Македонија
(Видео) Шкријељ: Сите пратеници да гласаат за измените на Законот за минималната плата
„Денеска, на Комисијата за труд и социјална политика на дневен ред се измените и дополнувањата на Законот за минималната плата, со кои создаваме услови минималната плата да изнесува најмалку 18.000 денари. Веќе од 1 април околу 80.000 работници ќе добиваат плата повисока за речиси три илјади денари“, изјави на денешната прес-конференција Санела Шкријељ“, пратеничка на СДСМ.
Таа додаде дека со ова последно зголемување, за четири и пол години, минималната плата ја зголемиле од 8.800 на 18.000 денари, односно повеќе од 100 отсто.
Овој закон обезбедува извесна иднина за сите работници бидејќи со воведувањето на новиот критериум за пресметување на минималната плата таа не може да биде пониска од 57 проценти од висната на просечната плата, изјави Санела Шкријељ.
Таа ги повика сите пратеници да ги поддржат овие измени на законот, тие да бидат донесени што е можно побргу затоа што се работи за подобрување на стандардот на 80.000 наши сограѓани, се работи за унапредување на нашата домашна економија.
Како парламентарно мнозинство, продолжуваме со реализација на мерки и политики што значат вложување во луѓето, во подобриот стандард и повеќе пари во секое семејство, додаде Шкријељ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.