Македонија
(Видео) Ново сообраќајно решение на улицата Орце Николов, велосипедски и пешачки патеки и повеќе паркинг
Градоначалникот на општина Центар, Саша Богдановиќ, заедно со градоначалникот на Град Скопје, Петре Шилегов, го презентираа новиот сообраќаен проект за улицата Орце Николов во Скопје.
Новото сообраќајно решение предвидува намалување на коловозната лента на шест метри во интерес на изведба на нови велосипедски патеки во должина од 2.400 метри, како и нови пешачки патеки во должина од 2.200 метри, што ќе овозможи поголема безбедност на сите учесниците во сообраќајот.
Со проектот е предвидено и поставување на монтажен кружен тек на раскрсницата помеѓу улиците Орце Николов и улицата Аминта Трети (поранешна Ленинова), како и воведување паралелно паркирање, за што ќе бидат изведени т.н џебови за паркирање, по должина на целата улица.
„Реконструкцијата на улицата Орце Николов претставува капитален проект на Општина Центар од повеќе аспекти. Пред сé, со новото сообраќајно решение ќе бидат подобрени инфраструктурните и безбедносните аспекти на една од најфреквентните улици во централното градско подрачје, при што е ставен посебен акцент на зачувување на зеленилото. Иако реконструкцијата предвидува адаптација на улицата и изведба на џебови со цел на граѓаните да им се овозможи паралелно паркирање, сите дрвја кои се веќе на улицата остануваат таму каде што се. Дополнителна придобивка од овој проект е што истиот ќе овозможи непречено движење на пешаците и велосипедистите на улицата и ќе го стимулира користењето на велосипедот како алтернативен начин на сообраќај во насока на намалување на загадувањето”, изјави градоначалникот на општина Центар, Саша Богдановиќ.
По изведбата на велосипедските и пешачките патеки и новите паркинг-места, целосно ќе бидат реконструирани 9.330 метри од коловозот, а на одредени локации ќе бидат поставени пет подигнати премини т.н „лежечки полицајци“, кои ќе овозможат нормализирање на брзината на движењето на возилата.
Градоначалникот на Град Скопје, Петре Шилегов, го изрази своето задоволство од предложеното решение, но и од потребата за реконструкција на оваа важна градска улица и додаде дека градот стои на располагање за сè што градот може да ѝ помогне на општината.
Во текот на оваа година, планот на Општина Центар предвидува реконструкција на уште седум улици, кои освен нови и подобрени сообраќајни решенија, предвидуваат и нови и подобрени инфраструктурни решенија, во зависност од потребите на секоја од улиците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Предизборен молк пред утрешните претседателски избори, денеска гласа дијаспората, болните и затворениците
Започна предизборниот молк пред утрешните претседателски избори. Молкот завршува на 24 април во 19 часот, кога се затвораат избирачките места.
Денеска ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.
Гласањето за претседател започна во саботата, први гласаа членовите на избирачките одбори кои отпатуваа да го спроведат гласањето во дијаспората.
Во посебниот извод од избирачкиот список се запишани 191 избирачи кои треба да го спроведат гласањето во дијаспората.
Во дипломатските претставништва и конзуларни канцеларии треба да гласаат наши граѓани кои живеат во странство а кои се пријавиле за гласање.
Право на глас имаат 1.814.317 гласачи запишани во единствениот избирачки список. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Македонија
Време денес повремено со пороен дожд и грмежи, температурата ќе достигне 14 степени
Вренето денес ќе биде претежно облачно со повремени врнежи од дожд, наместа пообилни (и над 20 л/м²) и поројни, проследени со грмежи особено во западните и јужните делови од земјата. Ќе дува слаб до умерен, а долж Повардарието и во источните делови повремено засилен ветер од југоисточен правец. Минималната температура ќе биде во интервал од 4 до 10, а максималната ќе достигне од 11 до 17 степен.
Во Скопје облачно со повремени врнежи од дожд повремено пороен и проследен со грмежи. Ќе дува слаб до умерен јужен ветер. Минималната температура ќе се спушти до 6, а максималната ќе достигне до 14 степени, јавува УХМР.
Ветерот долж Повардарието ќе продолжи да засилува и во среда. Во среда и четврток ќе има локална појава на повремено пороен дожд и услови за грмежи. Потоа следи период на претежно стабилно и постепено потопло време.