Македонија
(Видео) „Канцерогено општество“: Владата да не ги прекинува мерките против загадувањето
Иницијативата „Канцерогено општество“ повика на мирен протест против загадувањето што ќе се одржи утре со почеток во 13 часот пред Собранието, а ќе заврши пред Владата. Од таму порачаа дека се потребни долгорочни мерки, а не мерки кои удираат по џебот на граѓаните и краткотрајни мерки, како што се на пример бесплатниот јавен превоз, кој трае по најмногу два дена. Повикаа власта и опозицијата да не го злоупотребат протестот и порачаа дека не се поддржани од ниту една партија.
„До сега видовме колку се способни институциите да го решат овој проблем, да се избориме сами за почиста средина. Утре на протестот ќе бидат искажани нашите барања со цел заедно да го смислиме најдоброто и најбрзото решение зошто време немаме“, рече Кристијан Узунов.
Утре пред Собранието, како што рече, ќе ги испорачаат барањата, меѓу кои се свикување итна владина седница, вклучување на експерти и граѓанскиот сектор во контролите на големите загадувачи и продолжување на мерките на градот против загадувањето.
Узунов рече дека инцијативата „Канцерогено општество“ пред 4 години на протести барале итно поставување на филтри на „Железарница“ и рече дека тогаш имале поддршка од мал број луѓе.
„Единствено искуство на инцијативата беше пред 4 години за фабриката ‘Железарница’, се залагавме за итно решавање на филтрите, тогаш имавме поддршка од мал број граѓани, свеста беше мала, седум месеци секојдневно блокиравме улици, но одзивот беше мал и тоа е една од причните зошто сега сме најзагаден град во светот“, рече Узунов.
Во изминативе денови во јавноста се поставија прашања кој стои зад утрешниот протест. Узунов рече дека тие се само загрижени граѓани и дека не се поддржани од ниту една партија.
„Не нè интересира ништо друго освен здрава животна средина“, рече Узунов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.