Македонија
Витанов: Нема реално зголемување на платите, Владата наликува на „ДПМНЕ 2“
Нема реално покачување на просечната плата во Македонија, освен номиналното. Економистот Зоран Витанов вели дека информацијата што ја соопшти министерот за финансии, Драган Тевдовски, дека просечната плата е качена на максимални 24 025 денари е позитивна, само доколку се гледа без никаква анализа. Според Витанов, јазот меѓу сиромашните и богатите е во пораст, односно Македонија влегува во ера на сериозно социјално раслојување на општеството.
„Аналитиката покажува покачување на платите во банкарскиот и финансискиот сектор, а благо намалување во трудоинтензивните сектори, како земјоделитето, текстилот и други. Имаме покачени цени на некои производи. Масата народ осиромашува, за сметка на 3-4% граѓани кои се богатат. Една влада со спроведување економска мерка како краен ефект треба да има покачување на стандардот кај сите граѓани, што не го гледаме во нашиот случај“, вели Витанов за „Макфакс“.
Тој додава дека министерот за финансии, Драган Тевдовски, е платен од парите на граѓаните за да работи, а не за да се фали. Со ваквиот начин на функционирање Витанов постоечката Влада ја нарече „ДПМНЕ 2“. Економскиот аналитичар тврди дека во наредните години и најужасната влада просечната плата би ја подигала над 30. 000 денари.
„Ако во една станбена зграда имаме 100 станари, каде на тројца им се покачиле платите за 50%, а на другите 97 станари им биде намалена за 3%, збирно земено, како статистички просек, платите на станарите се зголемиле. Но, само троца станари ќе имаат ќар, а останатите ќе останат зијан“, вели Витанов објаснувајќи ја ситуацијата во Македонија низ пример.
Скапата администрација, трговскиот дефицит и прескапиот денар се трите фактори на кои Владата треба да работи ако сака подигнување на стандардот, додава Витанов, кој вели дека оваа гарнитура има капацитет тоа да го направи.
„Владата мора да ги пренасочи трошоците од буџетот. Имаме премногу недомаќини и паразити во Владата, а нашата економија е кревка и не го дозволува тоа. Време е да ги засукаат ракавите и да покажат принципиелност кон самите себе. Владата е премногу фокусирана на виртуелни теми. Министерот Тевдовски мора да остави другите да зборуваат за него“, вели економистот Витанов.
Министерот за финансии, Драган Тевдовски, на прес-конференција тврдеше дека е забележан пораст на примањата во текстилната индустрија, како и другите трудоинтензивни сектори, а, пак, минималната плата, според Тевдовски, имала истористи раст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата, која во следниот период имаме намера дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честита за успехот и се заблагодари на можноста да води кампања за која рече дека не била еднаква за сите оти законот што е во сила не дава еднаква можност за медиумско претставување на сите партии.
Рече дека се гордее на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоив повеќе од 80.000 гласа. Регистриравме субјект што постои нешто повеќе од три месеци и со граѓанската поддршка се етаблира на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади члена, а да освоите над 80.000 гласа. Искрено, се гордеам на секој глас што дојде како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Им порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој има 100.000 гласа помалку од Гордана Силјановска-Давкова.
„Почитуван мој претседателе, разликата е огромна. Доколку сакате да опстанат централната и левата идеја во државата, откажете се од оваа битка и оставете нѐ да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата, без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.