ и со оглед дека агендата 2030 за целите за одржлив развој е во иста насока, тоа претставува одлична можност да ги разгледаме нашите тековни стратешки документи, програми, за да создадеме здрави јавни политики за нивно ефикасно спроведување во иднина и за реализација на целите за одржлив развој.

Дека дел од целите за одржлив развој веќе се имплементира во дел од политиките на Владата, премиерот Заев посочи на мерките и реформите со кои директно ги враќаме буџетските пари на нашите граѓани и со тоа се намалува нееднаквоста и им се помага на оние на кои им е најпотребна финансиска помош.

„Да се намали нееднаквоста и да не оставиме ниту еден зад нас, е врвниот принцип на Владата и на Министерството за труд и социјална политика. Успешното спроведување на социјалните реформи овозможи дури 30.000 домаќинства или околу 120.000 граѓани да добиваат социјална помош повисока во просек 300 отсто во однос на 2016 година. Поддршката за младите е еден од нашите приоритети како земја. Обезбедување поволни услови за надградба, развој и вработување на младите се видливи преку нашиот оперативен план за вработување. Владата обезбеди 17,9 милиони евра за оваа година и тоа е најголема сума досега, трипати поголема во однос на 2014 година, издвоена за мерките за вработување на младите“, рече Заев. Според него, Република Северна Македонија е единствената земја што не е членка на ЕУ и воведе гаранција за младите. Оваа мерка е дел од европските политики и има цел да им обезбеди на младите луѓе во рок од четири месеци од датумот на регистрација во Агенцијата за вработување квалитетна понуда за вработување, континуирано образование и обука или стажирање.

Тој ги запозна присутните на лидерскиот дијалог за создавање нови работни места заедно со работодавците со мерките за поттикнување на развојот и иновациите на микро, малите и средните компании за да се создадат подобро платени работни места.

„Ние како Влада веруваме дека инвестирањето во компании за иновации и стартап-компании ќе ги задржи младите луѓе во земјата и ќе ја намали економската миграција. Со цел да ја демонстрираме нашата јасна политика и подготвеност да ги следиме идеите на младите луѓе во развојот на нивниот бизнис, заедно со поддршка на Светската банка го зголемивме 7 пати портфолиото на Фондот за иновации и технолошки развој со сума од 39 милиони евра“, истакна Заев.

Премиерот информира дека во согласност со SDG13 правиме напори да спроведеме мерки што ги поддржуваат зелените работни места и имплементацијата за енергетска ефикасност во зградите и снабдувањето со ниска количина јаглерод.

„Владата ја заврши подготовката за вклучување во Зелениот климатски фонд и ќе го развие проектот за гасовод, кој ќе биде аплициран за поддршка од Фондот. Тоа произлегува и од нашата примарна одговорност да го обезбедиме својот пат за остварување на целите за одржлив развој. Република Северна Македонија ја потврдува својата заложба за спроведување на агендата за 2030 година и во таа насока јавните финансии, како домашни така и меѓународни, добро координираната донаторска помош, ќе играат клучна улога во обезбедувањето на основните услуги и јавните добра за да ја овозможат имплементација на целите“, речеЗаев.

Во завршницата на своето обраќање тој потсети дека остварувањето на глобалните цели за одржлив развој се заедничка визија на светот и заслужуваат да го забрзаме нивното спроведување. „Агендата 2030 е наше ветување пред нашите деца и млади денес, дека тие ќе го постигнат својот целосен човечки потенцијал и ќе го носат факелот за одржлив развој за идната генерација. Наша е решеност е да одиме напред зашто секој придонес инспирира надеж“, нагласи Заев.

Македонија

„Вреди“: ДУИ во Руско сценарио бара лек за изборниот пораз

Објавено пред

Навреме предупредивме дека очајниот ДУИ смислил сценарио за предизвикување политичка криза после првиот круг на претседателските избори со цел да избегне чесно признавање на извесниот пораз. Нивен сон е техничката Влада на Талат Џафери да опстои повеќе од предвидените 100 дена, велат од коалицијата „Вреди“.

dobivaj vesti na viber

„Бујар Османи избегнува одговор на многу логичното прашање што правел како претседавач со ОБСЕ во текот на 2023 за оваа меѓународна институција да оцени дека постои потенцијал за нарушувањето на безбедноста во изборниот процес и го зголеми бројот на набљудувачи. Исто така молчи дали Османи како домаќин на Лавров го прашал за рецептот за суспендирање на демократската волја на граѓаните.

Но, контурите на ова руско сценарио полека излегуваат на виделина. Владата на Талат Џафери незаконски спречува поставување на началник и дополнителен началник на СВР Тетово за да може да ги злоупотребува партиските војници на ДУИ инсталирани во полицијата во кампањата. Потврда за ова е последниот скандал со училиштето во Житоша кое не само што е претворено во штаб на ДУИ, туку во него полицајци отворено агитираат за Али Ахмети, се фотографираат и објавуваат на социјалните мрежи“, реагираат од коалицијата.

Очекуваат како што велат, дека раководството на МВР соодветно ќе ги евидентира и санкционира овие девијации од страна на полициски службеници.

