Македонија
(Видео) Сообраќајната голгота во Бутел ќе трае уште оваа недела, „Христијан Тодоровски Карпош“ прооден од викендов
По пет месеци блокада, претстојниот викенд градските власти очекуваат да биде пуштен во употреба новоизградениот дел од булеварот Христијан Тодоровски Карпош во Бутел за да се намали огромниот метеж што се создава на кружниот тек во оваа населба. На жителите од овој дел на Скопје им требаат и по 40 минути да го минат само кружниот тек оти тој е единствената врска на градот со Бутел 1, Радишани и околните места. Целосно затворени за сообраќај се алтернативните улици Цетинкса и новоизградениот дел од булеварот Христијан Тодоровски Карпош поради премостување на електрични и водоводни инсталации. Вината за одолговлекување на работите, градоначалникот Петре Шилегов посочува дека е кај претходното раководство на Градот.
„Потегот Христијан Тодоровски Карпош – Цетинска, којшто претставува повеќемесечен проблем за граѓаните на општина Бутел и населените места околу, вклучително и населба Радишани, е потег што го наследивме со проблеми бидејќи при проектирањето на булеварот Христијан Тодоровски Карпош ниту било проектирано решение за влез на улица Цетинска ниту е проектирана улицата Боца Иванова, ниту биле проектирани водоводната ниту електричната инсталација коишто проаѓаат во тој потег кај подвозникот на Христијан Тодоровски Карпош. Градот Скопје во меѓувреме ги изработи сите тие проекти, напоменувам дека доколку не го премостивме водоснабдувањето на соодветен начин, тој дел од градот ќе останеше без вода за пиење, од една страна, од друга страна таму поминуваат два 35-волтни кабли од коишто се снабдува половина Скопје со електрична енергија и ние моравме тоа да го сработиме со внимание. За жал, тоа не беше претходно проектирано. Тие работи се завршени во текот на викендот, а денеска граѓаните можат да забележат дека се одвива асфалтирање на Христијан Тодоровски Карпош. Очекувам дека тоа ќе биде завршено наредните денови и викендов ќе можеме и официјално да го пуштиме во употреба“, вели градоначалникот Шилегов.
Градоначалникот Шилегов во март годинава, кога ја затвори улицата Цетинска и со тоа го отцепи Бутел од останатиот дел од Скопје, најави дека градежните работи ќе завршат најдоцна до 15 април, но не го одржа зборот и ги остави граѓаните на 35 степени безмалку по цел час да одвојуваат за да го поминат кружниот тек. Сега вели дека сочувствувал со нив и дека не е в ред чекањето на кружен тек.
„За жал не е, се согласувам, имам целосно разбирање за граѓаните од тој дел на Скопје. Да, не е в ред, за жал, додека се изведуваат градежни работи секогаш е отежнато и покомплицирано движењето на граѓаните. Оваа голгота ќе заврши за неколку дена. Таа голгота е и за мене како што е и за граѓаните, меѓутоа некој друг нè внесе во овој, да го наречам, циркус “, вели за „Макфакс“ градоначалникот Шилегов.
Во исто време со пуштањето во употреба на новиот дел од булеварот Христијан Тодоровски Карпош, градоначалникот Шилегов најави дека ќе почне и втората фаза од пробивањето на овој булевар, од улицата Натанаил Кучевишки до обиколницата, а екипите на ЈП „Улици и патишта“ работат на обезбедување бајпас преку кој улицата Цетинска ќе се поврзе со булеварот оти сега меѓу нив има висинска разлика од три метри и улицата завршува слепо.
Изведувач и на втората фаза ќе биде „Пелагонија АД Гостивар“ . Првата фаза го чинеше Градот 2,6 милиони евра, а втората фаза, според договорот со градежната компанија, ќе чини 2, 040 милиони евра. Булеварот треба целосно да биде изграден и да се поврзе со обиколницата за 18 месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Димитриеска Кочоска: Платформа 1198 значи повисок животен стандард, раст на БДП од 5% на среден рок, повеќе пари за малите и средни бизниси, повисоки пензии
„Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси. Ако немаме економија, тогаш не можеме да очекуваме развој во ниту еден сегмент“, рече Гордана Димитриеска Кочоска, кандидат за пратеник во изборна единица 1.
„Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.
И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.
Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.
Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.
Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша“, изјави Гордана Димитриеска Кочоска, кандидат за пратеник во изборна единица 1.
Македонија
Мицкоски: Буквално насекаде низ Македонија се чувствува победничката атмосфера
„Во овие 15 дена од кампањата за првиот круг за претседателски избори буквално насекаде низ Македонија се чувствува победничката атмосфера, се чувствува како граѓаните се обединуваат околу желбата за промени“, истакна претседателот на ВМРО-ДПМНЕ, Христијан Мицкоски од митингот во Ранковце.
