Македонија
(Видео) Царовска: Имаме помалку од 1 процент заразени ученици и наставници
Сто дена со граѓаните, со учениците, наставниците и родителите. 100 дена одговорност, грижа и посветеност во создавањето образование за сите, веруваме дека постигнавме оптимални резултати и успеавме да креираме квалитетни, заеднички, обмислени и адекватни решенија, во услови на пандемија, која драстично го промени начинот на кој живееме, учиме и работиме, рече министерката за образование и наука, Мила Царовска, на прес-конференцијата по повод 100 дена Влада.
„Постигнавме резултати во 5 области, пристап до навремено, достапно и квалитетно образование за секое дете во услови на пандемија, реформи во образованието, инвестиции во науката, капитални инвестиции и политики за стипендирање. Најважно е што дури и во време на пандемија имаме континуитет во образованието, односно со комбинираниот модел на настава – онлајн со физичко присуство и со емитување 15-минутни часови на македонски и албански јазик на Националната телевизија, обезбедивме стабилност во образовниот процес и успешно заврши оценувањето за првото тромесечје, како и заокружувањето на првото полугодие од оваа учебна година“, рече Царовска.
Министерката се заблагодари на посветеноста на учениците, наставниците и родителите за заедничките напори да се одвива безбедна настава во училиштата, но и успешна настава на далечина.
„Имаме помалку од 1 % заразени ученици и наставници. Истовремено учениците и наставниците се постојано дел од наставата, односно над 90% од учениците успешно следат онлајн настава“, истакна Царовска.
Освен воведувањето на онлајн учењето, веќе се дигитализирани и услугите за аплицирање за стипендии и за нострификација на дипломите и свидетелствата, со што освен што го штитиме здравјето на студентите и учениците на долг рок го олеснуваме пристапот до услугие, но и ја намалуваме корупцијата.
Во поглед на реформите во образованието, министерката рече дека веќе течат и реформите на основното и средното образование.
„Градиме инклузивно образование, достапно за секое дете, кое вистински ги подготвува младите за иднината. За таа цел за првпат со 54 милиони денари од буџетот ги поддржуваме образовните асистенти“, додаде Царовска, напоменувајќи дека Концепцијата за основно образование е во завршна фаза на изработка и дека наскоро истата ќе биде презентирана пред јавноста.
Попрецизно, рече Царовска, со новата концепција создаваме школо што нé учи да учиме, со што ќе го напуштаме стариот пристап на фактографско учење и ги поттикнуваме учениците да решаваат проблеми и критички да размислуваат. Целта ни е, додаде таа, да обезбедиме образование со коешто секое дете ќе го достигне својот полн потенцијал преку изборни и вон наставни предмети.
„Како дел од реформските процеси во образованието во тек е подготовка на 3 регионални центри за средно стручно образование, во Охрид, Куманово и Тетово. Заложбата е вакви центри да се отворат во сите региони. Овие центри се преземени од локално на државно ниво и со нив преку стручно образование создаваме кадри барани на пазар на трудот“, рече Царовска.
Науката, истражувачката дејност и иновациите се движечката сила на општеството, но и огромен неискористен потенцијал за соработка на високообразовните институции со компаниите.
„За таа цел, за првпат инвестираме во науката, истражувањето и иновациите со иновациски ваучери за научни проекти на високообразовните институции. Преку ФИТР доделени се вкупно 34 иновациски ваучери во вкупен износ од 15 милиони денари. Се работи и на целосна промена на начинот на финансирање на научноистражувачката дејност преку воведување програмско и планско финансирање и продолжување на грантовото финасирање“, додаде Царовска.
За квалитетно образование, истакна министерката, освен нови концепции и дигитализација, потребни ни се и подобри услови во самите училишта и затоа инвестираме и градиме по план.
„За првпат Министерството за образование објави повик за финансирање на реконструкција на училишни објекти. Еден од условите за финансиски да поддржиме капитални проекти е тие да се пристапни, или да стануваат пристапни. Ваквата политика ќе ја практикуваме и за сите идни повици, со што училиштата ги правиме инклузивни“, потенцираше Царовска.
Врз основа на податоците добиени од Анализата за стипендирањето на студентите и учениците изработена со Центарот за управување со промени и со поддршка на британска амбасада, направени се краткорочни итни промени за доделувањето стипендии. Врз основа на оваа анализа во тек се долгорочни промени за начинот, условите и видовите на стипендирање.