„Јасно им порачуваме на полициските службеници и останати кадри на ДУИ во државните институции, добро да размислат какви партиски задачи прифаќаат и спроведуваат. Ништо не може да ја смени реалноста. ДУИ после осми мај преминува во опозиција и за секој нивен кадар кој се огрешил пред законите ќе следи соодветна правосудна постапка. Добро е секој партиски активист на ДУИ да размислува трезвено и да не се впушта во незаконски авантури лажно верувајќи дека ќе продолжат кариерите на Али Ахмети, Бујар Османи и Артан Груби.

Знаеме дека исплашеното раководство на ДУИ и нивните коалициони другарчиња се подготвени на различни предизборни далавери, но треба да земат предвид дека на секој обид за спречување на слободно, фер и демократско гласање на Албанскиот народ, жестоко ќе одговориме“, додаваат во партиското соопштение.

Нагласуваат дека ништо не може да ги спречи промените. Гласачите, како што оценуваат, уште повеќе се мотивираат да гласаат против ДУИ кога ги гледаат овие нивни очајнички потези.

„Бранот е тргнат и тој секојдневно ќе расте додека не се претвори во цунами за ДУИ на изборите“, се потенцира во напишаното од коалицијата „Вреди“.

Прикажи повеќе...

Македонија

Први април, вториот ден на Велигден, неработен за граѓаните од католичка вероисповед

Објавено пред

Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 1 Април 2024 година (понеделник), Велигден, вториот ден на Велигден, според грегоријанскиот календар, е неработен за граѓаните од католичката вероисповед во Република Северна Македонија.

dobivaj vesti na viber

Истовремено, Министерството за труд и социјална политика на граѓаните од католичка вероисповед им го честита празникот.

Прикажи повеќе...

Македонија

Донесено упатство за радиодифузерите за претседателските и парламентарните избори

Објавено пред

Агенцијата за аудио и аудиовизуелните медиумски услуги, со цел појаснување на начинот на примена на правилата од Изборниот законик, донесе упатство за радиодифузерите за претседателските и парламентарните избори 2024.

dobivaj vesti na viber

Со упатството се опфатени правилата за лимитите за платеното политичко рекламирање (ППР), означувањето на нарачателот на рекламирањето, распределбатата на времето во вести кај јавниот сервис, бесплатното политичко претставување на Собранискиот канал, обезбедувањето пристапност на содржините за изборниот процес за лицата со попреченост, правилата за известување во деновите на изборниот молк, особено за периодот на преклопување на двата изборни процеса.

За време на изборната кампања за претседателските избори, во првиот круг на гласање, радиодифузерите може да емитуваат вкупно девет минути и триесет секунди дополнително време за рекламирање реален час емитувана програма, исклучиво наменети за ППР. Во упатството е точно утврдена распределбата на овие минути меѓу седумте подносители на листи/кандидатите за претседател. Во вториот круг на гласање вкупното време за ППР ќе зависи од времето за ППР што го користат подносителите на листи/кандидатите за претседател, кои ќе ја продолжат изборната кампања во вториот круг.

За време на изборната кампања за парламентарните избори, радиодифузерите имаат право на дополнителни девет минути и триесет секунди за рекламирање реален час, исклучиво наменети за ППР. По потврдувањето на поднесените листи на кандидати за пратеници од страна на Државната изборна комисија, Агенцијата соодветно ќе го дополни упатството за радиодифузерите за претседателските и парламентарни избори 2024.

За време на изборниот молк за претседателските избори, на 23 и на 24 април (до 19 часот) 2024 година продолжува изборната кампања за парламентарните избори, но запира медиумското покривање во вестите и во посебните информативни емисии на учесниците во изборните кампањи за двата изборни процеса.

Јавниот сервис и телевизиите на државно ниво што ќе објавуваат платено политичко рекламирање, треба да емитуваат содржини поврзани со изборниот процес во формат пристапен за лицата со попреченост.

Упатството за радиодифузерите за претседателските и парламентарните избори 2024 е достапно на веб-страницата www.avmu.mk.

Прикажи повеќе...

Најново

Регион43 минути

„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка

Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два...

Топ58 минути

Нападната и ограбена охриѓанка, со тешки повреди пренесена во болница

Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја...

Македонија1 час

(Видео) Мицкоски: Коалицијата на ВМРО-ДПМНЕ „Твоја Македонија“ застанува зад бранот промени за стабилна и силна Македонија

Денес потпишавме Повелба за стратешко коалицирање и утврдување на принципите на идна работа на Коалицијата предводена од ВМРО-ДПМНЕ наречена „Твоја...

Топ3 часа

Тешка сообраќајна несреќа во Кичево – три млади лица го загубија животот, има и тешко повредени

Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски...

Македонија3 часа

Петровска: Судот донесе одлука дека Ковачки неправедно ме клеветел

Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки,...

Македонија5 часа

Притвор од 48 часа за две лица задржани по убиството на лекарот во Железара

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје...

Регион5 часа

Почна нова детаљна потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион6 часа

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа6 часа

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет6 часа

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа6 часа

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија19 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија19 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија21 час

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија22 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија23 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија1 ден

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ1 ден

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија1 ден

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија1 ден

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...