Македонија
(Видео) Мицкоски: Со започнати 1.090 проекти ја разобличивме безидејноста на СДСМ
Најважното што се случи во овие први 100 дена е дека покажавме дека умееме, покажавме дека можеме и дека ги менуваме работите, дека има разлика тоа што го работи ВМРО-ДПМНЕ и тоа што го распродава, краде и уништува СДСМ, рече партискиот лидер, Христијан Мицскоски, на денешниот регионален отчет насловен „Промени што носат иднина – 100 дена локална власт, отчет на ВМРО-ДПМНЕ“.
Фокусот беше на општините Охрид, Демир Хисар, Македонски Брод, Вевчани, Брвеница и Јегуновце.
„Секој од започнатите повеќе од 1.090 проекти од градоначалниците на ВМРО-ДПМНЕ овие сто дена е огледало на немоќта на СДСМ и нивната безидејност. Отчет за повеќе од 1.090 започнати проекти во првите сто дена, наспроти нула отчети, за нула започнати проекти во општините на СДСМ и ДУИ. Тоа е значајната предност и разлика и на тоа за базира довербата на граѓаните и енергијата на оваа нова генерација на градоначалници и луѓе во политиката која прави промени за нашата заедничка иднина“, истакна Мицкоски.
Партискиот лидер нагласи дека започнати се со проектирање, градба или реконструкција нови 33 градинки и 68 училишта.
„Точно 206 улици и патишта се градат или реконструираат со вкупна должина од околу 100 км. Се инвестира во градба на 111 водоводи и канализации, 96 игралишта и паркови. Расчистени се повеќе од 200 диви депонии“, рече Мицкоски во обраќањето додавајќи дека градоначалниците од ВМРО-ДПМНЕ нема да ги изневерат граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: пет имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.