Македонија
(Видео) Сопругата на претседателот по вторпат покровител на настанот „Едно семејство“ на СОС Детско село
Сопругата на претседателот на државата, Елизабета Ѓоргиевска, продолжувајќи ја минатогодишната традиција и годинава беше покровител на настанот „Едно семејство“ во организација на СОС Детско село.
Посочувајќи дека со овој настан, во пресрет на Меѓународниот ден на човековата солидарност – 20 декември, им се оддава признание на сите пријатели, донатори и поддржувачи на СОС Детско село, Ѓеоргиевска истакна дека истиот претставува и можност да се афирмира значењето на солидарноста, пред сè преку примерот со активностите на СОС Детско село, но и воопшто да се говори за значењето на солидарноста во нашето општество.
„Морам да го истакнам значењето на корпоративниот сектор, како и на бројните индивидуалци кои на дело ја покажуваат својата хуманост и солидарност. Токму благодарение на солидарноста и на конкретната помош од страна на компании и на поединци, СОС Детско село успешно ја врши својата основна функција ‒ грижа за децата во ризик и нивна поддршка, преку семеен модел за алтернативна грижа за деца, како и преку реализирање програми за социјална превенција“, рече првата дама во своето обраќање пред присутните на овој хибриден настан.
Говорејќи за промените коишто се случија во целокупното општествено живеење поради пандемијата од Ковид-19, сопругата на претседателот Ѓоргиевска подвлече дека ваквата ситуација ги става на испит солидарноста, одговорноста, хуманоста и алтруизмот на секој поединец.
„Да ја оставиме себичноста зад себе и ако не можеме на друг начин, барем да помогнеме со топол збор, со насмевка, со користење на нашето слободно време за волонтерски ангажмани од корист на заедницата. Да ги отвориме нашите срца и да отстапиме простор за алтруизмот и несебично и безрезервно да помагаме и да бидеме великодушни. Да покажеме на дело дека без разлика на полот, возраста, социјалниот статус, верската, етничката или политичката определба, сите ние сме едно семејство и секој член на нашето семејство е подеднакво важен“, додаде Ѓеоргиевска.
Во оваа насока таа ги истакна натчовечките напори коишто ги вложуваат здравствените работници за да ги спасат здравјето и животите на своите пациенти.
„Да ја покажеме солидарноста кон нив, така што ќе се придржуваме до мерките за зачувување на јавното здравје. Со оглед на фактот што во некои земји веќе се започна со имунизација на населението, а вакцината наскоро ќе дојде и кај нас, да издржиме докрај и да покажеме одговорност, дисциплина, грижа и солидарност“, порача сопругата на претседателот.
На денешниот настан „Едно семејство“, на СОС Детско село беа доделени награди и признанија на корпоративните и индивидуалните донатори коишто го поддржаа СОС Детско село во 2020 година. Исто така беше поставена и изложба на уметнички дела на младиот уметник Мартин Буровски, којшто пораснал под закрила на СОС Детско село. Изложбата којашто свечено беше отворена од австрискиот амбасадор во нашата земја, Георг Вуцас, ќе биде достапна за граѓаните до 25 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.
Македонија
Пендаровски победи во три општини, а Таварари и Димитриевски само во општините во кои се градоначалници
Кандидатите за претседател Гордана Силјановска-Давкова и Бујар Османи освоија најмногу гласови на претседателските избори по број на општини.
Според податоците на ДИК, Давкова на вчерашниот прв круг победи во 60 општини, а Османи во 15. Понатаму, Пендарвски освои најмногу гласови во три општини, а Арбен Таравари во една, како и Максим Димитриевски.
Со тоа Силајовска има најмногу освоени гласови во Аеродром (51,48 %), Берово (54,92 %), Битола (48,44 %), Богданци (49,59 %), Босилево (57,61 %), Брвеница (33,54 %), Бутел (43,91 %), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77 %), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),
Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).
Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)
Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).
Македонија
Македонскиот концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.