Македонија
ВМРО-ДПМНЕ бара кривична одговорност за Богоевски, велат дека оставката не може да биде оправдување
Оставката не е и не може да биде оправдување и амнестирање од направениот криминал, а Богоевски мора да сноси кривична одговорност за трговија на наркопазарот, изјави порпаролот на ВМРО-ДПМНЕ, Наум Стоилковски.
„МВР и ЈО мора итно да спроведат акција врз основа на личното признание на Павле Богоевски за да се открие целиот синџир за трговија со наркотици, но и да се провери кои сè од претставниците на власта, на парламентот и јавни функционери биле дел од таа и од таква криминална трговија, но и злоупотребувале наркотици. Очекуваме против Павле Богоевски да бидат преземени мерки за заштита за обезбедување присуство имајќи предвид дека Богоевски ја извршувал функцијата пратеник во Собранието и може да влијае врз сведоци во истрагата“, рече Стоилковски.
Претходно, денеска, Павле Богоевски најави дека ќе поднесе оставка по скандалот со аудиоснимката објавена на руската мрежа „Вконтакте“. Оставката на Богоевски ќе важи по гласањето на седница за предлогот за одземање на мандатот на Груевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Месечен надоместок од почетни 60.000 денари за специјализантите
„Специјализантите остануваат во фокус на СДСМ и во следниот мандат што ќе го добиеме бидејќи граѓаните ја препознаваат нашата посветеност за системско решавање на клучните прашања за здравствениот систем. Наша цел ќе биде зајакнување на главниот столб на кој се темели иднината на македонското здравство, а тоа е задржување на младите лекари и специјалисти во земјава. Тоа ќе го постигнеме преку зголемување на платите за специјализантите и преку создавање на повеќе специјалисти што ќе останат во македонското здравство“, истакна носителот на СДСМ во изборната единица 4, Венко Филипче.
„Специјализантите ќе ги остварат сите права за текот на нивната пракса преку целосно вкупно здравствено осигурување и ќе добиваат месечен надоместок од почетни 60.000 денари.
Исто така, нашата цел е да создадеме 1.000 нови специјализанти за четири години.
Покрај тоа, планираме зголемување на квотата за студенти на јавните високообразовни установи за медицина, стоматологија и фармација и ја укинуваме партиципацијата за студирање. СДСМ и во минатото докажа дека работи на приближување на системот на здравствена заштита во земјава до здравството во земјите членки на ЕУ.
За потсетување, во изминатиот период, одобривме рекордни 931 специјализација и 130 супспецијализации.
СДСМ ќе продолжи да вложува и во другиот медицински кадар.
Планираме драстично зголемување на платите на медицинскиот персонал. Докторите специјалисти ќе имаат плата од 140.000 до 180.000 денари, општите доктори плата од 120.000 денари, а медицинските сестри плата од 60.000 до 90.000 денари.
Политиката на СДСМ е јасна и конзистентна. Во изминатите години рекордно ги зголемивме платите во здравството. Основната плата на специјалистите ја зголемивме за 40%, на општите лекари за 25%, на медицинските сестри на клиниките помеѓу 20% и 23%, а на здравствените соработници за 15%. Ги зголемивме коефициентите за исплата на дежурства на здравствените работници и за првпат обезбедивме исплата на плати за приватните специјализанти во висина од просечната плата на општ лекар“, изјави носителот на СДСМ во изборната единица 4, Венко Филипче.
Македонија
Коалицијата „Вреди“: Албанците не ги забораваат гревовите на „пациентот” Бујар
Денеска ќе се вратиме во 2016 година, кога Специјалното Јавно Обвинителство или СЈО функционираше како иницијатива на меѓународниот фактор за расветлување на коруптивните скандали во РСМ.
Тогаш во случајот наречен „Пациент“, се издвојуваше како прв и единствен обвинет Албанец токму портпаролот на ДУИ, денес кандидат за претседател, Бујар Османи, истакнуваат од Коалцијата „Вреди“.
Како што велат за прв пат ќе откријат што всушност содржеше предметот „Пациент“ за кој, како што велат, беше обвинет Бујар Османи.
„Во истрагата постоеше основано сомнение за злоупотреба на службената положба на министерот за здравство, како и овластувањата на службените и одговорните лица во тендерските постапки за градежни работи, при што постоеле сомнежи дека бугарската компанија ГБС Благоевград беше фаворизирана иако имаше неколку поповолни понуди од други компании, во повеќе здравствени установи во земјава, меѓу кои и гинеколошката болница „Мајка Тереза“ во Чаир. Вредноста на тендерот изнесуваше над 2 милиони евра.
Денеска се собравме, токму пред Гинеколошката болница „Мајка Тереза“ во Чаир, да пренесеме порака дека ние не забораваме!
Овде сме собрани, жени, мајки, сестри, ќерки да го обелодениме овој скандал, каде денешниот кандидат за претседател е обвинет за финансиска злоупотреба во овој за нас, свет објект и каде секој ден се породуваат нашите ќерки, нашите сестри, нашите пријателки. Замислете до каде оди лакомоста на овие луѓе за пари, злоупотребуваат милиони евра од местото каде што се пораѓаат сите мајки од Скопје и пошироко“, велат од оваа коалиција.
Ппрашуваат дали Албанците заслужуваат таков кандидат за Претседател.
„Јавно прашуваме, ако не се грижат за граѓаните, дали овие политичари знаат дека оваа болница им служи покрај другите и на нивните роднини?
Граѓаните никогаш нема да го заборават „Пациентот“ Бујар Османи. Можеби партизираните судови на Артан Груби го пикнаа овој случај во некој ќош, но доаѓа време за одговорност за направеното, но и за тие кои го криеја случајот. Замислете, овие милиони можеа да бидат кревети за мајки, опрема за гинеколози, работа за медицински сестри, подобри услови за бебиња. Овие злоупотребени пари можеа да бидат буџетски средства за да се донесат решенија за тие над 1700 вработени во здравството кои се со договор на дело, и никако не можат да добијат решенија за работа“, истакнуваат од коалицијата.
Потенцираат дека доаѓа време за одговорност, и дека граѓаните ќе ја осудат криминогена власт.
Македонија
(Видео) Стевановиќ: Пендаровски е човек со интегритет, државнички став, план и визија за европска иднина на земјата
„Поминаа две недели од изборната кампања, а граѓаните видоа дека Силјановска нема план, а нема ниту свој став, таа е продолжена рака на Христијан Мицкоски. Тој и ја води кампањата, тој одлучува. Од друга страна, се покажа дека Стево Пендаровски е човек со интегритет, државнички став, план и визија за европска иднина на земјата“, рече Милена Стевановиќ, членка на ИО на СДСМ и кандидат за пратеник во ИЕ 1.
„Човек без ниту една дамка за време на неговиот мандат и без ниту една грешна одлука. Глас за Стево Пендаровски и СДСМ е глас за сигурна, европска иднина. Глас за Силјановска и ДПМНЕ е глас за враќање назад во изолација и неизвесност.
На Македонија не и треба реприза на Иванов, претседател – партиски послушник кој наместо гласот на народот ќе ја слуша само Белата палата. На Македонија и на граѓаните им треба вистински Претседател, со свој став и државничко чувство за иднината на државата.
Граѓаните сакаат и заслужуваат да живеат во европска Македонија, со европски животен стандард. Не ни треба враќање назад во изолација и незивесност туку напредок и членство во ЕУ“, изјави Милена Стевановиќ, членка на ИО на СДСМ и кандидат за пратеник во ИЕ 1.