Македонија
ВМРО-ДПМНЕ: Власта од земјоделците направи социјални случаи со намера да ги манипулира за избори
На денешната собраниска расправа за финансирање на буџет на која се коментираше за ребалансот на буџетот расправаа пратениците од ВМРО-ДПМНЕ. Пратеникот од ВМРО-ДПМНЕ Бојан Стојаноски на денешната собраниска комисија за финансирање на буџет рече дека лично тој смета дека вака концепираниот ребаланс на буџетот нема да ги даде одговорите на сите отворени прашања коишто ги има македонското општество, особено македонската фискална сфера.
„Рековме дека во првите шест месеци од оваа година сме се задолжиле една милијарда, каде и дали помогна тоа, ќе цени народот, а тоа ние можеме да го видиме преку мерливите критериуми коишто излегуваат секој ден преку бројот на лица коишто се невработени и прелу начин на кој галопирачки расте сиромаштијата. Имаме зголемување на јавниот долг за 10.4% за една година, а растот на јавниот долг во времето од 2006 до 2016 година, каде што имавме две големи светски и европски должнички кризи и една државна силна политичка криза, порасна само 15.6%, односно за десет години 15.6%, а за една година 10%. СДСМ во овие години имаше 4 министри за финансии, почнувајќи од професорот кој сега е иселен и оние негови идеи за прогресивни даноци, па потоа враќање назад на некои чудни економски политики кои не беа сфатени ниту прифатени од ниту еден чинител во стопанството. Понатаму, едно време Зоран Заев ни држеше лекции како ќе се подобрела економијата и морам да признаам дека навистина ни одржа лекција. Ова е лекцијата којашто тој човек најдобро знае да ја направи, економски пропаст и амбис. Потоа ја имавме Нина Ангеловска и на крај е министерот Бесими, којшто во првата недела од својот мандат ‘нè израдува’ со бројката дека 920 милиони евра сме во дефицит“, истакна пратеникот Стојаноски.
Пратеникот Бране Петрушевски посочи дека владата ги доведе граѓаните во доста лоша економска состојба, живеат на работ на егзистенција. А Владата енормно се богати на грбот на народот.
„Власта ги дотера земјоделците до питачки стап. Знаете колкава мака вложуваат земјоделците во оваа држава, маката на крајот им е неисплатлива. Од година во година државата мора да интервенира со големи финансиски средства за да ги доведеме во нормална економска ситуација“, истакна Петрушевски.
Петрушевски додаде дека власта направи од земјоделците социјални случаи. „Државата свесно го прави тоа, за да може власта да има влијание врз таа категорија граѓани. Тие ќе бидат зависни од финансиската поддршка што ќе им ја даде власта, која подоцна ќе манипулираат со нив конкретно пред избори“, нагласи Петрушевски.
Петрушевски посочи дека субвенциите на земјоделците доцнат.
„Катастрофално ни осиромашува народот. Ние имаме сериозен економски проблем во државата. И проблемот не е само предизвикан од ковид-кризата. Генерално во државата имаме проблем со сиромаштија“, потенцира Петрушевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.