„Конкурсите за стипендии оваа година обезбедуваат поддршка за околу 2.150 ученици и 3.130 студенти. Воведени се ученички стипендии за средно стручно образование за избрани дефицитарни струки. Зголемен е бројот на стипендии за ученици Роми, од 880 за дополнителни 39 ученици чии апликации согласно рангирањето добија идентичен број бодови во две од вкупно пет понудени категории, исто така се стекнаа со правото на стипендија. Го зголемивме и бројот на доделени стипендии за ученици од социјално ранливи семејства. Место првично планираните 400, доделивме вкупно 544 стипендии. Исто така доделени се 106 стипендии за ученици со попреченост. Односно, со право на стипендија се стекнаа сите ученици кои имаат ист бодови. Воведени се нов вид студентски стипендии (македонски јазик, македонска книжевност и јужнословенски книжевности)“, информираше Царовска.
За нас, рече министерката, образованието останува врвен приоритет и целосно и искрено сме посветени на обезбедување квалитетно образование.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Буквално насекаде низ Македонија се чувствува победничката атмосфера
„Во овие 15 дена од кампањата за првиот круг за претседателски избори буквално насекаде низ Македонија се чувствува победничката атмосфера, се чувствува како граѓаните се обединуваат околу желбата за промени“, истакна претседателот на ВМРО-ДПМНЕ, Христијан Мицкоски од митингот во Ранковце.
„Масовно на 24-ти април да излеземе овде во Ранковце и да го поддржиме идниот претседател на Македонија, професорката Гордана Силјановска Давкова. Тоа е многу важно затоа што државата ни е одземена од мала група на луѓе кои што се дел од раководството на ДУИ и неколкумина измеќари од СДСМ кои што цело време за да добијат некое парче коска од наместените тендери, да добијат некое ситно евро во џебот и да ги задржат своите фотелји упорно и упорно шест и половина години измеќарат на овие од Мала Речица“, појасни Мицкоски.
Мицкоски додаде дека Македонија ја претворија во еден вид на артаноиден режим. Таква е денеска Македонија поради дел од раководството на ДУИ и неколкумина измеќари од СДСМ.
„Пред шест и половина години овие што сега се Влада ни ветуваа дека ќе донесат слобода, ќе донесат правда, подобар живот, подостоинствен живот, поквалитетен живот за граѓаните, повеќе пари за граѓаните. А, во суштина што направија? Донесоа цикличен артаноиден хибриден режим“, рече тој.
„Кога велам артаноиден тука мислам и на неговиот ментор, а тоа е Али Ахмети од Зајас, кој што денеска ја доби Македонија на тацна од Ковачевски, Зечевиќ и останатите неколкумина политичари во раководството на СДСМ, кои се покажаа и докажаа како главни измеќари“, укажа Мицкоски.
Тој посочи дека никој не очекуваше една државотворна партија СДСМ да се претвори во гранапче на Али Ахмети, на Артан, на ДУИ и да бидат главни измеќари само за да ги задржат своите позиции.
„Тоа е политичкото мочуриште во кое што ние денеска живееме“, истакна Мицкоски.
Мицкоски укажа дека СДСМ и Стево Пендаровски немаат план, немаат програма. Единствено нешто што научиле е само ЕУ, ЕУ.
„А, од ЕУ им остана само еврото кое што го крадат од вас граѓаните преку наместени тендери“, нагласи тој.
„После осми мај Македонија ќе биде повторно слободна и предводена од Влада на ВМРО-ДПМНЕ. А, сите оние кои што и нанесоа зло, неправда, болка, јас ви ветувам дека ќе одговараат“, порача Мицкоски.
Мицкоски рече дека ВМРО-ДПМНЕ и Коалицијата „Твоја Македонија“ на овие избори се бори за 61 пратеник и за претседател Гордана Силјановска Давкова. Време е граѓаните да живеат достоинствен живот во Македонија каде што ќе има правда, успешен образовен систем, подобар здравствен систем.
Македонија
Тошковски: СВР Охрид треба да биде во поголем објект, на соодветна локација, што ќе овозможи поефикасно работење
Министерот за внатрешни работи Панче Тошковски денеска оствари работни посети на Секторот за внатрешни работи Охрид, Езерската и Сообраќајната полиција како и Полициската станица за гранични проверки и граничен надзор Свети Наум каде одржа работни состаноци со раководствата на овие организациски единици.