„Масовно на 24-ти април да излеземе овде во Ранковце и да го поддржиме идниот претседател на Македонија, професорката Гордана Силјановска Давкова. Тоа е многу важно затоа што државата ни е одземена од мала група на луѓе кои што се дел од раководството на ДУИ и неколкумина измеќари од СДСМ кои што цело време за да добијат некое парче коска од наместените тендери, да добијат некое ситно евро во џебот и да ги задржат своите фотелји упорно и упорно шест и половина години измеќарат на овие од Мала Речица“, појасни Мицкоски.
Мицкоски додаде дека Македонија ја претворија во еден вид на артаноиден режим. Таква е денеска Македонија поради дел од раководството на ДУИ и неколкумина измеќари од СДСМ.
„Пред шест и половина години овие што сега се Влада ни ветуваа дека ќе донесат слобода, ќе донесат правда, подобар живот, подостоинствен живот, поквалитетен живот за граѓаните, повеќе пари за граѓаните. А, во суштина што направија? Донесоа цикличен артаноиден хибриден режим“, рече тој.
„Кога велам артаноиден тука мислам и на неговиот ментор, а тоа е Али Ахмети од Зајас, кој што денеска ја доби Македонија на тацна од Ковачевски, Зечевиќ и останатите неколкумина политичари во раководството на СДСМ, кои се покажаа и докажаа како главни измеќари“, укажа Мицкоски.
Тој посочи дека никој не очекуваше една државотворна партија СДСМ да се претвори во гранапче на Али Ахмети, на Артан, на ДУИ и да бидат главни измеќари само за да ги задржат своите позиции.
„Тоа е политичкото мочуриште во кое што ние денеска живееме“, истакна Мицкоски.
Мицкоски укажа дека СДСМ и Стево Пендаровски немаат план, немаат програма. Единствено нешто што научиле е само ЕУ, ЕУ.
„А, од ЕУ им остана само еврото кое што го крадат од вас граѓаните преку наместени тендери“, нагласи тој.
„После осми мај Македонија ќе биде повторно слободна и предводена од Влада на ВМРО-ДПМНЕ. А, сите оние кои што и нанесоа зло, неправда, болка, јас ви ветувам дека ќе одговараат“, порача Мицкоски.
Мицкоски рече дека ВМРО-ДПМНЕ и Коалицијата „Твоја Македонија“ на овие избори се бори за 61 пратеник и за претседател Гордана Силјановска Давкова. Време е граѓаните да живеат достоинствен живот во Македонија каде што ќе има правда, успешен образовен систем, подобар здравствен систем.
Македонија
Тошковски: СВР Охрид треба да биде во поголем објект, на соодветна локација, што ќе овозможи поефикасно работење
Министерот за внатрешни работи Панче Тошковски денеска оствари работни посети на Секторот за внатрешни работи Охрид, Езерската и Сообраќајната полиција како и Полициската станица за гранични проверки и граничен надзор Свети Наум каде одржа работни состаноци со раководствата на овие организациски единици.
СВР Охрид покрива 7 општини и во првото тромесечие од 2024 година се забележува стабилна безбедносна состојба со намалување од 13.5% на бројот на кривични дела во однос на првото тромесечиче во 2023 година на подрачјето кое го покрива.
„Во делот на спроведувањето на изборите кои ни претстојат, СВР Охрид има изготвено план и е спремен за справување со безбедносните предизвици кои ги носат изборите. Од аспект на човечки ресурси, пополнетоста е на незадоволителни 52%. Имајќи го предвид фактот дека Охрид е популарна туристичка дестинација во летниот период, има потреба од дополнителн број на полициски службеници и проширување на капацитетите, особено на полициската канцеларија во Пештани. Исто така, треба да се размислува за дислоцирање на СВР Охрид во поголем објект кој ќе биде на соодветна локација која ќе овозможи поефикасно работење“, потенцираше министерот Тошковски.
Што се однесува до Полициската станица за граничен надзор Охридско Езеро министерот Тошковски беше информиран дека ја покриваат сината граница во должина од 23.4 километри и постапуваат во делот на илегална миграција, прекуграничен криминал по воден пат на охридското езеро, контрола на внатрешната пловидба како и санкционирање на незаконит риболов. Во тој контекст се соочуваат со недостиг на обучени полициски службеници со соодветни дозволи за управување на пловни објекти, како и немање на договор со економски оператор за сервисирање на пловните објекти.
„Полициската станица за гранични проверки и граничен надзор Свети Наум покрај тековните активности во летниот период врши проверки и на езерскиот сообраќај преку отворање на привремен граничен премин за туристички посети. Се соочуваат со недостаток на човечки ресурси, а ја истакнаа и потребата од подобра едукација и обука на кадрите кои се распоредуваат во организациските единици кои се дел од граничната полиција“, подвлече Тошковски.