Македонија
(Видео) Изгореа подруми во Аеродром, експлодирал заедничкиот струјомер
Изгореа подурмите на зградата број 10 на улицата Владимир Комаров во Скопје. Нема повредени ниту меѓу станарите ниту меѓу пожарникарите кои со седум возила го гасеа огнот.
Пожар избил во подрумот, а густ црн чад за кусо време се појавил во речиси сите станови во зградата. Станарите велат дека слушнале неколку силни експлозии, пред да го почувствуваат чадот, но не се посомневале на пожар поради силниот дожд и грмотевиците.
„Влегов да се бањам кога слушнав пукање и чад почна да влегува од вратата“, вели станарка на последниот кат.
Станарите велат дека во ходниците не се гледало од чадот кој се ширел од отворот за лифтот. Испукани биле и стаклата на ормарите за струја, па се сомневаат дека пожарот го предизвикала старата електрична инсталација. Дел од нив велат дека експлодирал заедничкиот струјомер.
Пожарникарите ги евакуирале сите кои станале во зградата, па станарите на најсилниот дожд попладнево беа надвор.
„И господ ни помогна со дождов, ќе изгоревме како глувци“, коментираа додека реки вода течеа по улиците околу зградата.
Пожарот го пријавиле соседи од околните згради кои велат дека забележале чад од покривот. Противпожарната бригада стигнала кусо време по јавувањето.
Командантот на скопската противпожарна бригада Ѕвонко Томвески вели дека за кусо време успеале да го изгасат огнот и да спречат да се рашири на другите катови.
„Во гасењето на пожарот учествуваа 7 противпожарни возила до 20 пожарникари. Нема повредени ниту станари ниту пожарникари. Пожарот избил во подрумот и направена материјална штета која допрва ќе се утврдува. Дополнително ќе се утврдуваат и причините за пожарот. Имавме тешкотии да се пробиеме до подрумите оти влезовите како и самите подруми беа затрупани. Апелирам до граѓаните да ги расчистат подрумите, за да имаме полесен пристап во случај на пожар“, вели командантот Томевски.
Пожарникарите ја исклучија струјата во зградата, а полицијата не дозволуваше никому да влезе. Накиснати до гола кожа беа и станарите кои распаметени гледаа во облаците чад и полицајците и пожарникарите кои речиси два часа останаа пред зградата.
Станарите велат дека зградата е стара, од 1966 година и дека во преговори биле целосно да ја сменат електричната инсталација за која се сомневаат дека е причина за пожарот.
За да се вратат во становите тие останаа да чекаат да се направи целосна проверка на струјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
МТЕЛ со нова понуда за стриминг платформата Move TV, корисниците одсега имаат избор од над 250 канали
Неспоредливо забавно патување со Move TV, стриминг платформа со најголем број на ТВ канали во Македонија
Подгответе се да се нурнете во свет на бескрајни можности за забава бидејќи стриминг платформата на МТЕЛ, Move TV отсега е со најголем број ТВ канали понудени од кој било телеком провајдер во Македонија. На и досега широкиот избор од ТВ канали компанијата додава бесплатно нови ТВ канали.
Со ова корисниците добиваат избор од над 250 канали вклучени во претплатата кои опфаќаат различни жанрови, јазици и култури, избор што може да воодушеви секој.
„МТЕЛ како компанија не само што го редефинира уживањето во квалитетната телевизиска понуда, тука на самиот корисник му даваме моќ да ја преземете контролата врз своето искуството со стриминг платформата. Без разлика дали сте спортски ентузијаст, љубител на филмови или љубители на ТВ серии, нашата разновидна палета на понуди гарантира дека има по нешто за секого. Во три различни пакети по особено поволни цени за корисници во Македонија се вклучени Арена спорт каналите, ХБО, Суперстар, Еуроспорт, БлицТВ“, велат од компанијата.
