Македонија
(Видео) Судијката и Заев се договориле мене да ме осудат, а него да го ослободат, рече Груевски
По денешното рочиште за случајот „Тенк“, обвинетиот eкспремиер, Никола Груевски, рече дека она што СЈО ќе каже судиите го прифаќаат бидејќи, како што рече, се плашат да им се спротивстават.
„Се направи тежок преседан со кој СЈО повторно се протежира“, истакна Груевски алудирајќи на барањето за изземање на специјалната јавна обвинителка, Катица Јанева, од случајот, што не беше прифатено.
Поранешниот претседател на ВМРО-ДПМНЕ на денешното рочиште одби да даде одбрана, а тоа го образложи со ставот оти очигледно е дека нема негова вина за набавката на блиндираниот „мерцедес“, односно, како што рече, по изведувањето на доказите на Обвинителството и на одбраната, произлегува дека не го сторил делото за кое се товари.
Тој во изјавата дадена пред судот рече дека доколку се оди според правото и законите, ова е решен случај, кој треба да заврши со ослободителна пресуда.
„Сепак, во јавноста проструија информации дека постои некаков договор меѓу Заев и судијката Добрила Кацарска со кој било договорено дека таа ќе добие унапредување во Апелациониот суд, а за возврат треба да го ослободи, а мене да ме прогласи за виновен“, рече Груевски, кој додаде дека доколку тие шпекулации се точни, тогаш може сè да се очекува.
На денешното рочиште присуствуваше и поранешниот помошник-министер во МВР, Ѓоко Поповски. Во „Тенк“ е обвинета и поранешната министерка за внатрешни работи, Гордана Јанкулоска, но постапката за неа е издвоена поради ризична бременост.
Судењето продолжува на 14 мај кога треба да бидат изнесени завршни зборови на инволвираните во овој судски процес. Кога ќе бидат дадени завршните зборови, ќе остане само судот да ја донесе пресудата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и посвежо време со повремени врнежи од дожд, максимални температури до 18 степени
Променливо облачно и посвежо со повремени врнежи од дожд, претежно во јужните делови. Ќе дува слаб до умерен ветер од северен правец. Минималната температура ќе биде во интервал од 0 до 6, а максималната ќе достигне од 10 до 18 степени.
Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.
За време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.