Македонија
(Видео) Митева: Катастарот е уште една институција што СДСМ ја донесе на работ на банкрот
Неодговорното однесување на директорот на Катастарот ја загрозува правната сигурност и во голема мера го попречува нормалното функционирање на платниот промет. Денес, 5 години по раководењето со Катастарот од страна на СДСМ, наместо да имаме нови подобрени и понапредни системи, за жал, сведоци сме дека и постојните не се одржуваат, изјави на денешната прес-конференција Марија Митева, портпарол на ВМРО-ДПМНЕ.
Таа истакна дека електронскиот катастар со денови во месецот не работи, исто така и електронскиот шалтер, од кој се добиваат празни фајлови, ДМС-системот за електронско внатрешно работење не функционира, системот „Мак едит“, по пропаднатите тендери за негови надградби, практично не работи и геодетските фирми имаат сериозни проблеми при изготвување на геодетските елаборати, дигитализацијата на катастарот е комплетно застаната, така што ако од 2013 до 2017 се дигитализира 97 % од територијата на државата, неспособноста е толку голема што за 5 години не може да се завршат преостанатите 3 % од катастарските планови.
Митева додаде дека изминативе години сме сведоци на неодговорното работење на актуелниот директор на Катастарот, со што го доведува во прашање и работењето на геодетите, нотарите, банките, општините, судовите, државните органи или ја доведува во прашање правната сигурност на платниот промет. Но, наместо некој да понесе одговорност и да се разреши директорот, Владата дозволи покачување на цените на катастарот за некои производи и над 500 %.
Имено, споредбата е направена на два основа: првиот, за податоци што се однесуваат за уписи во катастарот, и вториот принцип, кој се однесува на купување податоци од Катастарот. Ова се вистинските податоци што директорот денес не ги соопшти на јавноста за да го оправда овој потег. Факт е дека Катастарот е уште една институција, која СДСМ ја наследи со одличен систем на функционирање, а по само 5 години, ја донесе на работ на банкрот“, изјави Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ: Мицкоски сака враќање на државата пред 2001 година, Македонија без Албанци
Мицкоски и ВМРО јавно бараат Македонија без Албанци. Тој дури отворено ги повикува сите Македонци да се обединат против Али Ахмети и ДУИ, се вели во партиското соопштение од ДУИ.
– Мицковски на митингот во Кратово побара обединување на сите Македонци за Албанците да не добијат ниту еден пратеник во третата изборна зона. Вокабуларот на Мицкоски не е само против Договорот од Преспа и Договорот за добрососедство со Бугарија, туку и против Охридскиот рамковен договор, барајќи конкретно враќање на државата пред 23 години, се вели во соопштението.
Во соопштението се додава дека „ДУИ и Европскиот фронт изразуваат длабока загриженост за националистичкиот и антиевропскиот речник на ВРМО, кој чувствувајќи го поразот на 24 април и 8 мај, поттикнува меѓуетничка и антиевропска омраза во Северна Македонија“.
Исто така, тие ја повикаа албанската опозиција „да се вразуми и да не стане алатка на руската агенда што ја прокламира ВМРО и нивните гласноговорници“.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.