Македонија
Владата не знае дали командант Хоџа станал советник на Заев за безбедност, службите не работеле за викенд
Командат Џезаир Шакири Хоџа кој во конфликтот од 2001 година беше еден од командантите на ОНА, викендов добива честитки на социјалните мрежи оти станал советник за безбедност на премеирот Зоран Заев. Во конфликтот загинаа 75 припадници на македонските безбедносни сили.
Од Влада не можат ниту да ја потврдат ниту да ја демантираат информацијата.
„Службите во Влада не работат за време на викенд и не можам да ви дадам прецизна информација. Дали и на која функција е ангажиран Џезаир Шакири Хоџа ќе соопштиме утре“, вели Миле Бошњаковски, портпарол на Влада.
Хади Османи, кандидат за градоначалник на Липково од СДСМ, на „Фејсбук“ објави дека командант Хоџа заслужено станал командант на Владата, а под објавата прикачи фотографија од Џезаир Шакири како излегува од „белиот дворец“ на Владата.
„ По многу жртви за време на конфликтот во 2001 година и по многу предизвици со кои се соочил по конфликтот, Џезаир Шакири праведно заслужи награда.Командантот Хоџа сега е Командант на Владата.Слуга на народот и граѓаните на Македонија. Мојот сакан пријател конечно ја освои последната битка против диктатурата на Никола Груевски и благодарејќи на моите двајца пријатели, Зоран Заев и Џеват Исени, ја доби наградата и заслужената работа. Во оваа Влада, тие ги носат луѓето кои заслужуваат и знаат да ги вреднуваат оние што заслужуваат“ стои во објавата на Хади Османи.
Командантот Хоџа честитки има и од Џевад Исени, претседател на Управниот одбор на Јавното претпријатие за стопанисување со станбен и деловен простор. Тој напиша дека е горд на командантот.
„Вие не ја предадовте крвта на мачениците, вие не го предадовте даденото ветување. Денес предавниците мора да се соочат со вас очи во очи, дури и во владините институции, Џезаир Шакири Хоџа, горди на вас“, објави Исени.
Додека владините служби се на викенд за официјална потврда, бројот на честитки за новата функција на командантот со желби да стане уште поуспешен, постојано се зголемува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.