СВР Охрид покрива 7 општини и во првото тромесечие од 2024 година се забележува стабилна безбедносна состојба со намалување од 13.5% на бројот на кривични дела во однос на првото тромесечиче во 2023 година на подрачјето кое го покрива.
„Во делот на спроведувањето на изборите кои ни претстојат, СВР Охрид има изготвено план и е спремен за справување со безбедносните предизвици кои ги носат изборите. Од аспект на човечки ресурси, пополнетоста е на незадоволителни 52%. Имајќи го предвид фактот дека Охрид е популарна туристичка дестинација во летниот период, има потреба од дополнителн број на полициски службеници и проширување на капацитетите, особено на полициската канцеларија во Пештани. Исто така, треба да се размислува за дислоцирање на СВР Охрид во поголем објект кој ќе биде на соодветна локација која ќе овозможи поефикасно работење“, потенцираше министерот Тошковски.
Што се однесува до Полициската станица за граничен надзор Охридско Езеро министерот Тошковски беше информиран дека ја покриваат сината граница во должина од 23.4 километри и постапуваат во делот на илегална миграција, прекуграничен криминал по воден пат на охридското езеро, контрола на внатрешната пловидба како и санкционирање на незаконит риболов. Во тој контекст се соочуваат со недостиг на обучени полициски службеници со соодветни дозволи за управување на пловни објекти, како и немање на договор со економски оператор за сервисирање на пловните објекти.
„Полициската станица за гранични проверки и граничен надзор Свети Наум покрај тековните активности во летниот период врши проверки и на езерскиот сообраќај преку отворање на привремен граничен премин за туристички посети. Се соочуваат со недостаток на човечки ресурси, а ја истакнаа и потребата од подобра едукација и обука на кадрите кои се распоредуваат во организациските единици кои се дел од граничната полиција“, подвлече Тошковски.
Македонија
Ковачки: Во Македонија владее една структура што е на заминување меѓутоа е под директно влијание на Мала Речица
Во изминатиот период во изминатите неколку дена имав можност да посетам многу населени места, градови села се сретнав со многу луѓе со земјоделци со образовни работници со лекари со воени лица со полицајци и секаде каде што одев преовладуваше една иста мисла. Време е за промени време е Македонија да престане да губи време Македонија да почне да победува- кажа Драган Ковачки член на ИК на ВМРО-ДПМНЕ и носител на ИЕ3 од митингот во Ранковце.
„Време е Македонија да ја вратиме во рацете на граѓаните, затоа што Македонија ни е одземена, ни е украдена и затоа што Македонија ни е понижена. Во Македонија владее една структура што е на заминување меѓутоа е под директно влијание на Мала Речица. Значи луѓе со 13 пратеници во изминатиот период успеаја да ја девастираат Македонија. Да го уништат системот да ги уништат институциите“, кажа Ковачки и додаде:
Здравството не функционира, земјоделците ни велат немаме загарантирана откупна цена, немаме вода за да си ги наводнуваме нашите ниви, немаме откупни центри епа затоа владата на ВМРО-ДПМНЕ се обврзува дека ќе вложи 800 милиони евра само за земјоделците. Ќе ги реновираме сите водоводни канали. Ќе воведеме откупна загарантирана цена и ќе отвориме нови откупни центри.
Тој рече и дека ВМРО-ДПМНЕ во својата програма ветува 5 000 денари покачување на пензиите за сите. Ветуваме проширување на позитивната листа на лекови. 250 милиони евра директна помош за Општините.
„ВМРО-ДПМНЕ ветува реализација на следните проекти: Изградба на делницата од Страцич (Чатал) до Длабочица како дел од експресниот пат А2, од Ранковце до Крива Паланка од патниот коридор 8 до Република Бугарија. Ќе се работи на изградба на канализациона мрежа за Опила, изградба на патен правец с. Петралица до село Баратлија, изградба на општински пат Радибуп до Средна маала, како и повеќе други проекти кои заедно со Општината Ранковце ќе ги реализираме“, нагласи Ковачки и додаде:
За сето тоа потребна ни е поддршка, масовната излезеност за пет дена од сега ни е многу важна. Поддршка на 24-ти април за г-ѓата Гордана Силјановска Давкова. Потоа на 8-ми мај да славиме голема и убедлива победа, да си ја вратиме Македонија.