Македонија
(Видео) Ѓорѓевски: Пропадна обидот на ВМРО-ДПМНЕ „шамарите“ од Центар да ги спроведе во Ѓорче Петров
„Опозициската ВМРО-ДПМНЕ и на централно и на локално ниво знае само за деструкција и лажни вести. Вчера, ВМРО-ДПМНЕ од Ѓорче Петров на седницата на Советот на Општината се обиде, но не успеа, да предизвика физичко насилство по примерот на ‘шамарите’ од Центар“, изјави Александар Ѓорѓевски, советник во Советот на Општина Ѓорче Петров.
Според него, членови на Извршниот комитет на Унијата на млади сили, затскриени зад наводна граѓанска иницијатива во спрега со советничката група на ВМРО-ДПМНЕ, со навреди и викотници упаднаа на седницата со единствена цел да ја попречат работата на Советот.
„Јавно објавени фотографии докажуваат дека фамозната иницијатива е партиска, а не граѓанска, како што лажно се претставуваат. Впрочем, од оваа фотографија може да се види дека извесен Горан, предводник на иницијативата, е истакнат член на ВМРО-ДПМНЕ и близок соработник на пратениците од ВМРО-ДПМНЕ – Владо Мисајловски и Бојан Стојаноски.
И неговата придружба, исто така наводно загрижениот граѓанин Борис Шамбевски е новоизбран член на Извршниот комитет на УМС. Ете така ВМРО-ДПМНЕ ги замислува граѓанските иницијативи, како партиски испостави. Така ја замислува демократијата, преку насилничко и недолично однесување на советничката Марија Андоновска, нова членка на Извршниот комитет на Мицкоски, а за која јавноста слушна како Груевски и Јануколовска се ангажирале за да се вработи. За 12 години власт, ВМРО-ДПМНЕ од Ѓорче Петров направи запоставена, задолжена и заборавена општина. Денес, како опозиција, оваа партија не може да се помири што во Ѓорче истовремено се реализираат 7 капитални проекти, што општината расте и се развива. Затоа, очајното ВМРО-ДПМНЕ го прави она што единствено го знае – шири лажни вести и создава тензии. Колку навистина се грижат за граѓаните, говори фактот што веднаш по метежот што самите го направија, го напуштија Советот, без да присуствуваат на суштински точки, како што се проширувањето на буџетот и обезбедување средства за асфалтирање улици.
ВМРО-ДПМНЕ не е мрдната ниту милиметар од режимско-насилничката матрица, но колку и да не им се допаѓа, општина Ѓорче Петров оди напред. Нивните деструкции, закани и лажни вести нема да го спречат напредокот. Како одговорна партија СДСМ продолжува да работи во интерес на граѓаните, во интерес на Ѓорче Петров“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.