Македонија
(Видео) Стојаноска: Со поставување на Кацарска за уставен судија, ќе продолжи мешањето на власта во судската власт
Пратеничката Дафина Стојаноска од ВМРО-ДПМНЕ и коалицијата „За обнова на Македонија“ на денешната собраниска седница нагласи дека власта продолжува да се меша во судската власт преку поставување на Кацарска за уставен судија. Тоа не треба да се случи, не треба Кацарска да стане уставен судија.
„На дневен ред ја имаме точката предлог за избор на судија на Уставен суд на Република Македонија. Предлогот е никој друг, туку Добрила Кацарска. Јас за почеток ќе го цитирам ставот 1 членот 16 на Уставот, кој гласи: ‘Се гарантира слободата на уверувањето, совеста, мислата и јавното изразување на мислата’. Ставот 4 од членот 109 на Уставот, кој гласи: ‘Судиите на Уставниот суд се избираат од редот на истакнати правници’. Исто така, во ставот 1 алинеја 3 од членот 110 од Уставот се вели: ‘Уставниот суд на Република Македонија ги штити слободите и правата на човекот и граѓанинот, што се однесуваат на слободата на уверувањето, совеста, мислата и јавното изразување на мислата, политичкото здружување и дејствување и забраната на дискриминација на граѓаните по основ на пол, раса, верска, национална, социјална и политичка припадност’. Да потсетам и на последниот извештај од ЕК, во кој се вели дека Република Македонија, односно судскиот систем во неа, е умерено подготвен или има одредено ниво на подготовка“, истакна Стојаноска.
Стојаноска додаде дека во истиот извештај од ЕК се вели дека Република Македонија треба да обезбеди решителна и доследна употреба на механизми за обезбедување независност и одговорност на судството, како што се правила за назначувања врз основа на заслуги, проверка на имотот, судир на интереси и дисциплински постапки.
„Наспроти ова, во известувањето од Судскиот совет за изборот на кандидат за судија на Уставен суд да биде Кацарска, меѓу другото, стои: ‘Во текот на извршувањето на судиската функција судијата Добрила Кацарска со своето несебично залагање, агилност и посветеност успешно ја извршува судиската функција и покажала позитивни резултати во работењето’. Контрадикторностите и противречностите меѓу Уставот и препораките на ЕК, од една страна, и постапувањето на Судскиот совет и власта, од друга, се повеќе од очигледни. Во прилог на ова ја споменувам и одлуката на Уставниот суд од 29 мај 2019, со која оцени дека судијката Кацарска извршила повреда на слободата на мислата и јавното изразување на мислата утврдени во членот 110 алинеја 3, а гарантирана во членот 16 од Уставот и содржана во членот 10 од Европската конвенција за заштита на човековите права и основни слободи, која со закон е ратификувана во Македонија“, рече Стојаноска.
Стојаноска посочи дека таа одлука се однесуваше на случајот кога судијката Кацарска казни педесетина адвокати по 1.000 евра, кои застапуваат 33 обвинети, замислете – за терористичко загрозување на Уставниот поредок и безбедноста за време на 27 април.
„Кацарска има вршено влијание врз судии во носењето одлуки во други случаи за што сведочеше јавната обвинителка Стефанова. Истата таа Кацарска беше изземена од одлучување за пресудата на Заев во случајот ‘Поткуп’. Имено, т.н. независно судство на Заев го промени обвинението на последното рочиште изземајќи ги од доказниот материјал снимките што беа доказ за поткупот и така казната на Заев се намали, па немаше потреба да му суди судечки совет, туку еден судија. Кацарска ова го искористи за да не мора ниту условно да го осуди Заев и му го препушти на свој колега“, потсети Стојаноска.
Стојаноска рече дека ја укинала и гаранцијата на Лазаров, при што го вратија во Шуто Оризари. „Не смее да се пропушти да се спомене и максималното интензивирање на динамиката на судските рочишта токму во деветтиот месец од бременоста на Гордана Јанкуловска и во првите месеци по нејзиното породување, што исто така го направи Кацарска“, рече Стојаноска.
Таа додаде дека со поставувањето на Кацарска за уставен судија ќе продолжи мешањето на власта во судската власт. Зоран Заев продолжува на дрзок и манипулативен начин да си ги наградува своите судии, кои извршуваат во негово име.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.
Македонија
Пендаровски победи во три општини, а Таварари и Димитриевски само во општините во кои се градоначалници
Кандидатите за претседател Гордана Силјановска-Давкова и Бујар Османи освоија најмногу гласови на претседателските избори по број на општини.
Според податоците на ДИК, Давкова на вчерашниот прв круг победи во 60 општини, а Османи во 15. Понатаму, Пендарвски освои најмногу гласови во три општини, а Арбен Таравари во една, како и Максим Димитриевски.
Со тоа Силајовска има најмногу освоени гласови во Аеродром (51,48 %), Берово (54,92 %), Битола (48,44 %), Богданци (49,59 %), Босилево (57,61 %), Брвеница (33,54 %), Бутел (43,91 %), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77 %), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),
Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).
Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)
Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).
Македонија
Македонскиот концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.