Покрај изборот од над 250 ТВ канали, МОVE TV нуди и видеотека со над 10 000 филмови и серии, можност за слушање на најдобрите домашни и регионални радио-станици. МОVE TV може да се користи на телевизиски уред (обичен со MOVE Android Box или смарт телевизор), на телефон и таблет.
Една од главните придобивки за корисниците е можноста за паузирање и премотување сите телевизиските канали во реално време, до 7 дена наназад. Освен тоа, со МОVE Android Box секој телевизиски уред станува паметен, а МOVE TV може да се користи на 5 уреди истовремено во зависност од избраниот пакет. А, сите ваши активности на платформата се синхронизираат на различните уреди на кои ја користите. Повеќе информации може да добиете на телефонскиот број 15010 или на mtel.mk.
ПР
Македонија
Мицкоски: Коалицијата на ВМРО-ДПМНЕ „Твоја Македонија“ застанува зад бранот на промени за стабилна и силна Македонија
Денес потпишавме Повелба за стратешко коалицирање и утврдување на принципите на идна работа на Коалицијата предводена од ВМРО-ДПМНЕ наречена „Твоја Македонија“. Коалицијата на ВМРО-ДПМНЕ „Твоја Македонија“ е најбројната досега коалиција составена од 24 политички субјекти и организации кои застануваат зад бранот на промени кои треба да обезбедат стабилна и силна Македонија, истакна лидерот на ВМРО-ДПМНЕ Христијан Мицкоски.
„Коалицијата „Твоја Македонија“ се обврзува дека при реализацијата на програмата за претседателските и парламентарните избори во 2024-тата година, целосно и недвосмислено ќе се водиме од принципите на одговорност и транспарентност во политичкото дејствување. Свесни за девастирачкиот карактер на политиките на неодговорната владејачка клика, обзнануваме дека развојот на економијата, економскиот раст, домашните и странски инвестиции, како услов за отворање на нови работни места и подобар живот на граѓаните, се врвни приоритети на партиите – членки на коалицијата „Твоја Македонија“. Недвосмислена и цврста борба против корупцијата и намалување на обемната бирократијата се наш носечки предизвик бидејќи цврсто веруваме дека праведноста во општеството е основен предуслов за вкупен развој на татковината. Оттаму, длабоко свесни за истакнатото, коалицијата „Твоја Македонија“ се обврзува дека жестоко, праведно и принципиелно ќе иницираме и ќе поддржиме акции на правната држава кои треба да ја вратат разнишаната доверба на граѓаните во институциите на државната власт“, нагласи Мицкоски.
Според него, основниот концепт за развој на приватната иницијатива е почитување на економската слобода и развој на креативноста на личноста.
„Нагласувајќи го разорното дејство на криминалот и корупцијата на актуелната владејачка клика, остануваме посветени на економската модернизација на татковината. Во таа насока се обврзуваме дека ќе генерираме нови политики во функција на финансирање на изградба на меѓународните и локалните патишта, железничките коридори, електраните, гасоводните системи, далноводите, училиштата, болниците како и други инфраструктурни проекти. Манифестираме јасна, непоколеблива и цврста решеност да реализираме реформи кои ќе обезбедат долгорочен економски раст и напредок на Македонија бидејќи цврсто веруваме дека борбата за подобри економски постигнувања значи борба за подобар живот и подобар стандард на македонските граѓани“, нагласи лидерот на ВМРО-ДПМНЕ.
Апелира да има масовна излезеност на овие избори бидејќи, како што рече, неизлегувањето на овие избори подразбира поддршка на неодговорната и криминална власт.
Македонија
Државјанин на Турција приложил фалсификуван пасош на Ќафасан
Денеска, на граничниот премин Ќафасан полициски службеници го привеле Т. С. Т. (48) од Република Турција затоа што при пасошка контрола било констатирано дека на увид приложил фалсификувана патна исправа.
Известен бил јавен обвинител, а тој бил предаден на полициски службеници од Полициската станица Струга за понатамошна постапка.