Македонија
(Видео) Кузеска: За да се спаси, Мицкоски сака државата да ја турне во пораз
Речиси цели 19 години државата нема спроведено попис како најважна политичка операција и тоа токму поради ВМРО-ДПМНЕ, која потроши народни пари и го прекина пописот во 2011 година заради партиски калкулации, истакна портпаролката на СДСМ Богданка Кузеска.
Таа смета дека пописот и е исклучително потребен на државата за да се добијат, како што рече целосни, прецизни и релевантни податоци за натамошен развој.
Пописот се спроведува и ќе се спроведе целосно, по сите стандарди без застој, порача Кузеска.
„Сите предлози на Мицкоски, чиракот на бегалецот, осуден криминалец од Будимпешта, Груевски водат кон неизвесност и несигурност. Да ја потсетиме јавноста, Мицкоски беше против да се одржат вонредните парламентарни избори кои тој лично ги побара. Беше против договор со Грција, против преспанскиот договор, а сега сме 30 земја членка на НАТО. Мицкоски беше и сè уште е против сите пет сета економски мерки со коишто се спасија стотици илјади работни места и се поддржани илјадници компании“, истакна портпаролката на СДСМ.
Според неа, Мицкоски кочи и не придонесува за доброто на граѓаните и на државата.
„Неговата очајна борба да опстане во Белата палата нема да биде на штета на развојот на државата и на иднината на граѓаните“, додаде Кузеска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.