Македонија
(Видео) ЦУК – Симулациска командно-штабна вежба за справување со кризни инциденти
Oваа недела, од 21 до 25 март, во Скопје се одржува Извршна командно-штабна вежба за одговор при серија кризни инциденти во реонoт на Град Скопје под името „Симулациска вежба за спраување со инциденти во Северна Македонија“ (со броеви по вежбовни денови 1, 2 и 3).
Toa истовремено е и работилница за одговор при кризни ситуации, организирана од страна на Канцеларијата за соработка во одбраната при Амбасадата на САД во Република Северна Македонија.
На симулациската командно-штабна вежба присуствуваше и заменик-шефот на мисијата, Ерик Мајер од Амбасадата на САД во нашата држава, а на почетокот на работниот дел воведен збор имаше и директорот на ЦУК, Стојанче Ангелов, покрај другите говорници од нашата Армија и ДЗС.
Претставници од Центарот за управување со кризи (ЦУК), предводени од директорот, Стојанче Ангелов, заедно со заменик-директорот Екрем Зендели, раководителот на Секторот за операции и координација Горан Стојановски, раководителот на Секторот за меѓународна соработка Урим Вејсели и тим вработени од ЦУК активно учествуваа во двонеделните активности на двете земји за обука и извежбување коориниран одговор при кризни ситуации.
Заедничката реализацијата на планираните активности се конкретизираше прво во Командната насочена обука за итни ситуции за тактички одговор при кризни ситуации, а потоа, исто така, со активно учество и во Извршната командно-штабната вежба што тематски е во релација на кризниот менаџмент за справување со ризици и опасности – серија итни ситуации.
Конкретно секој ден имаше различно сценарио за итни кризни ситуации, а при тоа и за конципирање соодветен одговор на истите, при можни: прво опасност од радиолошки материјали во урбана средина, потоа при поплава во реон на град и околина и при голема експлозија во истиот реон, град.
На вежбата беа користени примерите и искуствата од функционирањето на Американскиот стандардизиран систем за команда, контрола и координација на соодветен одговор при појава на инциденти (Incident Command System ICS) што во САД дал добри резултати, а и често бил користен интернационално како образец за слични пристапи за справување со закани, кризни ситуации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан, откако беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година, Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше ко-известувач на ЕП пред Комитетот за надворешни работи (АФЕТ), а Реслер беше ко-известувач пред Комитетот за буџет (БУДГ).
Реслер изјави за новинската агенција „Хина“ дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофираше дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отворија пред две години, а Македонија само делумно, со оглед на тоа што за целосен старт на преговорите неопходни се уставни измени за внесување на Бугарите во Уставот. Лидерите на земјите-членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.